ബിസിഎ - ഓഫ് കാന്പസ് പ്രാക്ടിക്കൽ പരീക്ഷ 28 മുതൽ
2019 നവംബറിൽ നടന്ന ഒന്നു മുതൽ ആറു വരെ സെമസ്റ്റർ ബിസിഎ ഓഫ് കാന്പസ് (സപ്ലിമെന്ററി, മേഴ്സി ചാൻസ്) പരീക്ഷയുടെ പ്രാക്ടിക്കൽ 28 മുതൽ ഏറ്റുമാനൂർ ഏറ്റുമാനൂരപ്പൻ കോളജിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ. വിശദവിവരം കോളജിൽ ലഭിക്കും.
എംകോം സൂക്ഷ്മപരിശോധന
2019 ജൂണിൽ നടന്ന രണ്ടാം സെമസ്റ്റർ എംകോം (റെഗുലർ) പരീക്ഷയുടെ സൂക്ഷ്മപരിശോധന 25ന് രാവിലെ 11 മുതൽ വൈകുന്നേരം നാലുവരെ സർവകലാശാല അസംബ്ലി ഹാളിൽ നടക്കും. അപേക്ഷിച്ചവർ ഹാൾടിക്കറ്റ്, ഫോട്ടോ പതിച്ച തിരിച്ചറിയൽ കാർഡുമായി എത്തണം.
സ്പോർട്സ് സ്കോളർഷിപ്പ്; അപേക്ഷ ക്ഷണിച്ചു
സർവകലാശാല സ്പോർട്സ് സ്കോളർഷിപ്പ് 201920ലേക്ക് അപേക്ഷ ക്ഷണിച്ചു. പ്രിൻസിപ്പൽ സാക്ഷ്യപ്പെടുത്തിയ നിശ്ചിത ഫോമിലുള്ള അപേക്ഷ, സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം ഒക്ടോബർ 19ന് മുന്പായി സ്കൂൾ ഓഫ് ഫിസിക്കൽ എഡ്യുക്കേഷൻ ആൻഡ് സ്പോർട്സ് സയൻസസ് ഓഫീസിൽ എത്തണം. അപേക്ഷാഫോം സർവകലാശാല വെബ്സൈറ്റിൽ ലഭിക്കും.
ജനറൽ കൗണ്സിൽ; പ്രൊഫോർമ സമർപ്പിക്കണം
സർവകലാശാല ജനറൽ കൗണ്സിൽ രൂപീകരണത്തിനായി 201920 അധ്യയന വർഷത്തിലെ കോളജ് യൂണിയൻ തെരഞ്ഞെടുപ്പിൽ വിവിധ കോളജുകളിൽ കൗണ്സിലർമാരായി തെരഞ്ഞെടുക്കപ്പെട്ടവരുടെ വിശദാംശങ്ങളും ഫോട്ടോയും അടങ്ങിയ നിർദിഷ്ട പ്രൊഫോർമ സമർപ്പിക്കാത്ത എല്ലാ അഫിലിയേറ്റഡ് കോളജുകളും പ്രിൻസിപ്പലിന്റെ സാക്ഷ്യപ്പെടുത്തലോടെ ഒക്ടോബർ അഞ്ചിനകം സർവകലാശാല ഇലക്ഷൻ വിഭാഗത്തിൽ നൽകണം.