കണ്ണൂർ സർവകലാശാലയുടെ മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന മാത്തമാറ്റിക്കൽ സയൻസ് വിഭാഗത്തിലെ എംഎസ്സി മാത്തമാറ്റിക്സ് പ്രവേശനപരീക്ഷ നാളെ കണ്ണൂർ എസ്എൻ കോളജിൽ നടക്കും. ബിഎസ്സിതല പാഠ്യഭാഗങ്ങൾ അടിസ്ഥാനമാക്കിയായിരിക്കും പ്രവേശനപരീക്ഷ. അപേക്ഷ നൽകിയിട്ടുള്ളവർ ഹാൾടിക്കറ്റും അനുബന്ധരേഖകളുമായി രാവിലെ10.30ന് പരീക്ഷയ്ക്ക് ഹാജരാകണം. ഫോൺ: 9349523003.
അപേക്ഷ ക്ഷണിച്ചു
കണ്ണൂർ സർവകലാശാല യുജിസിഎച്ച്ആർഡിസിക്ക് 202021 വർഷത്തിൽ യുജിസി അനുവദിച്ച കോഴ്സുകളിൽ നവംബർ 11 മുതൽ ഡിസംബർ 10 വരെ നടത്തുന്ന രണ്ടാമത്തെ ഓൺലൈൻ ടീച്ചർ ഇൻഡക്ഷൻ പ്രോഗ്രാമിന് ഓൺലൈനായി അപേക്ഷിക്കാം. അവസാന തീയതി ഈമാസം 31. കൂടുതൽ വിവരങ്ങൾക്ക് വെബ്സൈറ്റ് (www.kannuruniversity.ac.in ) സന്ദർശിക്കുക.
വർക്ഷോപ്പ്
നവംബർ 20 മുതൽ 26 വരെ നടത്തുന്ന മൂക്സ്, ഓൺലൈൻ കോഴ്സസ് ആൻഡ് ഓപ്പൺ എഡ്യുക്കേഷണൽ റിസോഴ്സസ് (MOOCs, Online Courses & Open Educational Resources) എന്ന വർക് ഷോപ്പിന് ഓൺലൈനായി അപേക്ഷിക്കാം. അൺ എയ്ഡഡ് കോളജുകളിലെ അധ്യാപകർക്കും അപേക്ഷിക്കാം. അവസാനതീയതി നവംബർ അഞ്ച്. കൂടുതൽ വിവരങ്ങൾക്ക് വെബ്സൈറ്റ് (www.kannuruniversity.ac.in ) സന്ദർശിക്കുക.
ടൈംടേബിൾ
നവംബർ 17ന് ആരംഭിക്കുന്ന രണ്ടാം സെമസ്റ്റർ ബിഎഡ് ഡിഗ്രി റഗുലർ/സപ്ലിമെന്ററി/ഇംപ്രൂവ്മെന്റ് ഏപ്രിൽ 2020 പരീക്ഷാ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു. പരീക്ഷകൾ വെള്ളിയാഴ്ച ഉച്ചകഴിഞ്ഞ് രണ്ടിനും മറ്റു ദിവസങ്ങളിൽ രാവിലെ 11നും ആരംഭിക്കും.