ഒന്നാംവർഷ ബി.എഡ്. പ്രവേശനം 2020 രണ്ടാംഘട്ട അലോട്ട്മെന്റ് പ്രസിദ്ധീകരിച്ചു
202022 അധ്യയനവർഷത്തിലെ ബിഎഡ് കോഴ്സുകളിലേക്ക് പ്രവേശനത്തിനുളള രണ്ടാംഘട്ട അലോട്ട്മെന്റ് പ്രസിദ്ധീകരിച്ചു. പുതുതായി അലോട്ട്മെന്റ് ലഭിച്ച അപേക്ഷകർ അഡ്മിഷൻ വെബ്സൈറ്റിൽ ലോഗിൻ ചെയ്ത് നിശ്ചിത സർവകലാശാല ഫീസ് ((For General category Rs.1130/ and for SC/ST Category Rs.230) ഒടുക്കി അലോട്ട്മെന്റ് മെമ്മോ ഡൗണ്ലോഡ് ചെയ്യണം. 28, 29 തീയതികളിൽ യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം കോളജിൽ ഹാജരായി അഡ്മിഷൻ എടുക്കണം. വിശദവിവരങ്ങൾക്ക് അഡ്മിഷൻ വെബ്സൈറ്റ് () സന്ദർശിക്കുക. കോവിഡ് മഹാമാരിയുമായി ബന്ധപ്പെട്ട പ്രോട്ടോക്കോൾ നിർബന്ധമായും പാലിക്കണം.
എൽഎൽബി പരീക്ഷ സെന്റർ മാറ്റത്തിന് അപേക്ഷിക്കാം
ജനുവരി നാലിന് ആരംഭിക്കുന്ന ആറാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി /ബികോംഎൽഎൽബി /ബിബിഎ എൽഎൽബി പരീക്ഷകൾക്ക് കൊല്ലം ശ്രീനാരായണഗുരു കോളജ് ഒഴികെ കേരളസർവകലാശാലയുടെ കീഴിൽ വരുന്ന ആറ് ലോ കോളജുകളിൽ സെന്റർ മാറ്റം ആവശ്യമുളള വിദ്യാർഥികൾ അവരവരുടെ കോളജ് പ്രിൻസിപ്പൽമാരെ 26 ന് മുന്പ് വിവരം അറിയിക്കണം. പ്രസ്തുത പരീക്ഷയ്ക്ക് സബ്സെന്റർ ഉണ്ടായിരിക്കുന്നതല്ല.
എംഎസ്ഡബ്യൂ (ഡിസാസ്റ്റർ മാനേജ്മെന്റ്) റാങ്ക്ലിസ്റ്റ് പ്രസിദ്ധീകരിച്ചു
അഫിലിയേറ്റ് ചെയ്തിട്ടുള്ള ലയോള കോളജ് ഓഫ് സോഷ്യൽ സയൻസ്, ശ്രീകാര്യത്തിലെ എംഎസ്ഡബ്ല്യൂ (ഡിസാസ്റ്റർ മാനേജ്മെന്റ്) കോഴ്സിലേക്കുളള 202021 അധ്യയന വർഷത്തേക്കുള്ള അഡ്മിഷനു വേണ്ടിയുള്ള എൻട്രൻസ് പരീക്ഷ എഴുതിയ വിദ്യാർഥികളുടെ റാങ്ക് ലിസ്റ്റ് പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ടൈംടേബിൾ
ഇന്റഗ്രേറ്റഡ് ഡിപ്ലോമ ഇൻ റഷ്യൻ, സർട്ടിഫിക്കറ്റ് ഇൻ റഷ്യൻ ആൻഡ് ഡിപ്ലോമ ഇൻ റഷ്യൻ പരീക്ഷകൾ ജനുവരി 11 ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
എട്ടാം സെമസ്റ്റർ ഇന്റഗ്രേറ്റഡ് പഞ്ചവത്സര ബികോം എൽഎൽബി /ബിബിഎ എൽഎൽബി നവംബർ 2020 പരീക്ഷയുടെ പ്രോജക്ട് ഇവാല്യുവേഷനും വൈവവും ജനുവരി 15ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫീസ്
2021 ഫെബ്രുവരി 19 ന് ആരംഭിക്കുന്ന അവസാനവർഷ ബിഫാം (സപ്ലിമെന്ററി) പരീക്ഷയ്ക്ക് പിഴകൂടാതെ 30 വരെയും 150 രൂപ പിഴയോടെ 2021 ജനുവരി അഞ്ച്വരെയും 150 രൂപ പിഴയോടെ ജനുവരി ഏഴുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സ്പോട്ട് അഡ്മിഷൻ
കാര്യവട്ടം യൂണിവേഴ്സിറ്റി കോളജ് ഓഫ് എൻജിനിയറിംഗിൽ ഒന്നാം വർഷ ബിടെക് കോഴ്സുകളിലെ (ഇസി., സിഎസ്, ഐടി) ഒഴിവുളള എൻആർഐ സീറ്റുകളിലേക്കുള്ള അഡ്മിഷൻ 23 മുതൽ 31 വരെ കോളജ് ഓഫീസിൽ നടത്തും. വിശദവിവരങ്ങൾക്ക്:
9037119776, 9846332974
ഫ്യൂച്ചേഴ്സ് സ്റ്റഡീസ് വകുപ്പിൽ എംടെക് ടെക്നോളജി മാനേജ്മെന്റ് (202022) ഒഴിവുള്ള സീറ്റുകൾക്കായുള്ള (ജനറൽ 7, എസ്സി/എസ്ടി 3) സ്പോട്ട് അഡ്മിഷൻ 29 ന് രാവിലെ 11ന് കാര്യവട്ടം കേരളസർവകലാശാല ഫ്യൂച്ചേഴ്സ് സ്റ്റഡീസ് ഡിപ്പാർട്ട്മെന്റിൽ നടത്തും. താത്പര്യമുള്ളവർ ആവശ്യമായ എല്ലാ രേഖകളും ആവശ്യമായ ഫീസുകളും സഹിതം ഡിപ്പാർട്ട്മെന്റ് ഓഫീസിൽ ഹാജരാകണം. വിശദവിവരങ്ങൾക്ക്: 0471 2305321, 9249438722, 9446403562. യോഗ്യത: കേരളസർവകലാശാലയിൽ നിന്ന് 55 ശതമാനം മാർക്കിൽ കുറയാതെ നേടിയ എൻജിനിയറിംഗ്/ടെക്നോളജിയുടെ ഏതെങ്കിലും ശാഖയിൽ ബിടെക് ബിരുദം അല്ലെങ്കിൽ തത്തുല്യമായത്.
കന്പ്യൂട്ടർ സയൻസ് പഠനവിഭാഗത്തിൽ എഐസിടിഇ അംഗീകാരമുളള എംടെക് കന്പ്യൂട്ടർ സയൻസിൽ (ഡിജിറ്റൽ ഇമേജ് പ്രോസസിംഗ് സ്പെഷലൈസേഷൻ) കോഴ്സിന് ഏതാനും സീറ്റുകൾ ഒഴിവുണ്ട്. ഈഴവ, ബിപിഎൽ. എസ്സി, എസ്ടി., ഒബിസി., ക്രിസ്ത്യൻ, സ്പോണ്സേർഡ് എന്നീ വിഭാഗങ്ങളിലാണ് സീറ്റ് ഒഴിവുള്ളത്. താത്പര്യമുള്ളവർ 29 ന് രാവിലെ 11ന് അസൽ സർട്ടിഫിക്കറ്റുകളുമായി കാര്യവട്ടം കാന്പസിലെ കന്പ്യൂട്ടർ സയൻസ് വിഭാഗത്തിൽ എത്തിച്ചേരണം. കൂടുതൽ വിവരങ്ങൾക്ക്: 8137806393
കന്പ്യൂട്ടർ സയൻസ് പഠനവിഭാഗത്തിൽ എംഎസ്സി കന്പ്യൂട്ടർ സയൻസിൽ എസ്സി/എസ്ടി വിഭാഗത്തിൽ ഒരു സീറ്റും എംഎസ്സി കന്പ്യൂട്ടർ സയൻസ് (സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ്) എസ്സി/എസ്ടി വിഭാഗത്തിൽ രണ്ട് സീറ്റും ഒഴിവുണ്ട്. താൽപര്യമുള്ളവർ 29 ന് രാവിലെ 11ന് അസൽ സർട്ടിഫിക്കറ്റുകളുമായി കാര്യവട്ടം കാന്പസിലെ കന്പ്യൂട്ടർ സയൻസ് വിഭാഗത്തിൽ എത്തിച്ചേരണം. കൂടുതൽ വിവരങ്ങൾക്ക്: 8137806393.
പരീക്ഷാഫലം
2019 ഡിസംബറിൽ നടത്തിയ ഒന്നാം സെമസ്റ്റർ എംഎ തമിഴ്, എംഎ ഹിന്ദി റെഗുലർ ആൻഡ് സപ്ലിമെന്ററി പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
വിദൂരവിദ്യാഭ്യാസപഠനകേന്ദ്രം 2020 ജനുവരിയിൽ നടത്തിയ ഒന്നും രണ്ടും സെമസ്റ്റർ എംകോം. (2017 അഡ്മിഷൻ സപ്ലിമെന്ററി, 2018 അഡ്മിഷൻ റെഗുലർ) പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.