|
|
| കുഫോസ്: മാസ്റ്റേഴ്‌സ്, പിഎച്ച്ഡി കോഴ്‌സുകളിലേക്ക് അപേക്ഷ ക്ഷണിച്ചു |
കൊച്ചി: സംസ്ഥാന സര്‍ക്കാരിന്‍റെ കീഴിലുള്ള കേരള ഫിഷറീസ്‌ സമുദ്രപഠന സര്‍വകലാശാല(കുഫോസ്) വിവിധ പിജി പ്രോഗാമുകളിലേക്കും പിഎച്ച്ഡി കോഴ്‌സിലേക്കും പ്രവേശനത്തിന് അപേക്ഷ ക്ഷണിച്ചു. പിഎച്ച്ഡി ഉള്‍പ്പെടെയുള്ള എല്ലാ കോഴ്‌സുകളിലേക്കും ഓണ്‍ലൈനായാണ് (www.admis sion.kufos.ac.in) അപേക്ഷ സമര്‍പ്പിക്കേണ്ടത്.
അപേക്ഷ സമര്‍പ്പിക്കേണ്ട അവസാന തീയതി മേയ് ഏഴ്. കോഴ്‌സുകളുടെ വിശദാംശങ്ങളും, ഫീസ്, സീറ്റുകളുടെ എണ്ണം മുതലായ വിവരങ്ങളും പ്രോസ്പെക്ടസും www.kufos.ac.in ല്‍ ലഭ്യമാണ്. എല്ലാ കോഴ്‌സുകളിലേക്കും അവസാന വര്‍ഷ ഫലം കാത്തിരിക്കുന്നവര്‍ക്കും അപേക്ഷിക്കാം. കുഫോസ് നടത്തുന്ന പ്രവേശന പരീക്ഷയിലൂടെയാണു പ്രവേശനം. എല്ലാ കോഴ്‌സുകളിലേക്കും മത്സ്യത്തൊഴിലാളികളുടെ മക്കള്‍ക്ക് പ്രത്യേക സംവരണമുണ്ട്. എംഎഫ്എസ്‌സി ഒഴികെയുള്ള പിജി പ്രോഗ്രാമുകളില് രണ്ടു വീതം എന്‍ആര്‍ഐ സീറ്റുകളുമുണ്ട്.
|