ബിപിഎഡ്, എംപിഎഡ്, എംഎ മ്യൂസിക് കോഴ്സുകൾക്ക് അപേക്ഷ ക്ഷണിച്ചു
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസും പയ്യന്നൂർ കാന്പസുകളിലെ വിവിധ ഡിപ്പാർട്ടുമെന്റുകളും നടത്തുന്ന ബിപിഎഡ്, എംപിഎഡ്, എംഎ മ്യൂസിക് കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ബിപിഎഡ്, എംപിഎഡ് എന്നീ കോഴ്സുകൾ മാങ്ങാട്ടുപറന്പ് കാന്പസിലും എംഎ മ്യൂസിക് കോഴ്സ് പയ്യന്നൂർ കാന്പസിലുമാണ് നടത്തുന്നത്.
അപേക്ഷാഫോറം, പ്രോസ്പെക്ടസ് തുടങ്ങിയവ സർവകലാശാലയുടെ വെബ്സൈറ്റിൽ ലഭിക്കും. ഡൗൺലോഡ് ചെയ്ത അപേക്ഷകൾ പൂരിപ്പിച്ച് സർട്ടിഫിക്കറ്റുകളുടെ പകർപ്പ്, ഫീസടച്ച ചലാൻ എന്നിവസഹിതം ബന്ധപ്പെട്ട വകുപ്പ് മേധാവികൾക്ക് സമർപ്പിക്കണം. സർവകലാശാല നടത്തുന്ന പ്രവേശന പരീക്ഷയുടെ അടിസ്ഥാനത്തിലായിരിക്കും പ്രവേശനം. അപേക്ഷ സമർപ്പിക്കേണ്ട അവസാന തീയതി മേയ് അഞ്ചാണ്. വിശദവിവരങ്ങൾ സർവകലാശാലയുടെ www.kannuruniversity.ac.in എന്ന വെബ്സൈറ്റിൽ ലഭ്യമാണ്.
പ്രോജക്ട് മൂല്യനിർണയം, പ്രായോഗിക/വാചാ പരീക്ഷകൾ
രണ്ടാം സെമസ്റ്റർ എംഎസ്സി കെമിസ്ട്രി ഡിഗ്രി (സിസിഎസ്എസ്റഗുലർ/സപ്ലിമെന്ററി, മേയ് 2019) പ്രായോഗിക പരീക്ഷ 26, 27 തീയതികളിൽ പയ്യന്നൂർ സ്വാമി ആനന്ദതീർഥ കാമ്പസിൽ നടത്തും.
രണ്ടാം സെമസ്റ്റർ എംഎസ്സി വുഡ് സയൻസ് ആൻഡ് ടെക്നോളജി ഡിഗ്രി (സിസിഎസ്എസ്റഗുലർ/സപ്ലിമെന്ററി, മേയ് 2019) പ്രായോഗിക പരീക്ഷകൾ 25 മുതൽ നടത്തും. രജിസ്റ്റർചെയ്ത വിദ്യാർഥികൾ പഠനവകുപ്പുമായി ബന്ധപ്പെടണം.