സിന്‍ഡിക്കറ്റ് തെരഞ്ഞെടുപ്പ്
കാലിക്കട്ട് സര്‍വകലാശാലയുടെ ഏപ്രില്‍ 17 ലെ വിജ്ഞാപന പ്രകാരം സിന്‍ഡിക്കേറ്റ് തെരഞ്ഞെടുപ്പിനുവേണ്ടിയുള്ള കരട് വോട്ടര്‍ പട്ടിക 25ന് പ്രസിദ്ധീകരിച്ചു. ഇത് സംബന്ധിച്ചുള്ള തിരുത്തലുകള്‍ക്കും കൂട്ടിച്ചേര്‍ക്കലുകള്‍ക്കും മറ്റും 15 ദിവസത്തിനുള്ളില്‍ രജിസ്ട്രാര്‍ ആൻഡ് റിട്ടേണിംഗ് ഓഫീസര്‍, കാലിക്കട്ട് സര്‍വകലാശാല എന്ന വിലാസത്തില്‍ അറിയിക്കണം. കരട് വോട്ടര്‍ പട്ടികയുടെ പകര്‍പ്പ് വെബ്സൈറ്റില്‍ ലഭ്യമാണ്.
എംഎ ഇംഗ്ലീഷ് മാര്‍ക്ക് ലിസ്റ്റ്
വിദൂരവിദ്യാഭ്യാസം എംഎ ഇംഗ്ലീഷ് ഫൈനല്‍ 2018, പ്രീവിയസ് മേയ് 2018 (നോണ്‍ സെമസ്റ്റർ) പരീക്ഷയുടെ മാര്‍ക്ക് ലിസ്റ്റുകള്‍ മേയ് രണ്ടുമുതല്‍ വിതരണം ചെയ്യും. എംഎ ഇംഗ്ലീഷ് ഫൈനല്‍ പരീക്ഷയ്ക്ക് തിരൂര്‍ ടിഎംജി കോളജില്‍ പരീക്ഷ എഴുതിയവര്‍ തിരൂരങ്ങാടി പിഎസ്എംഒ കോളജില്‍ നിന്നും ഗുരുവായൂര്‍ ശ്രീ കൃഷ്ണ കോളജ്, തൃശൂര്‍ ഗവണ്‍മെന്‍റ് കോളജ് എന്നിവിടങ്ങില്‍ എഴുതിയവര്‍ തൃശൂര്‍ സെന്‍റ് തോമസ് കോളജില്‍ നിന്നും മാര്‍ക്ക് ലിസ്റ്റുകളും പ്രൊവിഷണല്‍ സര്‍ട്ടിഫിക്കറ്റുകളും കൈപ്പറ്റണം. എംഎ ഇംഗ്ലീഷ് പ്രീവിയസ് പരീക്ഷയ്ക്ക് ചങ്കുവെട്ടി ഫാറൂഖ് ആര്‍ട്സ് ആൻഡ് സയന്‍സ് കോളജില്‍ പരീക്ഷ എഴുതിയവര്‍ തിരൂരങ്ങാടി പിഎസ്എംഒ കോളജില്‍ നിന്നും ചാലക്കുടി പിഎംജി കോളേജ്, ഗുരുവായൂര്‍ ശ്രീ കൃഷ്ണ കോളജ്, പുതുക്കാട് പ്രജ്യോതി നികേതന്‍ എന്നിവിടങ്ങില്‍ പരീക്ഷ എഴുതിയവര്‍ തൃശൂര്‍ സെന്‍റ് തോമസ് കോളജില്‍ നിന്നും, എരഞ്ഞിപ്പാലം സെന്‍റ് സേവിയേര്‍സ് ആര്‍ട്സ് ആൻഡ് സയന്‍സ് കോളജ്, മുക്കം എംഎഎംഒ കോളജ് എന്നിവിടങ്ങില്‍ പരീക്ഷ എഴുതിയവര്‍ കോഴിക്കോട് ദേവഗിരി സെന്‍റ് ജോസഫ്സ് കോളജില്‍ നിന്നും വടകര എംഇഎസ് കോളജില്‍ എഴുതിയവര്‍ മടപ്പള്ളി ഗവണ്‍മെന്‍റ് കോളജില്‍ നിന്നും മാര്‍ക്ക് ലിസ്റ്റുകള്‍ കൈപ്പറ്റണം.
എംബിഎ പുനര്‍മൂല്യനിര്‍ണയ ഫലം
കാലിക്കട്ട് സര്‍വകലാശാല രണ്ടാം സെമസ്റ്റര്‍ എംബിഎ ജൂണ്‍ 2018 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടണം.
പ്രീ ഇസ്ലാമിക് കോഴ്സ് പൂര്‍ത്തിയാക്കിയവര്‍ക്ക് സൗജന്യ പരിശീലനം
കാലിക്കട്ട് സര്‍വകലാശാലാ ഇസ്ലാമിക് ചെയറിന്‍റെ ആഭിമുഖ്യത്തില്‍ പ്രീ ഇസ്ലാമിക് സ്കൂളുകളില്‍ കോഴ്സ് പൂര്‍ത്തിയാക്കിയ വിദ്യാര്‍ഥികള്‍ക്ക് തുടര്‍ പരിശീലനത്തിനായി 26 മുതല്‍ എല്ലാ വെള്ളിയാഴ്ചകളിലും രാവിലെ ഒമ്പത് മുതല്‍ ഒരു മണി വരെ സൗജന്യ പരിശീലനം നല്‍കുന്നു. രജിസ്ട്രേഷന് ഫോൺ: 7025851490, 9497343532.