ഒന്നാം വർഷ ബിരുദ പ്രവേശനം: ഓണ്ലൈൻ രജിസ്ട്രേഷൻ ആരംഭിച്ചു
സർവകലാശാലയോട് അഫിലിയേറ്റ് ചെയ്തിട്ടുള്ള ഗവ./എയ്ഡഡ്/സ്വാശ്രയ ആർട്സ് ആന്ഡ് സയൻസ് കോളജുകളിലും, യുഐടി, ഐഎച്ച്ആർഡി കേന്ദ്രങ്ങളിലും ഒന്നാം വർഷ ബിരുദ പ്രോഗ്രാമുകളിലേയ്ക്കുളള പ്രവേശനത്തിന് ഓണ്ലൈൻ രജിസ്ട്രേഷൻ ആരംഭിച്ചു. എല്ലാ കോളജുകളിലേയും മെറിറ്റ് സീറ്റുകളിലേക്കും എസ്സി/എസ്ടി/ എസ്ഇബിസി സംവരണ സീറ്റുകളിലേക്കും ഏകജാലക സംവിധാനം വഴിയായിരിക്കും അലോട്ട്മെന്റ്. കേരള സർവ്വകലാശാലയുടെ കീഴിൽ ബിരുദ പ്രവേശനം ആഗ്രഹിക്കുന്ന എല്ലാ വിദ്യാർഥികളും (മാനേജ്മെന്റ്, കമ്യൂണിറ്റി, ഭിന്നശേഷിയുള്ളവർ, തമിഴ് ഭാഷ ന്യൂനപക്ഷ വിഭാഗങ്ങൾ, ലക്ഷദ്വീപ് നിവാസികൾ, സ്പോർട്സ് ക്വാട്ട ഉൾപ്പടെ) ഏകജാലക സംവിധാനം വഴി അപേക്ഷ സമർപ്പിക്കണം.
അതീവശ്രദ്ധയോടെയും കൃത്യതയോടെയും രജിസ്ട്രേഷൻ നടപടികൾ പൂർത്തിയാക്കേണ്ട താണ്. രജിസ്ട്രേഷൻ സമയത്ത് നൽകുന്ന മൊബൈൽ ഫോണ് നന്പറുകൾ പ്രവേശന നടപടികൾ അവസാനിക്കുന്നത് വരെ ഒരു കാരണവശാലും മാറ്റരുത്.
കമ്യൂണിറ്റി ക്വാട്ട, സ്പോർട്ട്സ് ക്വാട്ട പ്രവേശനങ്ങൾ ഓണ്ലൈനായി നടത്തുന്നതാണ്. സ്പോർട്ട്സ് ക്വാട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഓണ്ലൈൻ അപേക്ഷയിലെ സ്പോർട്ട്സ് കോളത്തിന് നേരെ "യെസ് ’ എന്ന് രേഖപ്പെടുത്തണം. സ്പോർട്ട്സ് ഇനം, ഏതു തലത്തിലെ നേട്ടമാണ് എന്നിവ സെലക്ട് ചെയ്തിരിക്കണം. സ്പോർട്ട്സ് നേട്ടങ്ങളുടെ സർട്ടിഫിക്കറ്റുകൾ സ്കാൻ ചെയ്ത് അപ്ലോഡ് ചെയ്യുവാനും കമ്യൂണിറ്റി ക്വാട്ട പ്രവേശനത്തിന് അപേക്ഷിക്കുവാനും ഉള്ള വിശാദാംശങ്ങൾ പിന്നീട് നൽകും.
ഏകജാലക സംവിധാനത്തിലുള്ള എല്ലാ ഫീസുകളും ഓണ്ലൈൻ വഴി മാത്രം അടയ്ക്കേണ്ട താണ്. ഡിമാന്ഡ് ഡ്രാഫ്റ്റ്, ചെക്ക് എന്നിവ സ്വീകരിക്കുന്നതല്ല.
സംശയനിവാരണത്തിന് എല്ലാ പ്രവർത്തി ദിവസങ്ങളിലും 8281883052, 8281883053 എന്നീ ഹെൽപ്പ്ലൈൻ നന്പരുകളിൽ ബന്ധപ്പെടാം. ഓണ്ലൈൻ രജിസ്ട്രേഷൻ അവസാനിക്കുന്ന തീയതി, ഓരോ അലോട്ട്മെന്റുകളുടേയും തീയതി എന്നിവ പിന്നീട് വിജ്ഞാപനം ചെയ്യും. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാല ആസ്ഥാനത്തേയ്ക്ക് അയയ്ക്കേണ്ട.പ്രവേശന സമയത്ത് അതത് കോളജുകളിൽ ഹാജരാക്കിയാൽ മതിയാകും.
2019 വർഷത്തെ കേരള ഹയർ സെക്കൻഡറി/വൊക്കേഷണൽ ഹയർ സെക്കൻഡറി പരീക്ഷ പാസായ വിദ്യാർഥികൾ അവരുടെ പേരും രജിസ്റ്റർ നന്പരും ഓണ്ലൈൻ അപേക്ഷയിൽ ടൈപ്പ് ചെയ്യുന്പോൾ തന്നെ അവർക്ക് വിവിധ വിഷയങ്ങൾക്ക് ലഭിച്ച മാർക്കുകൾ സ്വമേധയാ രേഖപ്പെടുത്തപ്പെടും. പുനർമൂല്യനിർണയം വഴിയോ മറ്റോ മാർക്കുകൾക്ക് മാറ്റം വന്നാൽ രജിസ്ട്രേഷൻ അവസാനിക്കുന്നതിന് മുൻപായി തിരുത്തുകൾ വരുത്തുവാൻ സാധിക്കും.
പ്രോസ്പെക്ടസ് വായിച്ചതിന് ശേഷം മാത്രം ഓണ്ലൈൻ രജിസ്ട്രേഷൻ നടത്തുക.
പ്രാക്ടിക്കൽ
ആറാം സെമസ്റ്റർ ബിടെക് (2013 സ്കീം) ഫെബ്രുവരി/മാർച്ച് (സപ്ലിമെന്ററി) പരീക്ഷയുടെ പ്രാക്ടിക്കൽ മെക്കാനിക്കൽ എൻജിനിയറിംഗ് ബ്രാഞ്ച്, മെക്കാനിക്കൽ സ്കീം ഓട്ടോമൊബൈൽ എൻജിനിയറിംഗ് ബ്രാഞ്ച് 15, 16 തീയതികളിൽ കോളജ് ഓഫ് എൻജിനിയറിംഗ് തിരുവനന്തപുരത്തും ടികെഎം കോളജ് ഓഫ് എൻജിനിയറിംഗ് കൊല്ലത്തും നടക്കും. വിദ്യാർഥികൾ പരീക്ഷയ്ക്ക് മൂന്ന് ദിവസം മുന്പ് പരീക്ഷാകേന്ദ്രവുമായി ബന്ധപ്പെടേണ്ട താണ്. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
മേയിൽ നടത്തുന്ന രണ്ട ാം സെമസ്റ്റർ ബാച്ചിലർ ഓഫ് ഫിസിക്കൽ എഡ്യൂക്കേഷൻ (രണ്ടു വർഷ കോഴ്സ്) പരീക്ഷയ്ക്ക് ഓണ്ലൈനായി 15 വരെയും 50 രൂപ പിഴയോടെ 16 വരെയും 125 രൂപ പിഴയോടെ 17 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ കരിയർ റിലേറ്റഡ് ഫസ്റ്റ് ഡിഗ്രി പ്രോഗ്രാം 2013, 2014, 2015, 2016 അഡ്മിഷനുകൾ സപ്ലിമെന്ററി പരീക്ഷകൾക്കുളള ഓണ്ലൈൻ രജിസ്ട്രേഷൻ ആരംഭിച്ചു. 14 വരെയും 50 രൂപ പിഴയോടെ 16 വരെയും 125 രൂപ പിഴയോടെ 17 വരെയും അപേക്ഷിക്കാം.
ജൂണിൽ ആരംഭിക്കുന്ന രണ്ടാം സെമസ്റ്റർ എൽഎൽഎം പരീക്ഷകൾക്ക് 20 വരെയും 50 രൂപ പിഴയോടെ 22 വരെയും 125 രൂപ പിഴയോടെ 24 വരെയും അപേക്ഷിക്കാം.
പരീക്ഷാഫലം
ജനുവരിയിൽ നടത്തിയ ഒന്നാം സെമസ്റ്റർ എംഎ പബ്ലിക് അഡ്മിനിസ്ട്രേഷൻ, തമിഴ്, ബിസിനസ് ഇക്കണോമിക്സ്, ഫിലോസഫി, സംസ്കൃതം (ജനറൽ), എച്ച്ആർഎം, എംഎസ്ഡബ്ല്യൂ, എംഎംസിജെ എന്നീ പരീക്ഷാഫലങ്ങൾ വെബ്സൈറ്റിൽ.
ഓഗസ്റ്റിൽ നടന്ന രണ്ടാം സെമസ്റ്റർ സിബിസിഎസ് കരിയർ റിലേറ്റഡ് ബിസിഎ (2017 റെഗുലർ, 2016 ഇംപ്രൂവ്മെന്റ്, 2015 സപ്ലിമെന്ററി, 2013 & 2014 സപ്ലിമെന്ററി) ഡിഗ്രി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി 27 വരെ അപേക്ഷിക്കാം.
സന്പർക്ക ക്ലാസുകൾ
വിദൂര വിദ്യാഭ്യാസ കേന്ദ്രം നടത്തുന്ന നാലാം സെമസ്റ്റർ എംഎ, എംഎസ്സി ക്ലാസുകൾ 18 മുതൽ കാര്യവട്ടം, എസ്ഡിഇ പാളയം, കൊല്ലം സെന്ററുകളിൽ ആരംഭിക്കും. കാര്യവട്ടം സെന്ററിലെ മൂന്നാം സെമസ്റ്റർ ബികോം ക്ലാസുകൾ 11 മുതൽ ആരംഭിക്കും. 201719 എംഎ പബ്ലിക് അഡ്മിനിസ്ട്രേഷൻ ഒന്നും രണ്ടും സെമസ്റ്റർ ഇന്റേണൽ മാർക്കുകൾ പ്രസിദ്ധീകരിച്ചു. പരാതികൾ 15 ദിവസത്തിനകം കോഓർഡിനേറ്റർക്ക് സമർപ്പിക്കണം.
ഇന്റേണൽ മാർക്ക്
ഒന്നും രണ്ടും സെമസ്റ്റർ ബിഎസ്സി കംപ്യബട്ടർ സയൻസ്, ബിസിഎ (2017) ബാച്ചിന്റെ ഇന്റേണൽ മാർക്ക് വെബ്സൈറ്റിൽ പ്രസിദ്ധപ്പെടുത്തിയിട്ടുണ്ട്. പരാതികൾ ഉള്ളവർ 20നകം കോഓർഡിനേറ്ററെ അറിയിക്കണം.