ഗ്രീ​ക്ക് പു​രാ​ണ​ത്തി​ലെ വി​ശ്വ​സു​ന്ദ​രി​യാ​യി​രു​ന്നു സ്യൂ​സ് ദേ​വ​ന്‍റെ പു​ത്രി ഹെ​ല​ൻ. ഗ്രീ​സി​ലെ സ്പാ​ർ​ട്ട എ​ന്ന കൊ​ച്ചു​രാ​ജ്യ​ത്തി​ലെ രാ​ജാ​വാ​യി​രു​ന്ന മെ​ന​ലാ​വൂ​സ് ആ​യി​രു​ന്നു അ​വ​ളെ വി​വാ​ഹം ക​ഴി​ച്ചി​രു​ന്ന​ത്. എ​ന്നാ​ൽ, ഒ​രു​ദി​വ​സം ആ​രും പ്ര​തീ​ക്ഷി​ക്കാ​തി​രു​ന്ന നേ​ര​ത്ത് ട്രോ​യി​യി​ലെ രാ​ജാ​വാ​യി​രു​ന്ന പ്രീ​യെ​മി​ന്‍റെ പു​ത്ര​നാ​യ പാ​രീ​സ് ഹെ​ല​നെ ത​ട്ടി​ക്കൊ​ണ്ടു​പോ​യി.

ഹെ​ല​ന്‍റെ ഈ ​തി​രോ​ധാ​നം​മൂ​ല​മാ​ണു പ​ത്തു​വ​ർ​ഷം നീ​ണ്ടു​നി​ന്ന ട്രോ​ജ​ൻ യു​ദ്ധം ആ​രം​ഭി​ച്ച​ത്. മെ​ന​ലാ​വൂ​സി​ന്‍റെ സ​ഹോ​ദ​ര​നാ​യ അ​ഗ​മെം​ന​ണ്‍ ആ​യി​രു​ന്നു ട്രോ​ജ​ൻ യു​ദ്ധ​ത്തി​ൽ ഗ്രീ​ക്കു​കാ​രു​ടെ നേ​താ​വ്. യു​ദ്ധം ആ​രം​ഭി​ക്കു​ന്ന​തി​നു തൊ​ട്ടു​മു​ന്പാ​യി ഗ്രീ​ക്കു​നാ​യ​ക​ന്മാ​രി​ലൊ​രാ​ളാ​യ പാ​ല​മീ​ഡ​സ്, ഇ​ത്താ​ക്ക എ​ന്ന രാ​ജ്യ​ത്തെ രാ​ജാ​വാ​യ ഒ​ഡി​സ്യൂ​സി​ന്‍റെ (യു​ലി​സി​സ്) അ​രി​കി​ൽ സ​ഹാ​യം തേ​ടി​യെ​ത്തി.

യു​ദ്ധ​വീ​ര​നാ​യി​രു​ന്നു ഒ​ഡി​സ്യൂ​സ്. എ​ങ്കി​ലും ട്രോ​യി​ക്കെ​തി​രേ യു​ദ്ധ​ത്തി​നു പോ​കു​വാ​ൻ അ​ദ്ദേ​ഹ​ത്തി​ന് അ​ത്ര മ​ന​സി​ല്ലാ​യി​രു​ന്നു. എ​ന്നാ​ൽ, സ്വ​ന്ത​ക്കാ​രു​ടെ യു​ദ്ധ​ത്തി​ൽ ചേ​രു​വാ​ൻ മ​ന​സി​ല്ലെ​ന്നു പ​റ​യു​ന്ന​ത് എ​ങ്ങ​നെ ന്യാ​യീ​ക​രി​ക്കാ​ൻ സാ​ധി​ക്കും? അ​തു​കൊ​ണ്ട് അ​ദ്ദേ​ഹം ചെ​യ്ത​ത് എ​ന്താ​ണെ​ന്നോ?

പാ​ല​മീ​ഡ​സ് യു​ദ്ധ​ത്തെ​ക്കു​റി​ച്ചു പ​റ​യാ​ൻ തു​ട​ങ്ങി​യ​പ്പോ​ൾ ഒ​ഡി​സ്യൂ​സ് ത​നി​ക്കു ഭ്രാ​ന്തു​പി​ടി​ച്ചു എ​ന്നു വ​രു​ത്തി​ത്തീ​ർ​ക്കു​വാ​ൻ ശ്ര​മി​ച്ചു. അ​തി​നു​വേ​ണ്ടി അ​ദ്ദേ​ഹം പു​റ​ത്തേ​ക്കു​പോ​യി നി​ല​മു​ഴു​തു​മ​റി​ച്ച് അ​വി​ടെ ഉ​പ്പു​വാ​രി വി​ത​ച്ചു!

ട്രോ​ജ​ൻ യു​ദ്ധ​ത്തി​ൽ​നി​ന്നു മാ​റി​നി​ൽ​ക്കു​വാ​ൻ​വേ​ണ്ടി യു​ദ്ധ​വീ​ര​നാ​യ ഒ​ഡി​സ്യൂ​സ് ക​ണ്ടു​പി​ടി​ച്ച ഒ​ഴി​ക​ഴി​വ് വ​ള​രെ വി​ചി​ത്ര​മെ​ന്നു ന​മു​ക്കു തോ​ന്നി​യേ​ക്കാം. എ​ന്നാ​ൽ, ഇ​തി​നെ​ക്കാ​ൾ എ​ത്ര​യോ വി​ചി​ത്ര​മാ​ണ് അ​നു​ദി​ന​ജീ​വി​ത​ത്തി​ൽ ഓ​രോ കാ​ര്യ​ങ്ങ​ൾ​ക്കു​വേ​ണ്ടി നാം ​ക​ണ്ടു​പി​ടി​ക്കു​ന്ന ഒ​ഴി​ക​ഴി​വു​ക​ൾ.

നാം ​ചെ​യ്യേ​ണ്ട കാ​ര്യ​ങ്ങ​ൾ ചെ​യ്യാ​തി​രി​ക്കാ​ൻ​വേ​ണ്ടി എ​ന്തെ​ല്ലാം മു​ട​ന്ത​ൻ ന്യാ​യ​ങ്ങ​ളാ​ണു നാം ​പ​ല​പ്പോ​ഴും ക​ണ്ടെ​ത്താ​റു​ള്ള​ത്! അ​തു​പോ​ലെ, ചെ​യ്യ​രു​താ​ത്ത കാ​ര്യ​ങ്ങ​ൾ ചെ​യ്യാ​ൻ​വേ​ണ്ടി​യും എ​ന്തെ​ല്ലാം ഒ​ഴി​ക​ഴി​വു​ക​ൾ നാം ​ക​ണ്ടെ​ത്തു​ന്നു!

എ​ന്നാ​ൽ, ഓ​രോ​ത​വ​ണ​യും ഒ​ഴി​ക​ഴി​വു​ക​ൾ ക​ണ്ടെ​ത്തു​ന്പോ​ൾ നാം ​ന​മ്മെ​ത്ത​ന്നെ സ്വ​യം കു​റ്റം വി​ധി​ക്കു​ക​യാ​ണ് എ​ന്നു നാം ​ഓ​ർ​മി​ക്കാ​ത്ത​തെ​ന്തേ? ഒ​രു പാ​വ​പ്പെ​ട്ട​വ​ൻ ര​ണ്ടു ചി​ല്ലി​ക്കാ​ശി​നാ​യി ന​മ്മു​ടെ മു​ന്പി​ൽ കൈ​നീ​ട്ടു​ക​യാ​ണെ​ന്നു ക​രു​തു​ക.

ന​മു​ക്ക​യാ​ളെ സ​ഹാ​യി​ക്കാ​ൻ ഇ​ഷ്ട​മി​ല്ലെ​ങ്കി​ൽ അ​പ്പോ​ൾ നാം ​സാ​ധാ​ര​ണ​യാ​യി എ​ന്താ​യി​രി​ക്കും ചെ​യ്യു​ക? അ​യാ​ളെ സ​ഹാ​യി​ക്കാ​ൻ ന​മു​ക്കു മ​ന​സി​ല്ലെ​ന്നു പ​റ​യു​മോ? അ​തോ ന​മ്മെ​ത്ത​ന്നെ ന്യാ​യീ​ക​രി​ച്ചു​കൊ​ണ്ട് “ഓ​രോ​രു​ത്ത​ർ മ​നു​ഷ്യ​നെ പ​റ്റി​ക്കാ​നാ​യി ന​ട​ക്കു​ന്നു”’​എ​ന്നു മ​ന​സി​ൽ പ​റ​ഞ്ഞു​കൊ​ണ്ടു ന​ട​ന്നു​നീ​ങ്ങു​മോ? ന​മ്മു​ടെ മു​ന്നി​ൽ കൈ​നീ​ട്ടു​ന്ന​വ​നു കൊ​ടു​ക്കാ​ൻ പ​ല​പ്പോ​ഴും ന​മു​ക്കു മ​ന​സി​ല്ലെ​ന്ന​താ​ണു സ​ത്യം.

പ​ക്ഷേ, അ​തു മ​റ​ച്ചു​വ​ച്ചു​കൊ​ണ്ട് ആ ​പാ​വ​പ്പെ​ട്ട​വ​നെ​ത്ത​ന്നെ കു​റ്റം ചു​മ​ത്തി ര​ക്ഷ​പ്പെ​ടു​വാ​നാ​ണു നാം ​സാ​ധാ​ര​ണ​യാ​യി ശ്ര​മി​ക്കാ​റു​ള്ള​ത്. എ​ന്നാ​ൽ, നാം ​ഇ​പ്ര​കാ​രം ചെ​യ്യു​ന്പോ​ൾ അ​തു യ​ഥാ​ർ​ഥ​ത്തി​ലു​ള്ള ന്യാ​യീ​ക​ര​ണ​മാ​വു​മോ? കൊ​ടു​ക്കാ​തി​രി​ക്കു​വാ​ൻ നാം ​ക​ണ്ടെ​ത്തു​ന്ന ഒ​ഴി​ക​ഴി​വ് ന​മ്മു​ടെ​ത​ന്നെ പോ​രാ​യ്മ​യി​ലേ​ക്ക​ല്ലേ അ​പ്പോ​ൾ വി​ര​ൽ​ചൂ​ണ്ടു​ക.

അ​നു​ദി​ന ജീ​വി​ത​ത്തി​ൽ നാം ​ചെ​യ്യേ​ണ്ട​കാ​ര്യ​ങ്ങ​ൾ ചെ​യ്യാ​തി​രി​ക്കാ​നും ചെ​യ്യ​രു​താ​ത്ത കാ​ര്യ​ങ്ങ​ൾ ചെ​യ്യാ​നും നാം ​തേ​ടു​ന്ന ഒ​ഴി​ക​ഴി​വു​ക​ളും ന്യാ​യീ​ക​ര​ണ​ങ്ങ​ളു​മൊ​ക്കെ എ​ന്താ​ണെ​ന്നു പ​രി​ശോ​ധി​ക്കു​ന്ന​തു ന​ല്ല​താ​ണ്. ജോ​ലി​ചെ​യ്യു​ന്ന​തി​ൽ അ​ല​സ​ത പ്ര​ക​ടി​പ്പി​ക്കു​ന്ന ഒ​രു ജോ​ലി​ക്കാ​ര​നോ​ട് അ​യാ​ളു​ടെ ജോ​ലി ശ​രി​യാ​കാ​ത്ത​ത് എ​ന്താ​ണെ​ന്നു ചോ​ദി​ച്ചാ​ൽ അ​യാ​ൾ എ​ന്താ​യി​രി​ക്കും ഉ​ത്ത​രം പ​റ​യു​ക?

അ​ല​സ​ത​മൂ​ല​മാ​ണ് ത​ന്‍റെ ജോ​ലി ശ​രി​യാ​കാ​ത്ത​ത് എ​ന്ന​യാ​ൾ പ​റ​യു​മോ? അ​തോ ത​ന്‍റെ ജോ​ലി​സാ​ഹ​ച​ര്യ​ങ്ങ​ളെ​യും പ​ണി​യാ​യു​ധ​ങ്ങ​ളെ​യു​മാ​യി​രി​ക്കു​മോ അ​യാ​ൾ പ​ഴി​ചാ​രു​ക?

അ​വ​സ​ര​ത്തി​നൊ​പ്പി​ച്ച് ന​മു​ക്കാ​വ​ശ്യ​മു​ള്ള​പോ​ലെ ഒ​ഴി​ക​ഴി​വു​ക​ളും ന്യാ​യീ​ക​ര​ണ​ങ്ങ​ളു​മൊ​ക്കെ ക​ണ്ടു​പി​ടി​ക്കു​ക ന​മു​ക്കെ​ളു​പ്പ​മാ​ണ്. എ​ന്നാ​ൽ, ഈ ​ഒ​ഴി​ക​ഴി​വു​ക​ളും ന്യാ​യീ​ക​ര​ണ​ങ്ങ​ളു​മൊ​ക്കെ ന​മു​ക്കു ജീ​വി​ത​ത്തി​ൽ സ്ഥാ​യി​യാ​യ വി​ജ​യം നേ​ടി​ത്ത​രു​മോ എ​ന്നു​ള്ള​താ​ണു പ്ര​സ​ക്ത​മാ​യ ചോ​ദ്യം.

നാം ​ചെ​യ്യേ​ണ്ട കാ​ര്യ​ങ്ങ​ൾ ചെ​യ്യാ​തി​രി​ക്കു​ന്ന​തി​നെ​ക്കു​റി​ച്ച് എ​ത്ര​കാ​ലം ന​മു​ക്ക് ഒ​ഴി​ക​ഴി​വ് പ​റ​യാ​ൻ സാ​ധി​ക്കും? നാം ​ചെ​യ്യ​രു​താ​ത്ത കാ​ര്യ​ങ്ങ​ൾ വീ​ണ്ടും വീ​ണ്ടും ചെ​യ്യു​ന്ന​തി​നെ​ക്കു​റി​ച്ച് എ​ത്ര​നാ​ൾ ന​മു​ക്കു സ്വ​യം ന്യാ​യീ​ക​രി​ച്ചു​കൊ​ണ്ടു ജീ​വി​ക്കാ​നാ​കും?

ഒ​രു നു​റു​ങ്ങു​ക​ഥ വാ​യി​ച്ച​തോ​ർ​മി​ക്കു​ന്നു: ഒ​രു കൊ​ച്ചു​കു​ട്ടി ഒ​രി​ക്ക​ൽ ത​ന്‍റെ അ​മ്മ​യോ​ടു ചോ​ദി​ച്ചു: “മ​മ്മീ, മ​മ്മി മ​രി​ക്കു​ന്പോ​ൾ സ്വ​ർ​ഗ​ത്തി​ൽ പോ​കു​മോ?” ഉ​ട​നേ ആ ​അ​മ്മ പ​റ​ഞ്ഞു: “ഞാ​ൻ മ​രി​ക്കു​ന്പോ​ൾ ഞാ​ൻ സ്വ​ർ​ഗ​ത്തി​ൽ പോ​കു​മെ​ന്നു ക​രു​തു​ന്നു.”

അ​പ്പോ​ൾ ആ ​കു​ട്ടി പ​റ​ഞ്ഞു: “മ​മ്മി സ്വ​ർ​ഗ​ത്തി​ൽ​പ്പോ​യാ​ൽ ഞാ​നും കൂ​ടെ വ​രാം. അ​ല്ലെ​ങ്കി​ൽ മ​മ്മി ത​നി​ച്ചാ​വി​ല്ലേ?” ആ ​അ​മ്മ പ​റ​ഞ്ഞു:“​നി​ന്‍റെ ഡാ​ഡി​യും കൂ​ട്ടി​നു​ണ്ടാ​വും”. അ​ല്പ​സ​മ​യം ആ​ലോ​ചി​ച്ചു​നി​ന്ന​തി​നു​ശേ​ഷം കു​ട്ടി ചോ​ദി​ച്ചു: “അ​തെ​ങ്ങ​നെ​യാ​ണ് ഡാ​ഡി വ​രു​ന്ന​ത്? ഡാ​ഡി​ക്കെ​ന്നും ജോ​ലി​ക്കു​പോ​കേ​ണ്ടേ?”

ജോ​ലി​ചെ​യ്യാ​നു​ണ്ടെ​ന്ന​തി​ന്‍റെ പേ​രി​ൽ ഞാ​യ​റാ​ഴ്ച ദി​വ​സം പ​ള്ളി​യി​ൽ​പ്പോ​ലും പോ​കാ​തി​രി​ക്കു​ന്ന വ്യ​ക്തി​യാ​യി​രു​ന്നു ആ ​കു​ട്ടി​യു​ടെ പി​താ​വ്. അ​ങ്ങ​നെ​യു​ള്ള ആ​ൾ​ക്ക് സ്വ​ർ​ഗ​ത്തി​ൽ​പോ​കാ​ൻ എ​ങ്ങ​നെ സ​മ​യ​മു​ണ്ടാ​കും എ​ന്നാ​ണ് കു​ട്ടി ചോ​ദി​ച്ച​ത്.

ഇ​തു വെ​റു​മൊ​രു ക​ഥ​യാ​ണ്. എ​ങ്കി​ലും ഈ ​ക​ഥ ന​ൽ​കു​ന്ന സ​ന്ദേ​ശം മ​റ​ക്കേ​ണ്ട. നാം ​ചെ​യ്യേ​ണ്ട കാ​ര്യ​ങ്ങ​ൾ ചെ​യ്യാ​തി​രി​ക്കാ​ൻ​വേ​ണ്ടി എ​ന്തു ന്യാ​യീ​ക​ര​ണം നാം ​ക​ണ്ടു​പി​ടി​ച്ചാ​ലും അ​ത് ഒ​രി​ട​ത്തും ന​മ്മെ എ​ത്തി​ക്കു​ക​യി​ല്ല എ​ന്ന​താ​ണു വ​സ്തു​ത. എ​ന്നു​മാ​ത്ര​മ​ല്ല, നാം ​ക​ണ്ടു​പി​ടി​ക്കു​ന്ന ന്യാ​യീ​ക​ര​ണ​ങ്ങ​ളും ഒ​ഴി​ക​ഴി​വു​ക​ളു​മൊ​ക്കെ ന​മു​ക്കെ​പ്പോ​ഴും ദോ​ഷ​ക​ര​മാ​യി​ത്തീ​രു​ക​യും ചെ​യ്യും.

ആ​ത്മാ​ഭി​മാ​ന​വും ന​ട്ടെ​ല്ലും ഇ​ല്ലാ​ത്ത വ്യ​ക്തി​ക​ളാ​ണ് ഓ​രോ​രോ കാ​ര്യ​ങ്ങ​ൾ​ക്കു​വേ​ണ്ടി ഓ​രോ​രോ രീ​തി​യി​ലു​ള്ള ന്യാ​യീ​ക​ര​ണം അ​ന്വേ​ഷി​ച്ചു​പോ​വു​ക. എ​ന്നാ​ൽ, ത​ന്‍റേ​ട​വും ധ​ർ​മ​ബോ​ധ​വു​മു​ള്ള മ​നു​ഷ്യ​ർ ത​ങ്ങ​ൾ ചെ​യ്യേ​ണ്ട കാ​ര്യ​ങ്ങ​ൾ ചെ​യ്യേ​ണ്ട​രീ​തി​യി​ൽ ചെ​യ്യാ​ൻ ശ്ര​മി​ക്കും.

അ​ങ്ങ​നെ ചെ​യ്യു​ന്പോ​ൾ അ​തി​ല​വ​ർ​ക്കു കു​റ​വു​ക​ൾ വ​രി​ല്ല എ​ന്നി​വി​ടെ വി​വ​ക്ഷ​യി​ല്ല. എ​ന്നാ​ൽ, ത​ങ്ങ​ൾ​ക്കു കു​റ​വു​ക​ൾ വ​ന്നാ​ൽ​പ്പോ​ലും അ​വ ഏ​റ്റു​പ​റ​യാ​നും അ​വ പ​രി​ഹ​രി​ക്കാ​നും അ​വ​ർ ത​യാ​റാ​കും എ​ന്ന​താ​ണ് അ​വ​രു​ടെ പ്ര​ത്യേ​ക​ത.

ജീ​വി​ത​ത്തി​ൽ പ​രാ​ജ​യ​ങ്ങ​ളു​ണ്ടാ​കു​ന്പോ​ൾ ഒ​ഴി​ക​ഴി​വു​ക​ൾ പ​റ​യാ​ൻ ന​മു​ക്ക് ഒ​ട്ടേ​റെ ന്യാ​യ​ങ്ങ​ളു​ണ്ടാ​കും. അ​തു​പോ​ലെ നാം ​തെ​റ്റു​ചെ​യ്താ​ൽ സ്വ​യം ന്യാ​യീ​ക​രി​ക്കാ​നും ന​മു​ക്കു പ​ല വ​ഴി​ക​ളു​ണ്ടാ​കും. എ​ന്നാ​ൽ, ന​മ്മു​ടെ ശ്ര​ദ്ധ ഒ​ഴി​ക​ഴി​വു​പ​റ​യു​ന്ന​തി​ലും ന്യാ​യീ​ക​ര​ണ​ങ്ങ​ൾ ക​ണ്ടെ​ത്തു​ന്ന​തി​ലും ആ​കാ​തി​രി​ക്ക​ട്ടെ. ഒ​ഴി​ക​ഴി​വു​ക​ളു​ടെ വ​ഴി ന​മു​ക്കു​പേ​ക്ഷി​ക്കാം.

അ​തി​നു​പ​ക​രം നാം ​ചെ​യ്യേ​ണ്ട കാ​ര്യ​ങ്ങ​ൾ ചെ​യ്യു​ന്ന​തി​ലും ചെ​യ്യ​രു​താ​ത്ത കാ​ര്യ​ങ്ങ​ൾ ചെ​യ്യാ​തി​രി​ക്കു​ന്ന​തി​ലും ശ്ര​ദ്ധി​ക്കാം. അ​പ്പോ​ൾ ന​മ്മു​ടെ ജീ​വി​ത​ത്തെ​ക്കു​റി​ച്ചു ന​മു​ക്കു​ത​ന്നെ സം​തൃ​പ്തി​യും സ​ന്തോ​ഷ​വും കൈ​വ​രും.