രാ​ജാ ര​ഘു​വം​ശി​യു​ടെ മ​ര​ണം കൊ​ല​പാ​ത​കം; ആ​സൂ​ത്ര​ണം ചെ​യ്ത​ത് ഭാ​ര്യ​യും കാ​മു​ക​നും: പ്ര​തി​ക​ൾ പി​ടി​യി​ൽ
Monday, June 9, 2025 4:11 PM IST
ഭോ​പ്പാ​ൽ: മേ​ഘാ​ല​യ​യി​ൽ ഹ​ണി​മൂ​ൺ ആ​ഘോ​ഷി​ക്കാ​ൻ പോ​യി കാ​ണാ​താ​യ ദ​മ്പ​തി​ക​ളി​ൽ ഭ​ർ​ത്താ​വി​നെ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ഭാ​ര്യ അ​റ​സ്റ്റി​ൽ.

ഇ​ൻ​ഡോ​ർ സ്വ​ദേ​ശി​നി സോ​നം ആ​ണ് അ​റ​സ്റ്റി​ലാ​യ​ത്. ശ​നി​യാ​ഴ്ച രാ​ത്രി ഗാ​സി​പു​രി​ലെ ഒ​രു ധാ​ബ​യി​ൽ സോ​ന​ത്തെ അ​ബോ​ധാ​വ​സ്ഥ​യി​ൽ ക​ണ്ടെ​ത്തു​ക​യാ​യി​രു​ന്നു.

ചി​കി​ത്സ​യ്ക്കാ​യി ഗാ​സി​പു​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട സോ​നം, പി​ന്നീ​ട് പോ​ലീ​സി​നു മു​ന്നി​ൽ കീ​ഴ​ട​ങ്ങി. തു​ട​ർ​ന്ന് ഇ​വ​രു​ടെ അ​റ​സ്റ്റ് രേ​ഖ​പ്പെ​ടു​ത്തി.

രാ​ജാ ര​ഘു​വം​ശി​യെ വ​ടി​വാ​ൾ ഉ​പ​യോ​ഗി​ച്ചാ​ണ് കൊ​ല​പ്പെ​ടു​ത്തി​യ​ത്. മൃ​ത​ദേ​ഹം ക​ണ്ടെ​ത്തി​യ സ്ഥ​ല​ത്തി​നു സ​മീ​പ​ത്തു​നി​ന്ന് കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച വ​ടി​വാ​ൾ ക​ണ്ടെ​ത്തി​യ​താ​യി ക​ഴി​ഞ്ഞ ദ​വി​സം പോ​ലീ​സ് സ്ഥി​രീ​ക​രി​ച്ചി​രു​ന്നു. രാ​ജാ ര​ഘു​വം​ശി​യു​ടെ മൃ​ത​ദേ​ഹം സ​ഹോ​ദ​ര​ൻ വി​പി​ൻ ര​ഘു​വം​ശി​യാ​ണ് തി​രി​ച്ച​റി​ഞ്ഞ​ത്.

വാ​ട​ക കൊ​ല​യാ​ളി​ക​ളെ ഉ​പ​യോ​ഗി​ച്ചാ​ണ് സോ​നം, ഭ​ർ​ത്താ​വ് രാ​ജാ ര​ഘു​വം​ശി​യെ കൊ​ല​പ്പെ​ടു​ത്തി​യ​തെ​ന്ന് മേ​ഘാ​ല​യ ഡി​ജി​പി ഇ​ദാ​ഷി​ഷ നോം​ഗ്റാം​ഗ് പ​റ​ഞ്ഞു.

കൃ​ത്യം ന​ട​പ്പി​ലാ​ക്കി​യ വാ​ട​ക കൊ​ല​യാ​ളി​ക​ളാ​യ മൂ​ന്നു പേ​രു​ടെ​യും അ​റ​സ്റ്റ് രേ​ഖ​പ്പെ​ടു​ത്തി. ഒ​രാ​ളെ ഉ​ത്ത​ർ​പ്ര​ദേ​ശി​ൽ നി​ന്നും മ​റ്റു ര​ണ്ടു പേ​രെ ഇ​ൻ​ഡോ​റി​ൽ നി​ന്നു​മാ​ണ് അ​റ​സ്റ്റ് ചെ​യ്ത​ത്.

ഭ​ർ​ത്താ​വി​നെ കൊ​ല്ലാ​ൻ സോ​നം ത​ങ്ങ​ള്‍​ക്കു ക്വ​ട്ടേ​ഷ​ൻ ന​ൽ​കി​യ​താ​ണെ​ന്നു പ്ര​തി​ക​ൾ സ​മ്മ​തി​ച്ച​താ​യി പോ​ലീ​സ് അ​റി​യി​ച്ചു.

യാ​ത്ര​യു​ടെ ഉ​ദ്ദേ​ശ്യം ത​ന്നെ രാ​ജ​യെ ഇ​ല്ലാ​താ​ക്കു​ക എ​ന്നാ​യി​രു​ന്നെ​ന്നും പോ​ലീ​സ് അ​റി​യി​ച്ചു. സോ​ന​ത്തി​ന് വി​വാ​ഹേ​ത​ര ബ​ന്ധ​മു​ള്ള​താ​യി സം​ശ​യി​ക്കു​ന്നെ​ന്നും അ​താ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്നാ​ണ് പ്രാ​ഥ​മി​ക ചോ​ദ്യം ചെ​യ്യ​ലി​ൽ മ​ന​സി​ലാ​യ​തെ​ന്നും പോ​ലീ​സ് അ​റി​യി​ച്ചു.

മേ​ഘാ​ല​യ​യി​ലെ ചി​റാ​പു​ഞ്ചി​യി​ൽ മേ​യ് 23നാ​ണ് രാ​ജാ ര​ഘു​വം​ശി​യും സോ​ന​വും മ​ധു​വി​ധു ആ​ഘോ​ഷി​ക്കാ​ൻ പോ​യ​ത്. ഇ​വ​രെ പി​ന്നീ​ട് കാ​ണാ​താ​യി. ജൂ​ൺ ര​ണ്ടി​ന് രാ​ജ​യു​ടെ മൃ​ത​ദേ​ഹം ക​ണ്ടെ​ടു​ത്തു.

സോ​ന​ത്തി​നു വേ​ണ്ടി തി​ര​ച്ചി​ൽ ഊ​ർ​ജി​ത​മാ​ക്കി​യ പോ​ലീ​സ് ശ​നി​യാ​ഴ്ച ഇ​വ​രെ ഗാ​സി​പു​രി​ൽ നി​ന്നും ക​ണ്ടെ​ത്തു​ക​യാ​യി​രു​ന്നു.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക