ഐറീഷ് മലയാളിയുടെ സാ​ധ​ന​ങ്ങ​ൾ വി​മാ​ന​ത്തി​ൽ ന​ഷ്‌ട​പ്പെ​ട്ട സം​ഭ​വം: കേ​സെ​ടു​ത്ത് പോ​ലീ​സ്
Wednesday, August 13, 2025 1:13 PM IST
കൊ​ല്ലം: അ​യ​ർ​ല​ൻ​ഡി​ൽ​നി​ന്നു നാ​ട്ടി​ലേ​ക്ക്‌ അ​വ​ധി​ക്കാ​ലം ചെ​ല​വ​ഴി​ക്കാ​ൻ എ​ത്തി​യ മ​ല​യാ​ളി കു​ടും​ബ​ത്തി​ന്‍റെ വി​ല​പി​ടി​പ്പു​ള്ള സാ​ധ​ന​ങ്ങ​ൾ വി​മാ​നാ​ധി​കൃ​ത​ർ ന​ഷ്‌ടപ്പെ​ടു​ത്തി​യ സം​ഭ​വ​ത്തി​ൽ പു​ത്തൂ​ർ പോ​ലീ​സ് കേ​സെ​ടു​ത്തു. 28 കി​ലോ തൂ​ക്കം ഉ​ണ്ടാ​യി​രു​ന്ന പെ​ട്ടി കൈ​യി​ൽ കി​ട്ടു​മ്പോ​ൾ അ​വ​ശേ​ഷി​ച്ച​ത് 15 കി​ലോ മാ​ത്ര​മാ​യി​രു​ന്നു.

ഇ​ൻ​ഡി​ഗോ വി​മാ​ന​ത്തി​ലെ യാ​ത്ര​ക്കാ​രാ​യ അ​യ​ർ​ല​ൻ​ഡി​ലെ വാ​ട്ട​ർ​ഫോ​ഡി​ൽ താ​മ​സി​ക്കു​ന്ന കൊ​ല്ലം കു​ള​ക്ക​ട ചെ​റു​വ​ള്ളൂ​ർ ഹൗ​സി​ൽ ബി​ജോ​യ് കു​ള​ക്ക​ട, ഭാ​ര്യ ഷീ​ന മാ​ത്യൂ​സ്, മ​ക​ൻ ഡെ​റി​ക് ബി​ജോ കോ​ശി എ​ന്നി​വ​രു​ടെ മൊ​ബൈ​ലു​ക​ളും ലാ​പ്ടോ​പ്പു​മ​ട​ക്കം വി​ല​പി​ടി​പ്പു​ള്ള സാ​ധ​ന​ങ്ങ​ളാ​ണ് ന​ഷ്‌ട​പ്പെ​ട്ട​ത്.

ജൂ​ലൈ 23നാ​ണ് ബി​ജോ​യ് കു​ടും​ബ​മാ​യി ഡ​ബ്ലി​നി​ൽ നി​ന്നു നാ​ട്ടി​ലേ​ക്ക് യാ​ത്ര​തി​രി​ക്കു​ന്ന​ത്. മും​ബൈ വ​ഴി​യു​ള്ള കൊ​ച്ചി ഇ​ൻ​ഡി​ഗോ എ​യ​ർ​ലൈ​ൻ​സി​ലാ​യി​രു​ന്നു യാ​ത്ര. ഡ​ബ്ലി​നി​ൽ​നി​ന്ന് നാ​ല് ബാ​ഗേ​ജു​ക​ളു​മാ​യി പു​റ​പ്പെ​ട്ട കു​ടും​ബ​ത്തി​ന് മും​ബൈ​യി​ൽ യാ​ത്ര അ​വ​സാ​നി​പ്പി​ച്ച​പ്പോ​ൾ തി​രി​കെ ല​ഭി​ച്ച​ത് മൂ​ന്നു ബാ​ഗേ​ജു​ക​ൾ മാ​ത്രം.

മൊ​ബൈ​ലു​ക​ളും ലാ​പ്ടോ​പ്പും അ​ട​ങ്ങി​യ 28 കി​ലോ​യു​ടെ നാ​ലാ​മ​ത്തെ ബാ​ഗേ​ജ്‌ തി​രി​കെ ല​ഭി​ച്ചി​ല്ല. രേ​ഖ​ക​ള​ട​ക്കം നി​ര​ത്തി വി​മാ​ന അ​ധി​കൃ​ത​ർ​ക്ക് ബി​ജോ​യ് പ​രാ​തി ന​ൽ​കി. ഒ​ടു​വി​ൽ 30ന് ​ഇ​ൻ​ഡി​ഗോ പ്ര​തി​നി​ധി​ക​ൾ നേ​രി​ട്ട് ബാ​ഗേ​ജ് എ​ത്തി​ക്കു​ക​യാ​യി​രു​ന്നു.

28 കി​ലോ തൂ​ക്കം ഉ​ണ്ടാ​യി​രു​ന്ന പെ​ട്ടി​യി​ൽ അ​വ​ശേ​ഷി​ച്ച​ത് 15 കി​ലോ മാ​ത്രം. ബാ​ഗി​ലു​ണ്ടാ​യി​രു​ന്ന വി​ല​പി​ടി​പ്പു​ള്ള പ​ല​തും ന​ഷ്ട​മാ​യി. അ​ന്വേ​ഷ​ണം ന​ട​ക്കു​ക​യാ​ണ് എ​ന്നാ​ണ് വി​മാ​ന ക​മ്പ​നി അ​ധി​കൃ​ത​ർ പ​റ​യു​ന്ന​ത്.

സം​ഭ​വം ചൂ​ണ്ടി​ക്കാ​ട്ടി കേ​ര​ള പോ​ലീ​സി​നും ബി​ജോ​യ് പ​രാ​തി ന​ൽ​കി​യി​രു​ന്നു. കൊ​ല്ലം ജി​ല്ല​യി​ലെ പു​ത്തൂ​ർ പോ​ലീ​സാ​ണ് കേ​സ് അ​ന്വേ​ഷി​ക്കു​ന്ന​ത്.
Copyright @ 2018 , Rashtra Deepika Ltd.