കുസാറ്റിലെ 270 വിദ്യാർഥികൾക്ക് കാന്പസ് പ്ലേസ്മെന്റ്
കൊച്ചി: കൊച്ചി ശാസ്ത്ര സാങ്കേതിക സര്‍വകലാശാല(കുസാറ്റ്)യിലെ 270 വിദ്യാർഥികൾക്ക് ഈ അധ്യയന വര്‍ഷം കാമ്പസ് പ്ലേസ്മെന്റ് ലഭിച്ചു. ഇരുപതോളം കമ്പനികളാണ് സർവകലാശാലയിൽ കാന്പസ് റിക്രൂട്ട്മെന്‍റിനെത്തിയത്.
തെരഞ്ഞെടുക്കപ്പെട്ട വിദ്യാർഥികളുടെ നിയമനനടപടികള്‍ പൂര്‍ത്തിയായി വരികയാണ്. മഹാരത്‌ന കമ്പനിയായ ഒഎന്‍ജിസി അഞ്ചു വിദ്യാര്‍ഥികള്‍ക്ക് 18 ലക്ഷം രൂപ വീതവും ഫ്രണ്ട്‌ലൈന്‍ കംപ്യൂട്ടര്‍ സയന്‍സ് എന്ന സ്ഥാപനം ആറു വിദ്യാർഥികള്‍ക്ക് 13 ലക്ഷം രൂപ വീതവും വാര്‍ഷിക ശമ്പളം വാഗ്ദാനം ചെയ്തിട്ടുണ്ട്. വിവിധ സ്ഥാപനങ്ങളില്‍ നിന്നായി വാഗ്ദാനം ചെയ്തിട്ടുള്ള ശരാശരി വാര്‍ഷിക ശമ്പളം നാലു ലക്ഷം രൂപയാണ്.