രണ്ടാംവര്ഷ എംഎസ്്്സി എംഎല്ടി റെഗുലര് സപ്ലിമെന്ററി പരീക്ഷാഫലം
കേരള ആരോഗ്യശാസ്ത്ര സർവകലാശാല 2016 നവംബറിൽ നടത്തിയ രണ്ടാംവർഷ എംഎസ് സി എംഎൽടി റഗുലർ/ സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീട്ടോട്ടലിംഗ്, ഉത്തരക്കടലാസുകളുടെയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫിസടച്ച് കോളജ് പ്രിൻസിപ്പൽമാർ മുഖേന ഓണ്ലൈനായി 19നകം അപേക്ഷിക്കേണ്ടതാണ്.
എംഎസ് സി നഴ്സിംഗ് സപ്ലിമെന്ററി പരീക്ഷ
മാർച്ച് 10 മുതൽ ആരംഭിക്കുന്ന ഒന്നാംവർഷ എംഎസ് സി നഴ്സിംഗ് സപ്ലിമെന്ററി പരീക്ഷയ്ക്ക് ഏഴ് മുതൽ 20 വരെയുള്ള തീയതികളിൽ ഓണ്ലൈനായി രജിസ്റ്റർ ചെയ്യാം. പേപ്പറൊന്നിന് 100 രൂപ ഫൈനോടു കൂടി ഫെബ്രുവരി 22 വരെയും 300 രൂപ സൂപ്പർഫൈനോടു കൂടി ഫെബ്രുവരി 23 വരെയും ഓണ്ലൈൻ രജിസ്ട്രേഷൻ നടത്താം.
ബിഎച്ച്എംഎസ് ഡിഗ്രി സപ്ലിമെന്ററി പരീക്ഷ
മാർച്ച് 13 മുതൽ ആരംഭിക്കുന്ന ഫസ്റ്റ് വിഎച്ച്എംഎസ് ഡിഗ്രി സപ്ലിമെന്ററി (2015 സ്കീം) പരീക്ഷയ്ക്ക് 15 മുതൽ 23 വരെ ഓണ്ലൈനായി രജിസ്റ്റർ ചെയ്യാം. പേപ്പറൊന്നിന് 100 രൂപ ഫൈനോടുകൂടി 27 വരെയും 300 രൂപ സൂപ്പർഫൈനോടു കൂടി മാർച്ച് ഒന്നുവരെയും ഓണ്ലൈൻ രജിസ്ട്രേഷൻ നടത്താം.
ഫാം ഡി സപ്ലിമെന്ററി പരീക്ഷ അഡ്മിറ്റ് കാർഡ്
2017 ഫെബ്രുവരി ഒന്നിന് ആരംഭിക്കുന്ന തേർഡ് ഫാം ഡി സപ്ലിമെന്ററി പരീക്ഷയുടെ അഡ്മിറ്റ് കാർഡ് വെബ്സൈറ്റിൽ പ്രസിദ്ധീകരിച്ചു.
പ്രഫഷണൽ എംബിബിസ് പരീക്ഷാതീയതി
മൂന്നു മുതൽ ആരംഭിക്കുന്ന തേർഡ് പ്രഫഷണൽ എംബിബിഎസ് ഡിഗ്രി പാർട്ട് ഒന്ന് റഗുലർ/ സപ്ലിമെന്ററി തിയറി പുതുക്കിയ പരീക്ഷാ ടൈംടേബിൾ, ഫസ്റ്റ് പ്രഫഷണൽ എംബിബിഎസ് ഡിഗ്രി സപ്ലിമെന്ററി തിയറി പുതുക്കിയ പരീക്ഷാടൈംടേബിൾ എന്നിവ പ്രസിദ്ധീകരിച്ചു.