ഒന്ന്, രണ്ട് സെമസ്റ്റർ ബിടെക് പരീക്ഷ മാറ്റി
31ന് ആരംഭിക്കാനിരുന്ന ഒന്ന്, രണ്ട് സെമസ്റ്റർ ബിടെക്, പാർട്ട് ടൈം ബിടെക്, റഗുലർ (സിയുഐഇടി വിദ്യാർഥികൾക്ക് മാത്രമുള്ള) സപ്ലിമെന്ററി, ഇംപ്രൂവ്മെന്റ് (2014, 2009 സ്കീം) പരീക്ഷ മാറ്റി. പുതുക്കിയ തിയതി പിന്നീട് അറിയിക്കും. ഒന്ന്, രണ്ട് സെമസ്റ്റർ ബിആർക് പരീക്ഷയിൽ മാറ്റമില്ല.
എംഎ, എംഎസ് സി, എംകോം സ്പെഷൽ സപ്ലിമെന്ററി പരീക്ഷ
വിദൂരവിദ്യാഭ്യാസ വിഭാഗത്തിൽ രജിസ്റ്റർ ചെയ്ത എംഎ, എംഎസ്സി, എംകോം വിദ്യാർഥികൾ സ്പെഷൽ സപ്ലിമെന്ററി പരീക്ഷയ്ക്ക് (അവസരം കഴിഞ്ഞവർക്കായുള്ള) സാധാരണ ഫോമിൽ 28നകം അപേക്ഷിക്കണം. ഫീ പേപ്പറൊന്നിന് 2500 രൂപ. നിശ്ചിത വിഷയങ്ങളിൽ വെബ്സൈറ്റിൽ നൽകിയിട്ടുള്ള വർഷങ്ങളിൽ പ്രവേശനം നേടിയവർക്ക് മാത്രമാണ് അപേക്ഷിക്കാനവസരം.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്ഡബ്ല്യു (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ ഓണ്ലൈനിൽ അപേക്ഷിക്കാം.
ഒന്നാം സെമസ്റ്റർ ബാച്ചിലർ ഓഫ് ലോ (ത്രിവത്സരം), ഒന്നാം സെമസ്റ്റർ ബാച്ചിലർ ഓഫ് ലോ (എൽഎൽബി) യൂണിറ്ററി ഡിഗ്രി ഏപ്രിൽ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഏപ്രിൽ നാല് വരെ ഓണ്ലൈനിൽ അപേക്ഷിക്കാം.
ഒന്നാം സെമസ്റ്റർ ബിഎച്ച്എ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ ഓണ്ലൈനിൽ അപേക്ഷിക്കാം.
2016 ജൂണ്, ഡിസംബർ മാസങ്ങളിൽ നടത്തിയ ഒന്ന്, രണ്ട് സെമസ്റ്റർ മാസ്റ്റർ ഓഫ് ടൂറിസം ആന്റ് ഹോസ്പിറ്റാലിറ്റി മാനേജ്മെന്റ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ ഓണ്ലൈനിൽ അപേക്ഷിക്കാം.
ഒന്നാം സെമസ്റ്റർ ബിഎംഎംസി (സിയുസിബിസിഎസ്എസ്) റഗുലർ, സപ്ലിമെന്ററി, സിസിഎസ്എസ് സപ്ലിമെന്ററി നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ ഓണ്ലൈനിൽ അപേക്ഷിക്കാം.
ഒന്നാം സെമസ്റ്റർ ബിസിഎ (സിയുസിബിസിഎസ്എസ്) നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഏപ്രിൽ മൂന്ന് വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
വിദൂരവിദ്യാഭ്യാസം മൂന്നാം സെമസ്റ്റർ എംബിഎ മാർച്ച് 2016, ഒന്നാം സെമസ്റ്റർ ബിപിഎഡ് (ഏപ്രിൽ 2016), നാലാം സെമസ്റ്റർ എംപിഎഡ് (ആഗസ്റ്റ് 2016) പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
വേനലവധി
സർവകലാശാലയ്ക്ക് കീഴിലെ ആർട്സ് ആൻഡ് സയൻസ് കോളജുകളും സർവകലാശാലാ പഠനവകുപ്പുകളും (സർവകലാശാലയുടെ സ്വാശ്രയ പഠനകേന്ദ്രങ്ങൾ ഒഴികെ) വേനലവധിക്കായി 31ന് അടച്ച് ജൂണ് ഒന്നിന് തുറക്കും.
ബിവോക് ഇന്റേണൽ മാർക്ക്
ബിവോക് ഫാർമസ്യൂട്ടിക്കൽ കെമിസ്ട്രി (2015 പ്രവേശനം) റഗുലർ ഒന്നാം സെമസ്റ്റർ (നവംബർ 2015), രണ്ടാം സെമസ്റ്റർ (ഏപ്രിൽ 2016) പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള ലിങ്ക് 31 വരെ ലഭ്യമാകും.
എൽഎൽഎം പരീക്ഷ
എൽഎൽഎം പഠനവകുപ്പിലെ മൂന്നാം സെമസ്റ്റർ എൽഎൽഎം (2015 പ്രവേശനം) റഗുലർ പരീക്ഷ 28ന് ആരംഭിക്കും.