ബിരുദ പഠനം നിർത്തിയവർക്ക് നാലാം സെമസ്റ്ററിൽ തുടർ പഠനം
കാലിക്കട്ട് സർവകലാശാലയിൽ റഗുലർ, അഫിലിയേറ്റഡ് കോളജുകളിൽ 2014, 2015 വർഷത്തിൽ ബിരുദ പഠനത്തിന് ചേർന്ന് (സിയുസിബിസിഎസ്എസ്) ഒന്നും രണ്ടും മൂന്നും സെമസ്റ്റർ പരീക്ഷ എഴുതിയ ശേഷം കോളജ് പഠനം തുടരാനാവാത്തവർക്ക് പ്രൈവറ്റ് രജിസ്ട്രേഷൻ വഴി നാലാം സെമസ്റ്ററിൽ പഠനം തുടരുന്നതിന് ഓണ്ലൈനിൽ രജിസ്റ്റർ ചെയ്യാനുള്ള തിയതി 100 രൂപ പിഴയോടെ ഏപ്രിൽ നാല് വരെ നീട്ടി. പൂരിപ്പിച്ച അപേക്ഷ ചലാൻ സഹിതം ലഭിക്കേണ്ട അവസാന തിയതി ഏപ്രിൽ പത്ത്.
എംഎ അറബിക് മാർക്ക് ലിസ്റ്റ്
കാലിക്കട്ട് സർവകലാശാല 2016 ഏപ്രിലിൽ നടത്തിയ വിദൂരവിദ്യാഭ്യാസം ഫൈനൽ എംഎ അറബിക് (നോണ് സെമസ്റ്റർ) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയുടെ മാർക്ക് ലിസ്റ്റുകൾ 30 മുതൽ പരീക്ഷാ കേന്ദ്രങ്ങളിൽ വിതരണം ചെയ്യും.
ബിഎസ് സി നഴ്സിംഗ് സപ്ലിമെന്ററി പ്രാക്ടിക്കൽ പരീക്ഷ
കാലിക്കട്ട് സർവകലാശാല രണ്ടാം വർഷ ബിഎസ്സി നഴ്സിംഗ് സപ്ലിമെന്ററി പ്രാക്ടിക്കൽ പരീക്ഷ മെഡിക്കൽ നഴ്സിംഗ്ഏപ്രിൽ നാലിന് കോഴിക്കോട് പിവിഎസ് കോളജ് ഓഫ് നഴ്സിംഗിലും, സർജിക്കൽ നഴിസിംഗ്എപ്രിൽ അഞ്ച് മുതൽ ഏഴ് വരെ ജെഡിടി കോളജ് ഓഫ് നഴ്സിംഗിലും നടത്തും.
പരീക്ഷാഫലം
കാലിക്കട്ട് സർവകലാശാല ഒന്നാം സെമസ്റ്റർ ബിഎ, ബിഎസ്ഡബ്ല്യൂ, ബിവിസി, ബിടിടിഎം (ഹിസ്റ്ററി പ്രോഗ്രാം ഒഴികെ) (സിയുസിബിസിഎസ്എസ്) റഗുലർ (നവംബർ 2015) പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് ഏപ്രിൽ 19 വരെ ഓണ്ലൈനിൽ അപേക്ഷിക്കാം. പ്രിന്റൗട്ട് ഏപ്രിൽ 22നകം ലഭിക്കണം.
കാലിക്കട്ട് സർവകലാശാല 2016 ഡിസംബറിൽ നടത്തിയ ഒന്നാം സെമസ്റ്റർ എംഎ കംപാരറ്റീവ് ലിറ്ററേച്ചർ (സിസിഎസ്എസ്) പരീക്ഷാഫലം വെബ്സൈറ്റിൽ ലഭ്യമാണ്.
പുനർമൂല്യനിർണയ ഫലം
കാലിക്കട്ട് സർവകലാശാല വിദൂരവിദ്യാഭ്യാസം രണ്ടാം സെമസ്റ്റർ ബിഎ, ബിഎസ്സി, ബിബിഎ (സിസിഎസ്എസ്) ഏപ്രിൽ 2015 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ ലഭ്യമാണ്.
ബിഫാം പ്രാക്ടിക്കൽ പരീക്ഷ
കാലിക്കട്ട് സർവകലാശാല തേർഡ് ബിഫാം പ്രാക്ടിക്കൽ പരീക്ഷ കോഴിക്കോട് ഗവണ്മെന്റ് മെഡിക്കൽ കോളജിൽ ഏപ്രിൽ മൂന്നിന് ആരംഭിക്കും.