ഇന്നത്തെ പരീക്ഷകൾ മാറ്റി
ഇന്ന് നടത്താനിരുന്ന താഴെ കൊടുത്ത പരീക്ഷകൾ മാറ്റി. കോളജ്/വിദൂരവിദ്യാഭ്യാസം ആറാം സെമസ്റ്റർ ബിരുദം (സിയുസിബിസിഎസ്എസ്) പരീക്ഷ 21ലേക്കും, അവസാന വർഷ എംബിബിഎസ് പാർട്ട് രണ്ട്, സർവകലാശാലാ പഠനവകുപ്പിലെ മൂന്നാം സെമസ്റ്റർ എംഎസ്സി ലൈഫ് സയൻസ് (സിസിഎസ്എസ്) പരീക്ഷകൾ ഏഴിലേക്കും മാറ്റി. മറ്റ് തിയതികളിലെ പരീക്ഷകൾക്ക് മാറ്റമില്ല.
ബിഎസ്സി മാത്സ് എക്സാമിനേഴ്സ് മീറ്റിംഗ്
ആറാം സെമസ്റ്റർ ബിഎസ്സി മാത്സ് (സിയുസിബിസിഎസ്എസ്/സിസിഎസ്എസ്) ഏപ്രിൽ 2017 പ്രോജക്ട്/വൈവ പരീക്ഷയുമായി ബന്ധപ്പെട്ട എക്സാമിനേഴ്സിന്റെ യോഗം ബ്രാക്കറ്റിൽ കൊടുത്ത കോളജുകളിൽ 21ന് രാവിലെ 11ന് നടക്കും. കോഴിക്കോട്/വയനാട് ജില്ലകൾ (ചേളന്നൂർ എസ്എൻ കോളജ്), മലപ്പുറം ജില്ല (തിരൂർ ടിഎംജി കോളജ്), തൃശൂർ ജില്ല (നാട്ടിക എസ്എൻ കോളജ്), പാലക്കാട് ജില്ല (ഒറ്റപ്പാലം എൻഎസ്എസ് കോളജ്).
രണ്ടാം വർഷ അഫ്സൽഉൽഉലമ പ്രിലിമിനറി മൂല്യനിർണയ ക്യാന്പ്
2017 മാർച്ചിൽ നടത്തിയ രണ്ടാം വർഷ അഫ്സൽഉൽഉലമ പ്രിലിമിനറി പരീക്ഷയുടെ മൂല്യനിർണയ ക്യാന്പ് പുളിക്കൽ മദീനത്തുൽ ഉലൂം അറബിക് കോളജിൽ പത്തിന് ആരംഭിക്കും. അറബിക് കോളജുകളിലെ എല്ലാ അധ്യാപകരും പങ്കെടുക്കണം.
എംഎ പൊളിറ്റിക്കൽ സയൻസ് മാർക്ക് ലിസ്റ്റ്
2016 ഏപ്രിലിൽ നടത്തിയ വിദൂരവിദ്യാഭ്യാസം എംഎ പൊളിറ്റിക്കൽ സയൻസ് (നോണ് സെമസ്റ്റർ) ഫൈനൽ പരീക്ഷയുടെ മാർക്ക് ലിസ്റ്റുകളും പ്രൊവിഷണൽ സർട്ടിഫിക്കറ്റുകളും പരീക്ഷ എഴുതിയ കേന്ദ്രങ്ങളിൽ നിന്നും ലഭിക്കും. പുതുക്കാട് പ്രജ്യോതി നികേതനിൽ പരീക്ഷ എഴുതിയവർ തൃശൂർ കേരളവർമ്മ കോളജിൽ നിന്നാണ് കൈപ്പറ്റേണ്ടത്.
പരീക്ഷാഫലം
വിദൂരവിദ്യാഭ്യാസം ഒന്നാം സെമസ്റ്റർ ബിഎ/ബിഎ അഫ്സൽഉൽഉലമ/ബിഎസ്സി/ബികോം/ബിബിഎ (സിയുസിബിസിഎസ്എസ്) നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 18 വരെ ഓണ്ലൈനിൽ അപേക്ഷിക്കാം. അപേക്ഷയുടെ പ്രിന്റൗട്ട് ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, എക്സാം ഡിസ്റ്റൻസ് എഡ്യുക്കേഷൻ, കാലിക്കറ്റ് യൂണിവേഴ്സിറ്റി, 673 635 എന്ന വിലാസത്തിൽ 21നകം ലഭിക്കണം. വിവരങ്ങൾ വെബ്സൈറ്റിൽ.
നാലാം വർഷ ബിഎസ്സി മെഡിക്കൽ ലബോറട്ടറി ടെക്നോളജി റഗുലർ/സപ്ലിമെന്ററി (നവംബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
അവസാന വർഷ ബിഎ ഏപ്രിൽ 2015 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
ഹിന്ദി പിജി ഡിപ്ലോമ ഇൻ ട്രാൻസ്ലേഷൻ വൈവ
ഹിന്ദി പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് വൈവാ വോസി 21ന് രാവിലെ പത്തിന് സർവകലാശാലാ ഹിന്ദി പഠനവകുപ്പിൽ നടക്കും.