കേരള ആരോഗ്യശാസ്ത്ര സർവകലാശാല മേയ് 24 മുതൽ ആരംഭിക്കുന്ന അവസാന വർഷ ബിഫാം റഗുലർ/സപ്ലിമെന്ററി (2012 2010 സ്കീം) പരീക്ഷയ്ക്ക് ഓൺലൈനായി 24 മുതൽ മേയ് 10 വരെ രജിസ്ട്രേഷൻ നടത്താം. പേപ്പറൊന്നിനു 100 രൂപ ഫൈനോടുകൂടി മേയ് 12 വരെയും 300 രൂപ സൂപ്പർഫൈനോടുകൂടി മേയ് 16 വരെയും ഓൺലൈൻ രജിസ്ട്രേഷൻ നടത്താം.
പരീക്ഷ റീടോട്ടലിംഗ് ഫലം
2017 ഫെബ്രുവരിയിൽ പരീക്ഷ നടത്തി ഫലപ്രഖ്യാപനം നടത്തിയ എംഡിഎസ് പാർട്ട് 2 സപ്ലിമെന്ററി പരീക്ഷയുടെ റീടോട്ടലിംഗ് ഫലം പ്രസിദ്ധീകരിച്ചു.
2017 ഫെബ്രുവരിയിൽ നടത്തിയ എം ഫാം പാർട്ട് ഒന്ന് സപ്ലിമെന്ററി പരീക്ഷയുടെ റീടോട്ടലിംഗ് ഫലം പ്രസിദ്ധീകരിച്ചു.
പ്രാക്ടിക്കൽ പരീക്ഷ തിയതി
ഏപ്രിൽ 24 മുതൽ ആരംഭിക്കുന്ന രണ്ടാംവർഷ പോസ്റ്റ് ബേസിക് ബിഎസ്സി നഴ്സിംഗ് സപ്ലിമെന്ററി പ്രാക്ടിക്കൽ പരീക്ഷ ടൈംടേബിൾ പ്രസിദ്ധീകരിച്ചു.
സപ്ലിമെന്ററി പരീക്ഷ അപേക്ഷ
മേയ് 18 മുതൽ ആരംഭിക്കുന്ന രണ്ടാംവർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷയ്ക്ക് 26 മുതൽ മേയ് മൂന്നുവരെയുള്ള തീയതികളിൽ ഓൺലൈനായി രജിസ്റ്റർ ചെയ്യാം. പേപ്പറൊന്നിന് 100 രൂപ ഫൈനോടുകൂടി മേയ് അഞ്ചുവരെയും 300 രൂപ സൂപ്പർഫൈനോടുകൂടി മേയ് അഞ്ചുവരെയും ഓൺലൈൻ രജിസ്ട്രേഷൻ നടത്താം.
സപ്ലിമെന്ററി പരീക്ഷാഫലം
2017 ജനുവരി/ ഫെബ്രുവരി മാസങ്ങളിൽ നടത്തിയ നാലാം വർഷ ഫാം ഡി ഡിഗ്രി സപ്ലിമെന്ററി പരീക്ഷാഫലം, മൂന്നാംവർഷ ഫാം ഡി ഡിഗ്രി സപ്ലിമെന്ററി പരീക്ഷാഫലം എന്നിവ പ്രസിദ്ധീകരിച്ചു. റീടോട്ടലിംഗ് ഉത്തരക്കടലാസിന്റെയും സ്കോർ ഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസ് സഹിതം കോളജ് പ്രിൻസിപ്പൽമാർ മുഖേന ഓൺലൈനായി 25നകം അപേക്ഷിക്കേണ്ടതാണ്.