ബികോം സ്പെഷൽ സപ്ലിമെന്ററി പരീക്ഷ
1994 മുതൽ 2004 വരെ പ്രവേശനം നേടിയ ബികോം വിദ്യാർഥികൾക്കായി പാർട്ട് മൂന്ന് വിഷയങ്ങളിൽ സ്പെഷൽ സപ്ലിമെന്ററി പരീക്ഷ നടത്തുന്നു. അപേക്ഷ സാധാരണ ഫോമിൽ 24 വരെ പരീക്ഷാഭവനിൽ സ്വീകരിക്കും. ഫീ പേപ്പറൊന്നിന് 2,500 രൂപ. പൂരിപ്പിച്ച അപേക്ഷ, ചലാൻ, മാർക്ക് ലിസ്റ്റുകളുടെ സ്വയം സാക്ഷ്യപ്പെടുത്തിയ പകർപ്പ് എന്നിവ സഹിതം 24നകം സ്പെഷൽ സപ്ലിമെന്ററി എക്സാമിനേഷൻ സെൽ, പരീക്ഷാഭവൻ, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ലഭിക്കണം. കാലിക്കട്ട് സർവകലാശാലാ ക്യാന്പസിലായിരിക്കും പരീക്ഷ. മുൻ വിജ്ഞാപനപ്രകാരം അപേക്ഷിച്ചവർ വീണ്ടും അപേക്ഷിക്കേണ്ടതില്ല. വിവരങ്ങൾ വെബ്സൈറ്റിൽ.
ഗ്രേസ് മാർക്ക് അപേക്ഷ
2017 മാർച്ചിലെ ആറാം സെമസ്റ്റർ പരീക്ഷ എഴുതിയ ബിഎസ് സി/ബിസിഎ (സിയുസിബിസിഎസ്എസ്) വിദ്യാർഥികളിൽ ഗ്രേസ് മാർക്കിന് (എൻഎസ്എസ്, എൻസിസി, സ്പോർട്സ്, ആർട്സ് തുടങ്ങിയവ) അർഹരായവരുടെ പൂരിപ്പിച്ച അപേക്ഷ ബന്ധപ്പെട്ട സർട്ടിഫിക്കറ്റുകൾ സഹിതം പ്രിൻസിപ്പൽമാർ 28നകം പരീക്ഷാഭവൻ ബിഎസ് സി വിഭാഗത്തിൽ സമർപ്പിക്കണം. അപേക്ഷാ ഫോം വെബ്സൈറ്റിൽ.
പരീക്ഷാ അപേക്ഷ
എംബിഎ രണ്ടാം സെമസ്റ്റർ (സിയുസിഎസ്എസ്) 2016 പ്രവേശനം റഗുലർ (ഫുൾടൈം), 2013 മുതൽ 2015 വരെ പ്രവേശനം സപ്ലിമെന്ററി (ഫുൾടൈം), 2013 മുതൽ പ്രവേശനം റഗുലർ/സപ്ലിമെന്ററി (പാർട്ട്ടൈം), 2012 പ്രവേശനം സപ്ലിമെന്ററി (ഫുൾടൈം) പരീക്ഷകൾക്ക് പിഴകൂടാതെ 29 വരെയും 150 രൂപ പിഴയോടെ മേയ് നാല് വരെയും ഓണ്ലൈനിൽ അപേക്ഷിക്കാം.
എംബിഎ നാലാം സെമസ്റ്റർ (സിയുസിഎസ്എസ്) 2013 മുതൽ പ്രവേശനം റഗുലർ/സപ്ലിമെന്ററി (ഫുൾടൈം/പാർട്ട്ടൈം), 2012 പ്രവേശനം സപ്ലിമെന്ററി (ഫുൾടൈം), ആറാം സെമസ്റ്റർ 2013 മുതൽ പ്രവേശനം റഗുലർ/സപ്ലിമെന്ററി (പാർട്ട്ടൈം) പരീക്ഷകൾക്ക് പിഴകൂടാതെ 29 വരെയും 150 രൂപ പിഴയോടെ മേ നാല് വരെയും ഓണ്ലൈനിൽ അപേക്ഷിക്കാം.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ് സി കംപ്യൂട്ടർ സയൻസ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ ഓണ്ലൈനിൽ അപേക്ഷിക്കാം.
2016 ജൂണിൽ നടത്തിയ രണ്ട്, നാല് സെമസ്റ്റർ മാസ്റ്റർ ഓഫ് തിയേറ്റർ ആർട്സ് (സിസിഎസ്എസ്) പരീക്ഷാഫലം വെബ്സൈറ്റിൽ. 2016 ഡിസംബറിൽ നടത്തിയ ഒന്നാം സെമസ്റ്റർ എംഎസ് സി പ്ലാന്റ് സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
നാലാം സെമസ്റ്റർ എംബിഎ ജൂണ് 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
എക്സാമിനേഴ്സ് മീറ്റിംഗ്
കോഴിക്കോട്: കാലിക്കട്ട് സർവകലാശാല ആറാം സെമസ്റ്റർ ബിഎസ് സി കെമിസ്ട്രി/കംപ്യൂട്ടർ സയൻസ്/ബിസിഎ (സിയുസിബിസിഎസ്എസ്/സിസിഎസ്എസ്) പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗ് താഴെ കൊടുത്ത പ്രകാരം നടക്കും. കോഴിക്കോട്, വയനാട് ജില്ലകളിലെ കെമിസ്ട്രി അധ്യാപകർ കോഴിക്കോട് മലബാർ ക്രിസ്ത്യൻ കോളജിലും, വയനാട് ജില്ലയിലെ കംപ്യൂട്ടർ സയൻസ്/ബിസിഎ അധ്യാപകർ മുട്ടിൽ ഡബ്ല്യൂഎംഒ കോളജിലും ഇന്ന് രാവിലെ 10.30ന് ഹാജരാകണം.
സംസ്ഥാന ബാലശാസ്ത്ര കോണ്ഗ്രസ് 20 മുതൽ സർവകലാശാലയിൽ
കോഴിക്കോട്: സംസ്ഥാന ബാലശാസ്ത്ര കോൺഗ്രസ് 20 മുതൽ 22 വരെ കാലിക്കട്ട് സർവകലാശാലാ ആര്യഭട്ട ഹാളിൽ നടക്കും. 20ന് രാവിലെ 9.30ന് വൈസ് ചാൻസലർ ഡോ.കെ. മുഹമ്മദ് ബഷീർ ഉദ്ഘാടനം ചെയ്യും. സർവകലാശാലാ ബൊട്ടാണിക്കൽ ഗാർഡൻ സന്ദർശനവും കടലുണ്ടി ബയോപാർക്ക് സന്ദർശനവും സിനിമ, ക്യാന്പ് ഫയർ എന്നിവയും ഇതിന്റെ ഭാഗമായി ഒരുക്കിയിട്ടുണ്ട്. കേരള ശാസ്ത്ര പരിസ്ഥിതി കൗണ്സിൽ, സർവകലാശാലാ ലൈഫ് സയൻസസ്, ബോട്ടണി, സുവോളജി എന്നീ പഠനവകുപ്പുകളുടെ സഹകരണത്തോടെയാണ് കേരള ശാസ്ത്ര സാഹിത്യ പരിഷത്ത് പരിപാടി സംഘടിപ്പിക്കുന്നത്.