ബിഎച്ച്എം, ബിപിഎഡ്: 15 വരെ അപേക്ഷിക്കാം
കാലിക്കട്ട് സർവകലാശാലയുടെ സ്വാശ്രയ കേന്ദ്രങ്ങൾ, അഫിലിയേറ്റഡ് കോളജുകൾ എന്നിവയിലെ ബാച്ച്ലർ ഓഫ് ഹോട്ടൽ മാനേജ്മെന്റ്, ബിപിഎഡ് ഇന്റഗ്രേറ്റഡ് (നാല് വർഷം, യോഗ്യത: പ്ലസ്ടു/തത്തുല്യം), ബിപിഎഡ് (രണ്ട് വർഷം, യോഗ്യത: അംഗീകൃത ബിരുദം) എന്നീ പ്രവേശന പരീക്ഷകളുള്ള കോഴ്സുകൾക്ക് മേയ് 15 വരെ ഓണ്ലൈനിൽ അപേക്ഷിക്കാം. അവസാന വർഷ ഫലം കാത്തിരിക്കുന്നവർക്കും അപേക്ഷിക്കാം. വിവരങ്ങൾക്ക്: www.cuonline.ac.in.. ഫോണ്: 0494 2407016, 2407017.
പ്രവേശന പരീക്ഷകളുള്ള പിജി കോഴ്സുകൾക്ക് 15 വരെ അപേക്ഷിക്കാം
കാലിക്കട്ട് സർവകലാശാലയുടെ പഠനവകുപ്പുകൾ, സ്വാശ്രയ കേന്ദ്രങ്ങൾ, അഫിലിയേറ്റഡ് കോളജുകൾ എന്നിവയിലെ എംഎസ് സി കംപ്യൂട്ടർ സയൻസ്, എംഎസ് സി ജനറൽ ബയോടെക്നോളജി, എംഎസ് സി ഹെൽത്ത് ആൻഡ് യോഗ തെറാപ്പി, എംഎസ്ഡബ്ല്യൂ, എംസിജെ, എംഎസ് സി അപ്ലൈഡ് സൈക്കോളജി, എംഎസ് സി ക്ലിനിക്കൽ സൈക്കോളജി, എംഎസ് സി ഫുഡ് സയൻസ് ആൻഡ് ടെക്നോളജി, എംപിഎഡ്, എംഎസ് സി റേഡിയേഷൻ ഫിസിക്സ്, എംഎ ഫോക്ലോർ, എംഎസ് സി എൻവയോണ്മെന്റൽ സയൻസ്, എംഎസ് സി അപ്ലൈഡ് സുവോളജി, എംഎസ് സി അപ്ലൈഡ് കെമിസ്ട്രി, എംഎസ് സി സൈക്കോളജി, എംഎസ് സി അപ്ലൈഡ് പ്ലാന്റ് സയൻസ്, എംഎസ് സി അപ്ലൈഡ് ജിയോളജി എന്നീ പ്രവേശന പരീക്ഷകളുള്ള പിജി കോഴ്സുകൾക്ക് 15 വരെ ഓണ്ലൈനിൽ അപേക്ഷിക്കാം. വിജ്ഞാപനപ്രകാരമുള്ള യോഗ്യതയുള്ളവർക്കും ഫലം കാത്തിരിക്കുന്നവർക്കും അപേക്ഷിക്കാം. ഹരിജൻ വെൽഫയർ ഡിപ്പാർട്ടുമെന്റിൽ നിന്ന് ലഭിക്കേണ്ട ഫീ കുടിശിക വരുത്തിയ കോളജുകളിലേക്കുള്ള പ്രവേശനം സിൻഡിക്കറ്റ് തീരുമാനത്തിന് വിധേയമായിരിക്കും. വിവരങ്ങൾക്ക്: 0494 2407016, 2407017.
അന്യസംസ്ഥാന/വിദേശ കേന്ദ്രങ്ങളിലെ പരീക്ഷാ അപേക്ഷ: തിയതി നീട്ടി
വിദൂരവിദ്യാഭ്യാസം വഴി യുഎഇ, കുവൈറ്റ്, ഹൈദരാബാദ്, ബംഗളൂരു, മുംബൈ, ചെന്നൈ എന്നീ കേന്ദ്രങ്ങളിൽ 2017ൽ രജിസ്റ്റർ ചെയ്തവർക്ക് പരീക്ഷയ്ക്ക് ഓണ്ലൈനിൽ അപേക്ഷിക്കാനുള്ള തിയതി പത്ത് വരെ നീട്ടി.
പരീക്ഷാഫലം
നാലാം സെമസ്റ്റർ ബിടിഎച്ച്എം, ബിഎച്ച്എ (സിയുസിബിസിഎസ്എസ്) ഏപ്രിൽ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് അപേക്ഷ ചലാൻ സഹിതം 15നകം ലഭിക്കണം.
ബേസിക് സയൻസ് റിഫ്രഷർ കോഴ്സ്
ഹ്യൂമണ് റിസോഴ്സ് ഡവലപ്മെന്റ് സെന്റർ, കോളജ്, സർവകലാശാലാ അധ്യാപകർക്കായി ജൂണ് 14 മുതൽ ജൂലൈ നാല് വരെ ബേസിക് സയൻസ് റിഫ്രഷർ കോഴ്സ് നടത്തും. അഞ്ച് മുതൽ ജൂണ് ഒന്ന് വരെ ugchrdc.uoc.ac.in എന്ന വെബ്സൈറ്റിലൂടെ ഓണ്ലൈനിൽ അപേക്ഷിക്കാം. കെമിസ്ട്രി, ഇക്കോളജി, ജിയോളജി, മാത്തമാറ്റിക്സ്, ഫിസിക്സ്, സ്റ്റാറ്റിസ്റ്റിക്സ് വിഷയങ്ങൾ പഠിപ്പിക്കുന്ന അധ്യാപകർക്ക് പങ്കെടുക്കാം. വിവരങ്ങൾക്ക്: 0494 2407351.
സർവകലാശാലയിൽ ഇന്ന് "കോങ്കണ്ണൻ’
കേരള സംഗീത നാടക അക്കാദമിയുടെ സഹകരണത്തോടെ കാലിക്കട്ട് സർവകലാശാലാ പബ്ലിക് റിലേഷൻസ് വിഭാഗം സംഘടിപ്പിക്കുന്ന നാടക പ്രദർശനത്തിൽ ഇന്ന് തൃശൂർ സദ്ഗമയ അവതരിപ്പിക്കുന്ന "കോങ്കണ്ണൻ’ എന്ന പ്രഫഷണൽ നാടകം അരങ്ങേറും. സർവകലാശാലാ ഓഡിറ്റോറിയത്തിൽ വൈകുന്നേരം ഏഴിന് ആരംഭിക്കുന്ന പ്രദർശനത്തിൽ പ്രവേശനം സൗജന്യമാണ്.