കാലിക്കട്ട് സർവകലാശാലയുടെ 201718 അധ്യയന വർഷത്തെ ബിരുദ, ബിരുദാനന്തര പ്രവേശനത്തിന്റെ മുന്നോടിയായി എല്ലാ അഫിലിയേറ്റഡ് കോളജുകളിലെയും നോഡൽ ഓഫീസർമാർക്ക് പരിശീലന പരിപാടി ഒന്പത് മുതൽ 11 വരെ സർവകലാശാലാ സെമിനാർ ഹാളിൽ നടക്കും. കോഴിക്കോട്, പാലക്കാട്, വയനാട് ജില്ലകളിലെ അഫിലിയേറ്റഡ് കോളജുകളിലെ നോഡൽ ഓഫീസർമാർ ഒന്പതിനും, കോഴിക്കോട്, വയനാട്, പാലക്കാട്, മലപ്പുറം, തൃശൂർ ജില്ലകളിലെ ബിഎഡ്, എംഎഡ്, അഫ്സൽഉൽഉലമ (പ്രിലിമിനറി) കോഴ്സുകൾ നടത്തുന്ന കോളജ്/സെന്ററുകളിലെ നോഡൽ ഓഫീസർമാർ പത്തിനും, മലപ്പുറം, തൃശൂർ ജില്ലകളിലെ അഫിലിയേറ്റഡ് കോളജുകളിലെ നോഡൽ ഓഫീസർമാർ 11നും ഹാജരാകണം. സമയം രാവിലെ 9.30.
എംഎ ഹിസ്റ്ററി മൂല്യനിർണയ ക്യാന്പ്
കാലിക്കട്ട് സർവകലാശാല എംഎ ഹിസ്റ്ററി (സിയുസിഎസ്എസ്) ഒന്നാം സെമസ്റ്റർ ഡിസംബർ 2016 പരീക്ഷയുടെ മൂല്യനിർണയ ക്യാന്പ് പത്ത് മുതൽ തിരൂരങ്ങാടി പിഎസ്എംഒ കോളജിൽ നടക്കും. പിജി ക്ലാസെടുക്കുന്ന ഒരു വർഷത്തിലധികം അധ്യാപന പരിചയമുള്ളവർ നിർബന്ധമായും ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
ഓവർസിയർ അഭിമുഖം
കാലിക്കട്ട് സർവകലാശാലക്ക് കീഴിലെ ഇൻസ്റ്റിറ്റ്യൂട്ട്ഒഓഫ് ട്രൈബൽ സ്റ്റഡീസ് ആൻഡ് റിസർച്ച് സെന്ററിൽ ഓവർസിയർ (സിവിൽ) തസ്തികയിലേക്ക് ഓണ്ലൈനായി അപേക്ഷിച്ചവർക്കുള്ള അഭിമുഖം പത്തിന് രാവിലെ 9.30ന് സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ. ഫോണ്: 0494 2407106.
ഇന്ന് ഓണ്ലൈൻ സേവനങ്ങൾ ലഭിക്കില്ല
കാലിക്കട്ട് സർവകലാശാലയുടെ പരീക്ഷാഭവനുമായി ബന്ധപ്പെട്ട ഓണ്ലൈൻ സേവനങ്ങൾ ഏഴിന് രാത്രി എട്ടിന് ലഭ്യമാവുന്നതല്ല. പരീക്ഷാഭവൻ പ്രവർത്തനങ്ങൾ കാര്യക്ഷമമാക്കുന്നതിന്റെ ഭാഗമായി സർവറുകൾ പുനഃക്രമീകരിക്കുന്നതിനാലാണിത്.
പരീക്ഷ
കാലിക്കട്ട് സർവകലാശാലയുടെ കോളജ് വിദ്യാർഥികൾക്കുള്ള (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് ഒന്നാം സെമസ്റ്റർ ബികോം, ബികോം വൊക്കേഷണൽ, ബിബിഎ, ബിഎച്ച്എ, ബിടിഎച്ച്എം, ബികോം ഓണേഴ്സ് പരീക്ഷകൾ 15നും, ഒന്നാം സെമസ്റ്റർ ബിഎ, ബിഎ അഫ്സൽഉൽഉലമ, ബിഎസ്സി, ബിഎസ് സി ഇൻ ആൾട്ടർനേറ്റ് പാറ്റേണ്, ബിസിഎ, ബിവോക്, ബിവിസി, ബിഎസ് സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസ്, ബിഎസ്ഡബ്ല്യൂ, ബിഎംഎംസി, ബിടിഎഫ്പി പരീക്ഷകൾ 20നും ആരംഭിക്കും. ടൈംടേബിൾ വെബ്സൈറ്റിൽ.
പരീക്ഷാ അപേക്ഷ: തിയതി നീട്ടി
കാലിക്കട്ട് സർവകലാശാലയുടെ പ്രൈവറ്റ് രജിസ്ട്രേഷൻ മോഡിലുള്ള നാലാം സെമസ്റ്റർ ബിഎ, ബിഎസ് സി, ബികോം, ബിബിഎ, ബിഎംഎംസി, ബിഎ അഫ്സൽഉൽഉലമ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് അപേക്ഷിക്കാനുള്ള തിയതി പിഴകൂടാതെ 17 വരെയും 150 രൂപ പിഴയോടെ 25 വരെയും നീട്ടി.
പരീക്ഷാ അപേക്ഷ
കാലിക്കട്ട് സർവകലാശാല വിദൂരവിദ്യാഭ്യാസം ഒന്നാം സെമസ്റ്റർ ബിഎസ് സി പ്രിന്റിംഗ് ടെക്നോളജി (2014 പ്രവേശനം) പരീക്ഷയ്ക്ക് പിഴകൂടാതെ 16 വരെയും 150 രൂപ പിഴയോടെ 20 വരെയും ഓണ്ലൈനിൽ അപേക്ഷിക്കാം. പ്രിന്റൗട്ടും രേഖകളും 20നകം വിദൂരവിദ്യാഭ്യാസ വിഭാഗത്തിൽ ലഭിക്കണം.
ആറാം സെമസ്റ്റർ യുജി ഇന്റേണൽ മാർക്ക്
കാലിക്കട്ട് സർവകലാശാലയുടെ അഫിലിയേറ്റഡ് കോളജുകളിലെ ആറാം സെമസ്റ്റർ ബിഎ, ബിഎസ് സി, ബിഎസ് സി ഇൻ ആൾട്ടർനേറ്റ് പാറ്റേണ്, ബികോം, ബിബിഎ, ബിഎംഎംസി, ബിസിഎ, ബിഎസ്ഡബ്ല്യൂ, ബിടിഎ, ബിടിഎച്ച്എം, ബിവിസി, ബിഎച്ച്എ, ബിഎ അഫ്സൽഉൽഉലമ (സി.യു.സി.ബി.സി.എസ്.എസ്) റഗുലർ പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള സൗകര്യം പത്ത് വരെ നീട്ടി.