20ന് നടത്താനിരുന്ന ഒന്നാം സെമസ്റ്റർ യുജി പരീക്ഷ മാറ്റി
20ന് നടത്താനിരുന്ന റഗുലർ, വിദൂരവിദ്യാഭ്യാസം, പ്രൈവറ്റ് ഒന്നാം സെമസ്റ്റർ യുജി (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ 22ലേക്ക് മാറ്റി. സമയം 1.30 മുതൽ 4.30 വരെ. മറ്റ് പരീക്ഷകൾക്ക് മാറ്റമില്ല.
എസ്ഡിഇയുജി രണ്ടാം സെമസ്റ്ററിൽ പുനഃപ്രവേശനം
വിദൂരവിദ്യാഭ്യാസ വിഭാഗത്തിന് കീഴിൽ 2014, 2015 വിജ്ഞാപന പ്രകാരം ബിഎ, ബികോം, ബിഎസ് സി (മാത്സ്), ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് അപേക്ഷിച്ച ശേഷം, തുടർപഠനം നടത്താനാവാത്തവർക്ക് രണ്ടാം സെമസ്റ്ററിലേക്ക് പുനഃപ്രവേശനത്തിന് 100 രൂപ പിഴയോടെ 27 വരെ ഓണ്ലൈനായി അപേക്ഷിക്കാം. പ്രിന്റൗട്ട്, ചലാൻ സഹിതം 31നകം എസ്ഡിഇ ഓഫീസിൽ ലഭിക്കണം. ഓപ്പണ് എൻട്രൻസ് വഴി പരീക്ഷ എഴുതിയവർ രണ്ടാം സെമസ്റ്ററിലേക്ക് പുനഃപ്രവേശനത്തിന് അർഹരല്ല. വിവരങ്ങൾ വെബ്സൈറ്റിൽ. ഫോണ്: 0494 2407356, 2400288.
കോഷൻ ഡെപ്പോസിറ്റ് വിതരണം
വിദൂരവിദ്യാഭ്യാസം എംബിഎ (2012 പ്രവേശനം) കോഷൻ ഡെപ്പോസിറ്റ് തുകയായ 1,500 രൂപ 15 മുതൽ ജൂണ് 15 വരെ രാവിലെ 10.30 മുതൽ വൈകുന്നേരം 4.30 വരെ എസ്ഡിഇ ഓഫീസിൽ വിതരണം ചെയ്യും. നാലാം സെമസ്റ്റർ വരെ ട്യൂഷൻ ഫീ അടച്ച് കോഴ്സ് പൂർത്തിയാക്കിയ വിദ്യാർഥികൾ സ്റ്റഡി സെന്ററിലെ കോഓർഡിനേറ്ററിൽ നിന്നും എസ്ഡിഇ ലൈബ്രറിയിൽ നിന്നുമുള്ള നോണ് ലയബിലിറ്റി സർട്ടിഫിക്കറ്റ്, ഐഡന്റിറ്റി കാർഡ് എന്നിവ സഹിതം വന്ന് ചെക്ക് കൈപ്പറ്റണം.
ബിഫാം പ്രാക്ടിക്കൽ, വൈവ
ഒന്നാം വർഷ ബിഫാം പ്രാക്ടിക്കൽ, വൈവ സപ്ലിമെന്ററി പരീക്ഷ 12ന് രാവിലെ ഒന്പത് മുതൽ ഉച്ചയ്ക്ക് 12 വരെ കോഴിക്കോട് ഗവണ്മെന്റ് മെഡിക്കൽ കോളജിലെ കോളജ് ഓഫ് ഫാർമസ്യൂട്ടിക്കൽ സയൻസസിൽ നടക്കും.
പരീക്ഷാഫലം
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ഇക്കണോമിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ. 2016 ഏപ്രിലിൽ നടത്തിയ വിദൂരവിദ്യാഭ്യാസം നാലാം സെമസ്റ്റർ ബികോം, ബിബിഎ സപ്ലിമെന്ററി, ഇംപ്രൂവ്മെന്റ് (സിസിഎസ്എസ്) പരീക്ഷാഫലം വെബ്സൈറ്റിൽ.ഹിന്ദി പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് (ജനുവരി 2017) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ അപേക്ഷ
ഏപ്രിൽ നാലിന് ഫലം പ്രസിദ്ധീകരിച്ച വിദൂരവിദ്യാഭ്യാസം നാലാം സെമസ്റ്റർ ബികോം, ബിബിഎ (സിയുസിബിസിഎസ്എസ്) ഏപ്രിൽ 2016 പരീക്ഷയുടെ പുനർമൂല്യനിർണയത്തിന് 20 വരെ ഓണ്ലൈനിൽ അപേക്ഷിക്കാം. പ്രിന്റൗട്ട് ചലാൻ സഹിതം 24 വരെ സമർപ്പിക്കാം.
ബിസിനസ് സ്റ്റഡീസിൽ ത്രിദിന ശിൽപശാല
സ്കൂൾ ഓഫ് ബിസിനസ് സ്റ്റഡീസ് ഡയറക്ടർ പ്രഫ. കെ. പി. മുരളീധരന്റെ വിരമിക്കലിനോടനുബന്ധിച്ച് 19, 20, 25 തിയതികളിലായി ശിൽപശാല സംഘടിപ്പിക്കുന്നു. സ്റ്റാറ്റിസ്റ്റിക്കൽ മെത്തേഡ് ആൻഡ് ഹാൻഡ്സ് ഓണ് ട്രെയിനിംഗ് ഇൻ സ്റ്റാറ്റിസ്റ്റിക്കൽ അനാലിസിസ്, സയന്റിഫിക് അക്കാഡമിക് റൈറ്റിംഗ് എന്നീ വിഷയങ്ങളിലാണ് ശിൽപശാല. പഠനവകുപ്പിൽ നടക്കുന്ന പരിപാടിയിൽ പങ്കെടുക്കാൻ താത്പര്യമുള്ളവർ 9847228043, 9526996227 എന്നീ നന്പറുകളിൽ ബന്ധപ്പെടണം.