എംബിഎ പ്രവേശനം: 27 വരെ അപേക്ഷിക്കാം
കാലിക്കട്ട് സർവകലാശാലാ കോമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പിലും, സർവകലാശാല നേരിട്ട് നടത്തുന്ന വടകര, കോഴിക്കോട്, കുറ്റിപ്പുറം, തിരൂർ (തൃശൂർ), തൃശൂർ ജോണ് മത്തായി സെന്റർ, പാലക്കാട് എന്നീ കേന്ദ്രങ്ങളിലും അഫിലിയേറ്റഡ് മാനേജ്മെന്റ് ഇൻസ്റ്റിറ്റ്യൂട്ടുകളിലും എംബിഎ പ്രവേശനത്തിന് ക്യാറ്റ്, സിമാറ്റ്, കെമാറ്റ് പരീക്ഷകൾ പാസായവർക്ക് 27 വരെ സർവകലാശാലാ വെബ്സൈറ്റ് വഴി അപേക്ഷിക്കാം. ക്യാറ്റ്, സിമാറ്റ്, കെമാറ്റ് സ്കോറും ചലാനും സഹിതം സമർപ്പിക്കണം. ക്യാറ്റ്, സിമാറ്റ്, കെമാറ്റ് പരീക്ഷക്ക് 15%, 10%, 7.5% സ്കോർ (യഥാക്രമം ജനറൽ, മറ്റു പിന്നോക്ക വിഭാഗം, പട്ടികജാതി, പട്ടികവർഗം) നേടിയിരിക്കണം. അപേക്ഷയുടെ പ്രിന്റൗട്ട്, ചലാൻ (എസ് സിഎസ്ടി വിഭാഗം കമ്യൂണിറ്റി സർട്ടിഫിക്കറ്റിന്റെ പകർപ്പ് ഹാജരാക്കണം) സഹിതം 27ന് അഞ്ച് മണിക്കകം ദി ഹെഡ്, ഡിപ്പാർട്ടുമെന്റ് ഓഫ് കോമേഴ്സ് ആന്ഡ് മാനേജ്മെന്റ് സ്റ്റഡീസ്, കാലിക്കട്ട് യൂണിവേഴ്സിറ്റി പിഒ, മലപ്പുറം673 635 എന്ന വിലാസത്തിൽ സമർപ്പിക്കണം. ഫോൺ: 0494 2407363.
എംഎസ്ഡബ്ല്യൂ പ്രവേശനം
കാലിക്കട്ട് സർവകലാശാലയുടെ സുൽത്താൻ ബത്തേരി സെന്റർ ഫോർ പിജി സ്റ്റഡീസ് ഇൻ സോഷ്യൽ വർക്ക്, അഫിലിയേറ്റഡ് കോളജുകൾ എന്നിവിടങ്ങളിൽ എംഎസ്ഡബ്ല്യൂ പ്രവേശനത്തിന് 31 വരെ ഓണ്ലൈനായി അപേക്ഷിക്കാം. വിവരങ്ങൾ www.cuonline.ac.in വെബ്സൈറ്റിൽ. ഫോണ്: 0494 2407017, 2407016.
എംഎസ് സി അപ്ലൈഡ് ജിയോളജി പ്രവേശനം
കാലിക്കട്ട് സർവകലാശാലാ കാന്പസിൽ നടത്തുന്ന എംഎസ് സി അപ്ലൈഡ് ജിയോളജി പ്രവേശനത്തിന് 25 വരെ ഓണ്ലൈനായി അപേക്ഷിക്കാം. വിവരങ്ങൾ www.cuonline.ac.in വെബ്സൈറ്റിൽ. ഫോൺ: 0494 2407017, 2407016.
എംഎ അറബിക് പ്രീവിയസ് മാർക്ക് ലിസ്റ്റ്
കാലിക്കറ്റ് സർവകലാശാല 2016 മേയിൽ നടത്തിയ വിദൂരവിദ്യാഭ്യാസം എംഎ അറബിക് (നോണ് സെമസ്റ്റർ) പ്രീവിയസ് റഗുലർ, സപ്ലിമെന്ററി, ഇംപ്രൂവ്മെന്റ് മാർക്ക് ലിസ്റ്റുകൾ 15ന് പരീക്ഷാ കേന്ദ്രങ്ങളിൽ വിതരണം ആരംഭിച്ചു.
ബിഎംഎംസി പ്രാക്ടിക്കൽ പരീക്ഷ അഞ്ച്, ആറ് സെമസ്റ്റർ ബിഎംഎംസി (സിസിഎസ്എസ്) പ്രാക്ടിക്കൽ സപ്ലിമെന്ററി പരീക്ഷ 22 മുതൽ വളാഞ്ചേരി പുറമണ്ണൂർ മജ്ലിസ് ആർട്സ് ആൻഡ് സയൻസ് കോളജിൽ ആരംഭിക്കും.