ബിഎഡ്, എംഎഡ് പ്രവേശനം: അപേക്ഷ ക്ഷണിച്ചു
കാലിക്കട്ട് സർവകലാശാലയുടെ 201719 വർഷത്തെ ബിഎഡ്, എംഎഡ് പ്രവേശനത്തിന് അപേക്ഷ ക്ഷണിച്ചു. 29ന് ഉച്ചയ്ക്കുശേഷം രണ്ട് മുതൽ ജൂണ് 15 വരെ ഓണ്ലൈനിൽ അപേക്ഷിക്കാം. അപേക്ഷാ ഫീ ബിഎഡ് ജനറൽ500 രൂപ, എസ്സി , എസ്ടി150 രൂപ, എംഎഡ് ജനറൽ500 രൂപ, എസ് സി, എസ്ടി250 രൂപ. വിജ്ഞാപനം www.cuonline.ac.in എന്ന വെബ്സൈറ്റിൽ. ഫോണ്: 0494 2407016, 2407017.
ഓഫീസ് അസിസ്റ്റന്റ് കം കംപ്യൂട്ടർ ഓപ്പറേറ്റർ അഭിമുഖം
സൈക്കോളജി പഠനവകുപ്പിലെ സിഡിഎംആർപി പ്രോജക്ടിലേക്ക് ഓഫീസ് അസിസ്റ്റന്റ് കം കംപ്യൂട്ടർ ഓപ്പറേറ്റർ തസ്തികയിൽ കരാർ നിയമനത്തിനുള്ള അഭിമുഖം 31ന് ഉച്ചയ്ക്ക് ഒന്നിന് ആരംഭിക്കും. വെബ്സൈറ്റിൽ നൽകിയിട്ടുള്ള ഷെഡ്യൂൾ പരിശോധിച്ച് ഹാജരാകണം.
പ്രവേശന പരീക്ഷാ ഹാൾടിക്കറ്റ്
ജൂണ് ഒന്നിന് നടക്കുന്ന എംഎസ്സി അപ്ലൈഡ് ജിയോളജി, ജൂണ് രണ്ടിന് നടക്കുന്ന എംഎസ്സി അപ്ലൈഡ് പ്ലാന്റ് സയൻസ് എന്നീ പ്രവേശന പരീക്ഷകളുടെ ഹാൾടിക്കറ്റുകൾ www.cuonline.ac.in വെബ്സൈറ്റിൽ നിന്നും നാളെ മുതൽ ഡൗണ്ലോഡ് ചെയ്യാം. ഫോണ്: 0494 2407016, 2407017.
പരീക്ഷാഫലം
2017 ജനുവരിയിൽ നടത്തിയ ഒന്നാം സെമസ്റ്റർ എംടെക് കംപ്യൂട്ടർ എയ്ഡഡ് പ്രോസസ്സ് ഡിസൈൻ (കെമിക്കൽ), തെർമൽ എൻജിനിയറിംഗ് (മെക്കാനിക്കൽ), എംബഡഡ് സിസ്റ്റംസ്, പവർ സിസ്റ്റംസ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂണ് എട്ട് വരെ ഓണ്ലൈനിൽ അപേക്ഷിക്കാം.
2016 ഡിസംബറിൽ നടത്തിയ ഒന്നാം സെമസ്റ്റർ എംബിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
2016 മേയിൽ നടത്തിയ വിദൂരവിദ്യാഭ്യാസം ഒന്ന്, രണ്ട് സെമസ്റ്റർ എംകോം പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂണ് ഏഴ് വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
തേർഡ് പ്രൊഫഷണൽ ബിഎഎംഎസ് സപ്ലിമെന്ററി ഓഗസ്റ്റ് 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
ജൂണ് ഒന്നിന് തുറക്കും
അഫിലിയേറ്റഡ് കോളജുകളും പഠനവകുപ്പുകളും സർവകലാശാലാ സെന്ററുകളും വേനൽ അവധി കഴിഞ്ഞ് ജൂണ് ഒന്നിന് തുറക്കും.
ബിഎസ് സി പ്രിന്റിംഗ് ടെക്നോളജി
വിദൂരവിദ്യാഭ്യാസം ബിഎസ്സി പ്രിന്റിംഗ് ടെക്നോളജി (201415 പ്രവേശനം) കോണ്ടാക്ട് ക്ലാസ് 28ന് രാവിലെ പത്ത് മുതൽ നടക്കും.