കേരള ആരോഗ്യശാസ്ത്ര സർവകലാശാല 2017 ഓഗസ്റ്റ് ഒന്നു മുതലാരംഭിക്കുന്ന സെക്കൻഡ് പ്രഫഷണൽ ബിഎസ്എംഎസ് ഡിഗ്രി (2010 സ്കീം) സപ്ലിമെന്ററി പരീക്ഷ, ഫൈനൽ ബിഎസ്എംഎസ് ഡിഗ്രി (2010 സ്കീം) സപ്ലിമെന്ററി പരീക്ഷ എന്നിവയ്ക്ക് ജൂലൈ അഞ്ചുമുതൽ 12 വരെ ഓണ്ലൈൻ രജിസ്ട്രേഷൻ നടത്താം. പേപ്പറൊന്നിനു 100 രൂപ ഫൈനോടുകൂടി ജൂലൈ 15 വരെയും, 300 രൂപ സൂപ്പർ ഫൈനോടുകൂടി ജൂലൈ 17 വരെയും ഓണ്ലൈൻ രജിസ്ട്രേഷൻ നടത്താം.
2017 ജൂലൈ 25 മുതലാരംഭിക്കുന്ന ഫൈനൽ ബിഡിഎസ് പാർട്ട് 2 സപ്ലിമെന്ററി പരീക്ഷയ്ക്ക് ജൂണ് 26 മുതൽ ജൂലൈ അഞ്ചുവരെ ഓണ്ലൈൻ ആയി രജിസ്റ്റർ ചെയ്യാം. പേപ്പറൊന്നിനു 100 രൂപ ഫൈനോടുകൂടി ജൂലൈ 7 വരെയും 300 രൂപ സൂപ്പർഫൈനോടുകൂടി ജൂലൈ 11 വരെയും ഓണ്ലൈൻ രജിസ്ട്രേഷൻ നടത്താം.
പരീക്ഷാ തീയതി
2017 ജൂലൈ 17 മുതലാരംഭിക്കുന്ന രണ്ടാം വർഷ ബിഫാം ഡിഗ്രി റെഗുലർ/സപ്ലിമെന്ററി (2012 & 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
2017 ജൂണ് 28 മുതലാരംഭിക്കുന്ന ഒന്നാം വർഷ ഫാം ഡി റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ, രണ്ടാം വർഷ ഫാം ഡി പോസ്റ്റ് ബാക്കുലറേറ്റ് റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ, മൂന്നാം വർഷ ഫാം ഡി റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ, അഞ്ചാം വർഷ ഫാം ഡി റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ എന്നിവ പ്രസിദ്ധീകരിച്ചു.
ജൂണ് 27 മുതലാരംഭിക്കുന്ന 2014 ബാച്ചിന്റെ പിഎച്ച്ഡി വൈവ പരീക്ഷാ ഷെഡ്യൂൾ പ്രസിദ്ധീകരിച്ചു.