ഭാഷാ സെമിനാർ പരന്പര സംഘടിപ്പിക്കും
കോഴിക്കോട്: സുവർണ ജൂബിലി ആഘോഷത്തിന്റെ ഭാഗമായി വ്യത്യസ്ത ഭാഷാ പഠനവകുപ്പുകളുടെ നേതൃത്വത്തിൽ ദേശീയഅന്തർദേശീയ സഹകരണത്തോടെ കാലിക്കട്ട് സർവകലാശാലാ പഠനവകുപ്പുകളിൽ സെമിനാർ പരന്പര സംഘടിപ്പിക്കുമെന്ന് വൈസ് ചാൻസലർ ഡോ. കെ. മുഹമ്മദ് ബഷീർ അറിയിച്ചു.
സംസ്കൃത പഠനവകുപ്പിലെ ഗവേഷകർ സംഘടിപ്പിച്ച പ്രഭാഷണ പരന്പര ഉദ്ഘാടനം ചെയ്യുകയായിരുന്നു അദ്ദേഹം. കാന്പസിലെ 35 പഠനവകുപ്പുകളുടെയും സഹകരണം ഉറപ്പാക്കുന്ന വിധത്തിൽ പരിപാടികൾ തയ്യാറാക്കുമെന്നും അദ്ദേഹം അറിയിച്ചു.
കുട്ടികൃഷ്ണ മാരാരും സംസ്കൃത സാഹിത്യവും എന്ന വിഷയത്തിൽ കേന്ദ്ര സാഹിത്യ അക്കാദമി ഉപദേശക സമിതി അംഗം ഡോ.അനിൽ വള്ളത്തോൾ പ്രഭാഷണം നടത്തി. സംസ്കൃത പഠനവകുപ്പ് മേധാവി ഡോ.എൻ.കെ.സുരന്ദരേശ്വരൻ അധ്യക്ഷനായിരുന്നു. ഭാഷാ വിഭാഗം ഡീൻ ഡോ.കെ.കെ ഗീതകുമാരി, ഹിന്ദി വകുപ്പ് മേധാവി ഡോ. പ്രമോദ് കൊവ്വപ്രത്ത്, ഡോ. കെ.കെ അബ്ദുൽ മജീദ് എന്നിവർ പ്രസംഗിച്ചു.