സേ പരീക്ഷ വിജയിച്ചവർക്ക് ബിരുദ പ്രവേശനത്തിന് ഓണ്ലൈൻ
പ്ലസ്ടു സേ പരീക്ഷ വിജയിച്ചവർക്ക് കാലിക്കട്ട് സർവകലാശാലയുടെ ബിരുദ പ്രവേശനത്തിന് ഇന്ന് മുതൽ മറ്റന്നാൾ വരെ ഓണ്ലൈൻ രജിസ്ട്രേഷൻ നടത്താം. ബിരുദപ്രവേശനത്തിന് ഓണ്ലൈൻ രജിസ്ട്രേഷൻ നടത്താത്തവർക്കും ഈ സൗകര്യം പ്രയോജനപ്പെടുത്താം. വെബ്സൈറ്റ് www.cuonline.ac.in
കവിസമ്മേളനം നാളെ
സർവകലാശാലാ മലയാള പഠന വിഭാഗത്തിന്റെയും കേന്ദ്ര സാഹിത്യ അക്കാഡമിയുടെയും സംയുക്താഭിമുഖ്യത്തിൽ നാളെ രണ്ടിന് പഠന വിഭാഗം ഹാളിൽ കവി സമ്മേളനം സംഘടിപ്പിക്കും. കവി മണന്പൂർ രാജൻബാബു ഉൽഘാടനം ചെയ്യും.
പരീക്ഷ മാറ്റി
14 മുതൽ നടത്താനിരുന്ന രണ്ടാം സെമസ്റ്റർ എംഎ, എംഎസ് സി, എംകോം, എംഎസ്ഡബ്ല്യു, എംഎൽഐഎസ് സി, എംസിജെ, എംടിടിഎം, എംബിഇ, എംടിഎച്ച്എം, റഗുലർ, സപ്ലിമെന്ററി, ഇംപ്രൂവ്മെന്റ്, സിയുസിഎസ്എസ് പരീക്ഷ 21 ലേക്ക് മാറ്റി.
പരീക്ഷാ അപേക്ഷ
മൂന്നാം സെമസ്റ്റർ (2015 പ്രവേശനം) ഡിപ്ലോമ ഇൻ ഹോട്ടൽ മാനേജ്മെന്റ് ആൻഡ് കളിനറി സയൻസ്, കാറ്ററിംഗ് സയൻസ് പരീക്ഷകൾക്ക് 12 വരെ അപേക്ഷിക്കാം. പ്രിന്റൗട്ട് ചെലാൻ സഹിതം 13 നകം പരീക്ഷാഭവനിൽ ലഭിക്കണം.
പ്രാക്ടിക്കൽ പരീക്ഷ
അഞ്ചാം സെമസ്റ്റർ ബിവോക് ഇൻ ഓട്ടോമൊബൈൽഓട്ടോ ഇലക്ട്രിക്കൽസ് ആൻഡ് ഇലക്ട്രോണിക്സ് പ്രാക്ടിക്കൽ പരീക്ഷ 14 ന് നടത്തും.
പരീക്ഷാ ഫലം
2016 സെപ്റ്റംബറിൽ നടത്തിയ ബിഎൽഐഎസ്സി സപ്ലിമെന്ററി പരീക്ഷാ ഫലം വെബ്സൈറ്റിൽ. പുനർമൂല്യ നിർണയത്തിന് 26 വരെ അപേക്ഷിക്കാം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ സംസ്കൃതം ഭാഷയും സാഹിത്യവും ജനറൽ, എംഎ സംസ്കൃതം സാഹിത്യം സിയുസിഎസ് എസ് പരീക്ഷാഫലം വെബ്സൈറ്റിൽ. പുനർമൂല്യ നിർണയത്തിന് 20 വരെ അപേക്ഷിക്കാം.
ഫലം പ്രസിദ്ധീകരിച്ച രണ്ടാം സെമസ്റ്റർ, ബിഎസ് സി, ബിസിഎ സിസിഎസ്എസ് സപ്ലിമെന്ററി, ഇംപ്രൂവ്മെന്റ് ഏപ്രിൽ 2016 പരീക്ഷയുടെ പുനർമൂല്യനിർണയത്തിന് 20 വരെ അപേക്ഷിക്കാം. 2012 മുതൽ പ്രവേശനം (എം, എൻ സീരീസ്) വിദ്യാർഥികൾ ഓണ്ലൈനിലും അതിന് മുന്പ് രജിസ്റ്റർ ചെയ്ത ജെ, കെ, എൽ സീരീസ് വിദ്യാർഥികൾ സാധാരണ ഫോമിലും അപേക്ഷിക്കണം. അപേക്ഷ ചെലാൻ സഹിതം 25 നകം പരീക്ഷാഭവനിൽ ലഭിക്കണം.
പിജി മൂല്യനിർണയ ക്യാന്പ്
ഒന്നാം സെമസ്റ്റർ എംഎ ഇംഗ്ലീഷ് സിയുസിഎസ്എസ് പരീക്ഷാ മൂല്യനിർണയ ക്യാന്പ് 12 മുതൽ ദേവഗിരി സെന്റ് ജോസഫ്സ് കോളജിലും(ഉത്തരമേഖല), പാലക്കാട് മേഴ്സി കോളജിൽ വെച്ചും (ദക്ഷിണ മേഖല) നടക്കും. പിജി ക്ലാസ്സുകളിൽ ഒരു വർഷത്തിൽ കൂടുതൽ അധ്യാപന പരിചയമുള്ളവർ പങ്കെടുക്കണം.