ഹെൽത്ത് സയൻസ് കോഴ്സുകളിൽ പ്രവേശനം: വിദ്യാർഥികൾ ഭരണകാര്യാലയത്തിലേക്ക് പ്രതിഷേധ മാർച്ച് നടത്തി
തേഞ്ഞിപ്പലം: കാലിക്കട്ട് സർവകലാശാല ഹെൽത്ത് സയൻസ് കോഴ്സുകളിലേക്ക് പ്രവേശന നടപടി തുടങ്ങണമെന്ന് ആവശ്യപ്പെട്ട് വിദ്യാർഥി സമരം. അസോസിയേഷൻ ഓഫ് മെഡിക്കൽ മൈക്രോബയോളജി ബയോകെമിസ്ട്രി സ്റ്റുഡന്‍റ്സ് ആൻഡ് ഗ്രാജ്വേറ്റ്സിന്‍റെ നേത്യത്വത്തിലാണ് സർവകലാശാല ഭരണകാര്യാലയത്തിലേക്ക് മാർച്ച് നടത്തിയത്.
എംജി, കാലിക്കട്ട്, കണ്ണൂർ, ആരോഗ്യസർവകലാശാല എന്നിവിടങ്ങളിലാണ് മെഡിക്കൽ ബയോകെമിസ്ട്രി, മൈക്രോബയോളജി എന്നീ സ്വാശ്രയ കോഴ്സുകളുള്ളത്.
അംഗീകാരമില്ലാതെ കാലിക്കട്ട് സർവകലാശാലയിൽ നടത്തുന്ന കോഴ്സുകൾ നിർത്തലാക്കുന്നതിനെക്കുറിച്ച് അധികൃതർ ആലോചിക്കുന്നതിനിടെയാണ് വിദ്യാർഥികൾ സമരവുമായി രംഗത്തെത്തിയത്. അസോസിയേഷൻ സംസ്ഥാന സെക്രട്ടറി ആർ.ആകാശ് സമരം ഉദ്ഘാടനം ചെയ്തു. വിപിൻ ദാസ് അധ്യക്ഷത വഹിച്ചു.
വിദ്യാർഥി പ്രതിനിധികൾ പ്രോ വൈസ് ചാൻസലർ ഡോ.പി. മോഹനുമായി ചർച്ച നടത്തിയെങ്കിലും തീരുമാനമായില്ല.
കാലിക്കട്ടിൽ ബാഡ്മിന്‍റണ്‍ അക്കാഡമി തുടങ്ങുന്നു
തേഞ്ഞിപ്പലം: കാലിക്കട്ട് സർവകലാശാല കാന്പസിൽ പൊതുജനങ്ങൾക്ക് കൂടി ഉപകാരപ്പെടും വിധം ബാഡ്മിന്‍റണ്‍ അക്കാദമി തുടങ്ങുന്നു. സർവകലാശാല സുവർണ ജൂബിലി ആഘോഷങ്ങളുടെ ഭാഗമായാണിത്.
എട്ട് മുതൽ 13 വരെ വയസായ കുട്ടികൾക്ക് ആഴ്ചയിൽ അഞ്ച് ദിവസം വൈകുന്നേരം 5.30 മുതൽ 8.30 വരെ പരിശീലനം നൽകുന്ന വിധത്തിലായിരിക്കും അക്കാഡമിയുടെ പ്രവർത്തനമെന്ന് കായിക വിഭാഗം മേധാവി ഡോ.വി.പി.സക്കീർ ഹുസൈൻ പറഞ്ഞു.
നവീകരിച്ച സിന്തറ്റിക് ഇൻഡോർ സ്റ്റേഡിയം, ജിംനേഷ്യം എന്നിവിടങ്ങളാണ് പരിശീലന വേദിയാകുക. സർവകലാശാല കോച്ചുമാർ പരിശീലനത്തിന് നേത്യത്വം നൽകും.
താത്പര്യമുള്ളവർ ഈ മാസം 20ന് മുന്പ് കായിക പഠനവിഭാഗത്തിൽ രജിസ്റ്റർ ചെയ്യണം. ചെറുപ്രായത്തിൽ തന്നെ കായിക രംഗത്തെ പ്രതിഭകളെ കണ്ടെത്തി അന്താരാഷ്‌ട്ര നിലവാരത്തിൽ ബാഡ്മിന്‍റണ്‍ താരങ്ങളെ വാർത്തെടുക്കാനാണ് ലക്ഷ്യമിടുന്നത്. വിശദവിവരങ്ങൾക്ക് ഫോണ്: 9847185293,