എൻജിനിയറിംഗ് കോളജിൽ ബിടെക് മെറിറ്റ് സീറ്റ് ഒഴിവ്
സർവകലാശാലാ എൻജിനിയറിംഗ് കോളജിൽ (സിയുഐഇടി) ബിടെകിന് എംഇ, ഇസിഇ, ഇഇഇ, ഐടി എന്നീ ബ്രാഞ്ചുകളിൽ ഒഴിവുള്ള മെറിറ്റ് സീറ്റുകളിലേക്ക് 14ന് സ്പോട്ട് അഡ്മിഷൻ നടത്തും. കെഇഎഎം 2017 റാങ്ക് ലിസ്റ്റിലുൾപ്പെട്ടവർ കെഇഎഎം പ്രോസ്പെക്ടസിൽ പറഞ്ഞ സർട്ടിഫിക്കറ്റുകളും ഫീസും സഹിതം ഉച്ചയ്ക്ക് 12നകം സിയുഐഇടിയിൽ ഹാജരാകണം. നിലവിൽ ഏതെങ്കിലും കോളജിൽ പ്രവേശനം നേടിയവർക്ക് ഒറിജിനൽ സർട്ടിഫിക്കറ്റ് സമർപ്പിക്കാനാകാത്ത പക്ഷം പഠിക്കുന്ന സ്ഥാപനത്തിൽ നിന്നുള്ള നോ ഒബ്ജക്ഷൻ സർട്ടിഫിക്കറ്റ് ഹാജരാക്കണം. പ്രവേശനം മെറിറ്റ് അടിസ്ഥാനത്തിൽ. വിവരങ്ങൾ: www.cuiet.info ഫോണ്: 0494 2400223.
ഓണം അവധി
അഫിലിയേറ്റഡ് കോളജുകളും പഠനവകുപ്പുകളും യൂണിവേഴ്സിറ്റി സെന്ററുകളും ഓണം അവധിക്ക് 31ന് വൈകുന്നേരം അടച്ച് സെപ്റ്റംബർ 11ന് രാവിലെ തുറക്കും.
സിഡിഎംആർപിയിൽ ഒഴിവുകൾ: അഭിമുഖം 16, 17 തിയതികളിൽ
സർവകലാശാലയുടെ സിഡിഎംആർപിയിൽ വിവിധ ഒഴിവുകളിലേക്ക് അപേക്ഷിച്ചവരുടെ ഷോർട്ട് ലിസ്റ്റ് പ്രസിദ്ധീകരിച്ചു. അഭിമുഖം 16, 17 തിയതികളിൽ സൈക്കോളജി പഠനവകുപ്പിൽ നടക്കും. ഷോർട്ട് ലിസ്റ്റും അഭിമുഖത്തിനുള്ള സമയവും സർവകലാശാലാ വെബ്സൈറ്റിൽ.
എംസിഎ അവസാന അലോട്ട്മെന്റ്
സർവകലാശാലാ കാന്പസിലേത് ഒഴികെയുള്ള മറ്റ് സിസിഎസ്ഐടി കേന്ദ്രങ്ങളിലേക്കുള്ള എംസിഎ രണ്ടാമത്തെയും അവസാനത്തെയും അലോട്ട്മെന്റ് 18ന് സർവകലാശാലാ സെമിനാർ കോംപ്ലക്സിൽ നടക്കും. റാങ്ക് ലിസ്റ്റിൽ ഉൾപ്പെട്ടവർ രാവിലെ 10.30ന് എല്ലാ രേഖകളും സഹിതം ഹാജരാകണം. പ്രവേശന നടപടികൾ 19ന് അവസാനിക്കും. വിവരങ്ങൾക്ക്: 0494 2407324.
പഠനവകുപ്പുകളിലെ പിജി പരീക്ഷകളിൽ മാറ്റം
സർവകലാശാലാ പഠനവകുപ്പുകളിലെ നാലാം സെമസ്റ്റർ എംഎ, എംഎസ് സി (സിസിഎസ്എസ്) റഗുലർ, സപ്ലിമെന്ററി പരീക്ഷാ തിയതികളിൽ മാറ്റം. 14ലെ എംഎ സോഷ്യോളജി എസ്ഒ4സി11 കറന്റ് ഡിബേറ്റ്സ് ഇൻ സോഷ്യൽ തിയറി പരീക്ഷ 25നും 16ലെ എംഎസ് സി അപ്ലൈഡ് സൈക്കോളജി പിഎസ് വൈ4സി13കറന്റ് ട്രെൻഡ്സ് ഇൻ സൈക്കോളജി പരീക്ഷ 29നും 16ലെ എംഎസ് സി കെമിസ്ട്രി എസിഎച്ച് 4ഇ09 കെമിസ്ട്രി ഓഫ് പോളിമേഴ്സ് പരീക്ഷ 18ന് നടക്കും. പുതുക്കിയ ടൈംടേബിൾ വെബ്സൈറ്റിൽ.
പെൻഷൻകാർ റേഷൻ കാർഡ് സമർപ്പിക്കണം
സർവകലാശാലാ സർവീസിൽ നിന്ന് വിരമിച്ചവർ പുതിയ റേഷൻ കാർഡോ പ്രസക്തമായ നാല് പേജുകളുടെ സ്വയം സാക്ഷ്യപ്പെടുത്തിയ പകർപ്പോ 20ന് മുന്പ് ഫിനാൻസ് ഓഫീസർക്ക് സമർപ്പിക്കണം. ഇതോടൊപ്പം പൂരിപ്പിച്ച് സമർപ്പിക്കേണ്ട പ്രസ്താവനയുടെ മാതൃക വെബ്സൈറ്റിലെ പെൻഷനേഴ്സ് സ്പോട്ടിൽ നൽകും.
ആറാം സെമസ്റ്റർ യുജി ഗ്രേഡ് കാർഡ്, പ്രൊവിഷണൽ സർട്ടിഫിക്കറ്റ്
ആറാം സെമസ്റ്റർ വിദൂരവിദ്യാഭ്യാസം ബികോം, ബിബിഎ, ബിഎ, ബിഎ അഫ്സൽഉൽഉലമ, ബിഎസ് സി മാത്സ്, ബിഎസ്സി കൗണ്സലിംഗ് സൈക്കോളജി പരീക്ഷയ്ക്ക് രജിസ്റ്റർ ചെയ്ത 2014 പ്രവേശനം (എഒ സീരീസ്) സിയുസിബിസിഎസ്എസ് വിദ്യാർഥികളുടെ കണ്സോളിഡേറ്റഡ് ഗ്രേഡ് കാർഡും പ്രൊവിഷണൽ സർട്ടിഫിക്കറ്റും ആറാം സെമസ്റ്റർ പരീക്ഷ എഴുതിയ കേന്ദ്രത്തിൽ നിന്ന് കൈപ്പറ്റണം. ഹാൾടിക്കറ്റും തിരിച്ചറിയൽ രേഖയും ഹാജരാക്കണം.
എംഎ ഫോക്ലോർ പ്രവേശനം: 18 വരെ അപേക്ഷിക്കാം
സ്കൂൾ ഓഫ് ഫോക്ലോർ സ്റ്റഡീസിൽ എംഎ ഫോക്ലോർ പ്രവേശന പരീക്ഷയ്ക്ക് അപേക്ഷ ക്ഷണിച്ചു. 18 വരെ www.cuonline.ac.in വെബ്സൈറ്റിലൂടെ ഓാണ്ലൈനായി അപേക്ഷിക്കാം. സർട്ടിഫിക്കറ്റുകളുടെ പകർപ്പ് പ്രിന്റൗട്ട് സഹിതം പഠനവകുപ്പിൽ സമർപ്പിക്കണം. പ്രവേശന പരീക്ഷ 21ന്. വിവരങ്ങൾക്ക്: 0494 2407257, 2407514.
എംബിഎ വൈവാ വോസി
നാലാം സെമസ്റ്റർ എംബിഎ ഈവനിംഗ് (സിയുസിഎസ്എസ്) വൈവാ വോസി 29ന് അരണാട്ടുകര ജോണ് മത്തായി സെന്ററിലെ സ്കൂൾ ഓഫ് മാനേജ്മെന്റ് സ്റ്റഡീസിൽ നടക്കും.
പരീക്ഷാഫലം
2016 ഡിസംബറിൽ നടത്തിയ മൂന്നാം സെമസ്റ്റർ ബിഎഡ് പരീക്ഷാഫലം വെബ്സൈറ്റിൽ.
എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ് സി കംപ്യൂട്ടർ സയൻസ്, ബിസിഎ (സിയുസിബിസിഎസ്എസ്, സിസിഎസ്എസ്) ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് മലപ്പുറം ജില്ലയിലെ കോളജുകളിലെ അധ്യാപകർ 14ന് ടാഗോർ നികേതനിലും തൃശൂർ ജില്ലയിലെ അധ്യാപകർ 16ന് പുതുക്കാട് പ്രജ്യോതി നികേതൻ കോളജിലും പാലക്കാട് ജില്ലയിലെ അധ്യാപകർ 14ന് ഒറ്റപ്പാലം എൻഎസ്എസ് കോളജിലും രാവിലെ പത്തിന് ഹാജരാകണം.
നാലാം സെമസ്റ്റർ ബിഎസ് സി ഇലക്ട്രോണിക്സ് (സിയുസിബിസിഎസ്എസ്, സിസിഎസ്എസ്) ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് തൃശൂർ ജില്ലയിലെ അധ്യാപകർ 14ന് പുതുക്കാട് പ്രജ്യോതി നികേതൻ കോളജിലും പാലക്കാട് ജില്ലയിലെ അധ്യാപകർ 16ന് ചിറ്റൂർ ഗവ. കോളജിലും രാവിലെ പത്തിന് ഹാജരാകണം.
ബിവോക് എംഎൽടി ഇന്റേണൽ മാർക്ക്
രണ്ടാം സെമസ്റ്റർ ബിവോക് മെഡിക്കൽ ലബോറട്ടറി ടെക്നോളജി (2014 പ്രവേശനം) റഗുലർ പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള ലിങ്ക് 14 മുതൽ 29 വരെ ലഭ്യമാവും.
ബികോം സ്പെഷലൈസേഷൻ അപേക്ഷ
വിദൂരവിദ്യാഭ്യാസം വഴി ബികോം സ്പെഷലൈസേഷന് അപേക്ഷിക്കുന്നവർ 2008 പ്രവേശനത്തിന് മുന്പായി പഠനം പൂർത്തിയായവരാണെങ്കിൽ (ന്യൂമെറിക്കൽ നന്പർ) എസ്ഡിഇ സൈറ്റിൽ നിന്ന് ഫോം ഡൗണ്ലോഡ് ചെയ്ത് അപേക്ഷിക്കണം. ഓണ്ലൈൻ രജിസ്ട്രേഷൻ സൗകര്യം ഉണ്ടായിരിക്കുന്നതല്ല. വിവരങ്ങൾ വെബ്സൈറ്റിൽ. ഫോണ്: 0494 2407356, 2400288.
വിരമിച്ച ജീവനക്കാർക്ക് നിയമനം
സർവകലാശാലയിൽ നിന്ന് വിരമിച്ച സെക്ഷൻ ഓഫീസർ റാങ്കിൽ കുറയാത്ത ജീവനക്കാരെ കുറ്റിപ്പുറത്ത് നടത്തുന്ന ക്യാന്പിൽ റീവാല്വേഷൻ ഓഫീസർ ഇൻചാർജായി താത്കാലികമായി നിയമിക്കുന്നതിന് അപേക്ഷ ക്ഷണിച്ചു. അപേക്ഷ 21ന് വൈകുന്നേരം അഞ്ചിനകം പരീക്ഷാ കണ്ട്രോളർക്ക് ലഭിക്കണം.