എംഎസ് സി കംപ്യൂട്ടർ സയൻസ്: എസ്സി, എസ്ടി സീറ്റ് ഒഴിവ്
കാലിക്കട്ട് സർവകലാശാലാ പഠനവകുപ്പ്, സർവകലാശാലയ്ക്ക് കീഴിലെ വിവിധ സ്വാശ്രയ കേന്ദ്രങ്ങൾ, അഫിലിയേറ്റഡ് കോളജുകൾ എന്നിവയിൽ എംഎസ് സി കംപ്യൂട്ടർ സയൻസിനു എസ് സി, എസ്ടി വിഭാഗത്തിൽ സീറ്റുകൾ ഒഴിവുണ്ട്. റാങ്ക് ലിസ്റ്റിൽ ഉൾപ്പെട്ട എസ് സി, എസ്ടി വിദ്യാർഥികൾ നാളെ രാവിലെ 10.30ന് സർവകലാശാലാ ടാഗോർ നികേതനിലെ ഡയറക്ടറേറ്റ് ഓഫ് അഡ്മിഷനിൽ രേഖകൾ സഹിതം ഹാജരാവണം. വിവരങ്ങൾ വെബ്സൈറ്റിൽ.
പരീക്ഷ
കാലിക്കട്ട് സർവകലാശാല രണ്ടാം വർഷ അഫ്സൽഉൽഉലമ പ്രിലിമിനറി (2005, 2008 പ്രവേശനം) സപ്ലിമെന്ററി, ഇംപ്രൂവ്മെന്റ് പരീക്ഷ സെപ്റ്റംബർ 27ന് ആരംഭിക്കും.
കാലിക്കട്ട് സർവകലാശാല ബിടിഎ (സിയുസിബിസിഎസ്എസ്) ഒന്നാം സെമസ്റ്റർ 2015 പ്രവേശനം (നവംബർ 2015), ഒന്നാം സെമസ്റ്റർ 2016 പ്രവേശനം (നവംബർ 2016) റഗുലർ പരീക്ഷ സെപ്റ്റംബർ 14ന് ആരംഭിക്കും.
കാലിക്കട്ട് സർവകലാശാല നാലാം സെമസ്റ്റർ എംഎസ് സി ഫുഡ് സയൻസ് ആൻഡ് ടെക്നോളജി റഗുലർ പരീക്ഷ 29ന് ആരംഭിക്കും.
പരീക്ഷാഫലം
കാലിക്കട്ട് സർവകലാശാല ജനുവരിയിൽ നടത്തിയ രണ്ടാം സെമസ്റ്റർ എംഫിൽ സൈക്കോളജി പരീക്ഷാഫലം വെബ്സൈറ്റിൽ.
മൂല്യനിർണയ ക്യാന്പ്
കാലിക്കട്ട് സർവകലാശാല മൂന്നാം സെമസ്റ്റർ ബികോം, ബികോം (ഓണേഴ്സ്)/ബികോം വൊക്കേഷണൽ, ബിബിഎ, ബിടിഎച്ച്എം, ബിഎച്ച്എ (സിയുസിബിസിഎസ്എസ്) നവംബർ 2016 പരീക്ഷയുടെ മൂല്യനിർണയ ക്യാന്പ് താഴെ കൊടുത്ത കോളജുകളിൽ ഇന്നുതുടങ്ങും.കോമേഴ്സ് അധ്യാപകർ പങ്കെടുക്കണം. ബികോംബിബിഎ തൃശൂർ (തൃശൂർ ഗവണ്മെന്റ് കോളജ്), പാലക്കാട് (പട്ടാന്പി എസ്എൻജിഎസ് കോളജ്, പാലക്കാട് ഗവ. വിക്ടോറിയ കോളജ്), കോഴിക്കോട് (മീഞ്ചന്ത ഗവണ്മെന്റ് ആർട്സ് ആൻഡ് സയൻസ് കോളജ്, വടകരമടപ്പള്ളി ഗവണ്മെന്റ് കോളജ്), മലപ്പുറം (മലപ്പുറം ഗവണ്മെന്റ് കോളജ്, തിരൂരങ്ങാടി പിഎസ്എംഒ കോളജ്), വയനാട് (കൽപ്പറ്റ എൻഎംഎസ്എം ഗവ. കോളജ്). ബിടിഎച്ച്എംബിഎച്ച്എ നിലന്പൂർ അമൽ കോളജ് ഓഫ് അഡ്വാൻസ്ഡ് സ്റ്റഡീസ്. വിവരങ്ങൾ വെബ്സൈറ്റിൽ.
പിജി ഡെസർട്ടേഷൻ
കാലിക്കട്ട് സർവകലാശാല വിദൂരവിദ്യാഭ്യാസം എംഎ മലയാളം (2016 പ്രവേശനം) ഒന്നാം വർഷ പരീക്ഷയുടെ ഭാഗമായ ഡെസർട്ടേഷൻ സമർപ്പിക്കാനുള്ള അവസാന തിയതി 31 വരെ നീട്ടി.
കാലിക്കട്ട് സർവകലാശാല നാലാം സെമസ്റ്റർ
എംഎ, എംഎസ് സി, എംകോം, എംഎസ്ഡബ്ല്യൂ, എംഎൽഐഎസ് സി, എംസിജെ, എംഎടിടിഎം. എംടിഎച്ച്എം (സിയുസിഎസ്എസ്) ജൂണ് 2017 പരീക്ഷയുടെ ഡെസർട്ടേഷൻ സമർപ്പിക്കുന്നതിനുള്ള അവസാന തിയതി 29 വരെ നീട്ടി. എംഎ ഇംഗ്ലീഷ്, എംഎ ഇക്കണോമിക്സ്, എംഎസ് സി മാത്തമാറ്റിക്സ് ഡെസർട്ടേഷൻ 31നകം സമർപ്പിക്കണം.
അറബി വിഭാഗം പൂർവവിദ്യാർഥി സംഗമം
കാലിക്കട്ട് സർവകലാശാലാ സുവർണ്ണ ജൂബിലി ആഘോഷങ്ങളുടെ ഭാഗമായി ഒക്ടോബർ എട്ടിന് അറബി പഠനവിഭാഗം പൂർവവിദ്യാർഥി സംഘടന സന്പൂർണ്ണ സമ്മേളനം സംഘടിപ്പിക്കുന്നു. സംഘാടക സമിതി യോഗം ചേർന്ന് ഡോ.കെ. അലി നൗഫൽ (ജനറൽ കണ്വീനർ), ഡോ. മുഹമ്മദ് ഹനീഫ (ജോയിന്റ് കണ്വീനർ), ഡോ.കെ.പി. അബ്ബാസ് (ഫിനാൻസ് കണ്വീനർ) എന്നിവരടങ്ങുന്ന അഡ്ഹോക് കമ്മിറ്റി രൂപീകരിച്ചു. പഠനവുകുപ്പ് മേധാവി ഡോ.എ.ബി. മൊയ്തീൻകുട്ടി അധ്യക്ഷത വഹിച്ചു. ഡോ.ഇ. അബ്ദുൽ മജീദ് പങ്കെടുത്തു. വിവരങ്ങൾക്കും രജിസ്ട്രേഷനും ഫോൺ: 9446729866, 9846532274.