നാല് ആയുർവേദ കോളേജുകളിൽ പുതിയ പി ജി കോഴ്സുകൾ അനുവദിച്ചു
സംസ്ഥാനത്തെ നാല് ആയുർവേദ കോളേജുകളിൽ പുതുതായി രണ്ടു ബിരുദാനന്തര ബിരുദ കോഴ്സുകൾ വീതം മൊത്തം മുപ്പതു സീറ്റുകൾ ആരംഭിക്കുന്നതിനു കേരള ആരോഗ്യ ശാസ്ത്ര സർവകലാശാല അനുമതി നൽകി.
തൃപ്പുണിത്തുറ ഗവൺമെന്‍റ് ആയുർവേദ കോളേജിൽ പ്രസൂതിതന്ത്രം, കായചികിത്സാ വിഭാഗങ്ങളിൽ നാലു സീറ്റു വീതവും, കോട്ടക്കൽ വൈദ്യരത്നം പി.എസ്. വാരിയർ ആയുർവേദ കോളേജിൽ ശല്ല്യതന്ത്രം, ബേസിക് പ്രിൻസിപ്പൽ വിഭാഗങ്ങളിൽ മൂന്നു സീറ്റുവീതവും, പുത്തൂർ ശ്രീ നാരായണ ഇൻസ്റ്റിറ്റ്യൂട്ട് ഓഫ് ആയുർവേദിക് സ്റ്റഡീസ് ആൻഡ് റിസർച്ചിൽ കായചികിത്സാ, ശല്ല്യതന്ത്രം വിഭാഗങ്ങളിൽ അഞ്ചു സീറ്റുവീതവും, ഷൊര്ണൂർ പി.എൻ.എൻ.എം ആയുർവേദ മെഡിക്കൽ കോളേജിലെ പ്രസൂതിതന്ത്രം, കായചികിത്സാ വിഭാഗങ്ങളിൽ മൂന്നു സീറ്റുവീതവും ആരംഭിക്കുന്നതിനാണു സെൻട്രൽ കൗണ്‍സിൽ ഓഫ് ഇന്ത്യൻ മെഡിസിന്‍റെ അംഗീകാരത്തോടെ ആരോഗ്യ സർവകലാശാല അനുമതി നൽകിയത്.
രണ്ടാം വർഷ ഫാം ഡി പോസ്റ്റ് ബാക്കുലറേറ്റ് ഡിഗ്രി സപ്ലിമെന്‍ററി പരീക്ഷാ അപേക്ഷ
ഡിസംബർ 11 മുതലാരംഭിക്കുന്ന രണ്ടാം വർഷ ഫാം ഡി പോസ്റ്റ് ബാക്കുലറേറ്റ് ഡിഗ്രി സപ്ലിമെന്‍ററി പരീക്ഷയ്ക്കു നവംബർ 13 മുതൽ 20 വരെ ഓണ്‍ലൈനായി രജിസ്റ്റർ ചെയ്യാം. പേപ്പറൊന്നിനു 100 രൂപ ഫൈനോടുകൂടി നവംബർ 21 വരേയും, 300 രൂപ സൂപ്പർ ഫൈനോടുകൂടി നവംബർ 22 വരേയും രജിസ്ട്രേഷൻ നടത്താം.
മൂന്നാം വർഷ ഫാം ഡി ഡിഗ്രി സപ്ലിമെന്‍ററി പരീക്ഷാ അപേക്ഷ
ഡിസംബർ എട്ടു മുതലാരംഭിക്കുന്ന മൂന്നാം വർഷ ഫാം ഡി ഡിഗ്രി സപ്ലിമെന്‍ററി പരീക്ഷയ്ക്കു നവംബർ 8 മുതൽ 18 വരെ ഓണ്‍ലൈനായി രജിസ്റ്റർ ചെയ്യാം. പേപ്പറൊന്നിനു 100 രൂപ ഫൈനോടുകൂടി നവംബർ 20 വരേയും, 300 രൂപ സൂപ്പർഫൈനോടുകൂടി നവംബർ 21 വരേയും രജിസ്ട്രേഷൻ നടത്താം.
ഒന്നാം വർഷ എം എസ് സ് സി നഴ്സിംഗ് ഡിഗ്രി റെഗുലർ/സപ്ലിമെന്‍ററി പ്രാക്ടിക്കൽ പരീക്ഷാ തിയതി
നവംബർ 14 മുതലാരംഭിക്കുന്ന ഒന്നാം വർഷ എംഎസ്സി നഴ്സിംഗ് ഡിഗ്രി റെഗുലർ/സപ്ലിമെന്‍ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.