അഞ്ചാം സെമസ്റ്റർ ബികോം, ബിബിഎ (സിയുസിബിസിഎസ്എസ്) 2016 റഗുലർ പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
എൽഎൽബി പരീക്ഷാ അപേക്ഷ: തിയതി നീട്ടി ബിബിഎഎൽഎൽബി, എൽഎൽബി യൂണിറ്ററി ഡിഗ്രി, എൽഎൽബി (പഞ്ചവത്സരം, ത്രിവത്സരം, 2008 സ്കീം) റഗുലർ, സപ്ലിമെന്ററി പരീക്ഷയ്ക്ക് അപേക്ഷിക്കാനുള്ള തിയതി പിഴകൂടാതെ നവംബർ എഴ് വരെയും 150 രൂപ പിഴയോടെ നവംബർ ഒന്പത് വരെയും നീട്ടി.
ദേശീയ പുനരർപ്പണ പ്രതിജ്ഞയെടുത്തു തേഞ്ഞിപ്പലം: മുൻ പ്രധാനമന്ത്രി ഇന്ദിരാഗാന്ധിയുടെ ചരമവാർഷികദിനമായ ഇന്നലെ കാലിക്കട്ട് സർവകലാശാലാ ജീവനക്കാർ ദേശീയ പുനരർപ്പണ പ്രതിജ്ഞയെടുത്തു. പ്രോവൈസ് ചാൻസലർ ഡോ. പി. മോഹൻ പ്രതിജ്ഞ ചൊല്ലിക്കൊടുത്തു. രജിസ്ട്രാർ ഡോ. ടി.എ. അബ്ദുൾ മജീദ്, പരീക്ഷാ കണ്ട്രോളർ ഡോ.വി.വി. ജോർജുകുട്ടി തുടങ്ങിയവർ പങ്കെടുത്തു.
പൊളിറ്റിക്കൽ സയൻസ് ദേശീയ സെമിനാർ തേഞ്ഞിപ്പലം: കാലിക്കട്ട് സർവകലാശാലാ പൊളിറ്റിക്കൽ സയൻസ് പഠനവകുപ്പിന്റെ ആഭിമുഖ്യത്തിൽ സമകാലിക കേരളം: ഒരു പുനർവിചിന്തനംരാഷ്ട്രീയം, സാന്പത്തികം, സാമൂഹികം എന്ന വിഷയത്തിൽ ദേശീയ സെമിനാർ സംഘടിപ്പിച്ചു.
കാസർഗോഡ് കേന്ദ്ര സർവകലാശാലാ വൈസ് ചാൻസലർ പ്രഫ. ജി. ഗോപകുമാർ ഉദ്ഘാടനം ചെയ്തു. കാലിക്കട്ട് സർവകലാശാലാ പ്രോവൈസ് ചാൻസലർ ഡോ.പി. മോഹൻ അധ്യക്ഷത വഹിച്ചു. ഡോ.എ. മാഹീൻ, ഡോ. സോൾവിൻ, സി.പ്രീജിത്ത് എന്നിവർ പ്രസംഗിച്ചു.
ഇന്റർ കൊളീജിയറ്റ് ഗാന്ധി ക്വിസ് മത്സരം തേഞ്ഞിപ്പലം: കാലിക്കട്ട് സർവകലാശാലാ ചെയർ ഫോർ ഗാന്ധിയൻ സ്റ്റഡീസ് ആൻഡ് റിസർച്ചിന്റെ ആഭിമുഖ്യത്തിൽ "ഗാന്ധിജി: ജീവിതം, ദർശനം, കാലം’ എന്ന വിഷയത്തിൽ 18ന് ഇന്റർ കൊളീജിയറ്റ് ക്വിസ് മത്സരം സംഘടിപ്പിക്കുന്നു.
രാവിലെ 10ന് സർവകലാശാലാ കാന്പസിലെ ടാഗോർ നികേതൻ ഹാളിലാണ് മത്സരം. കാലിക്കട്ട് സർവകലാശാലയ്ക്ക് കീഴിലെ കോളജുകൾക്കും പഠനവകുപ്പുകൾക്കും പങ്കെടുക്കാം. ഒരു കോളജിൽ നിന്ന് രണ്ട് വിദ്യാർഥികളടങ്ങുന്ന ഒന്നിൽ കൂടുതൽ ടീമുകൾ ആവാം. പ്രഥമ റൗണ്ട് മത്സരം എഴുത്ത് പരീക്ഷയായിരിക്കും. ഇതിൽ കൂടുതൽ മാർക്ക് നേടുന്ന പത്ത് ടീമുകൾക്ക് ഫൈനൽ റൗണ്ടിൽ പങ്കെടുക്കാം. ഒന്ന്, രണ്ട്, മൂന്ന് സ്ഥാനങ്ങൾ നേടുന്ന ടീമുകൾക്ക് യഥാക്രമം 10,000, 7,500, 5,000 രൂപയുടെ കാഷ് അവാർഡും ട്രോഫിയും നൽകും. ഫൈനൽ റൗണ്ടിൽ മത്സരിക്കുന്ന എല്ലാ ടീമുകൾക്കും സർട്ടിഫിക്കറ്റുകൾ നൽകും. കോളജ് പ്രിൻസിപ്പലിന്റെ സാക്ഷ്യപത്രത്തോടൊപ്പം പത്തിനകം ഫോണ് : 0494 2400350, ഇമെയിൽ
[email protected] വഴി രജിസ്റ്റർ ചെയ്യണം.
മലയാള ഭാഷാ ദിനാഘോഷം സർവകലാശാലയിൽ തേഞ്ഞിപ്പലം: കാലിക്കട്ട് സർവകലാശാലാ കാന്പസ് സെമിനാർ കോംപ്ലക്സിൽ മലയാള ഭാഷാ ദിനാഘോഷങ്ങൾ ഒന്നിന് രാവിലെ പത്തിന് ആരംഭിക്കും. സാഹിത്യകാരൻ കല്പറ്റ നാരായണൻ, ഗായകൻ വി.ടി. മുരളി എന്നിവരുടെ പ്രഭാഷണങ്ങൾ, മാതൃഭാഷാ പ്രതിജ്ഞ, ഭാഷാഭിവാദ്യം, കാന്പസ് ഗായകസംഘം അവതരിപ്പിക്കുന്ന മലയാളഗാന സ്മൃതി തുടങ്ങിയവയാണ് പരിപാടികൾ. പ്രോവൈസ് ചാൻസലർ ഡോ.പി. മോഹൻ ഉദ്ഘാടനം നിർവഹിക്കും.