ഹിന്ദി പാർട്ട്ടൈം കോഴ്സുകൾക്ക് അപേക്ഷ ക്ഷണിച്ചു
സർവകലാശാലാ കാന്പസിലെ ഹിന്ദി പഠനവകുപ്പിൽ നടത്തുന്ന സർട്ടിഫിക്കറ്റ് കോഴ്സ് ഇൻ കൊമേഴ്സ്യൽ ആൻഡ് സ്പോക്കണ് ഹിന്ദി, പിജി ഡിപ്ലോമ ഇൻ ട്രാൻസ്ലേഷൻ എന്നീ പാർട്ട്ടൈം കോഴ്സുകൾക്ക് അപേക്ഷ ക്ഷണിച്ചു. വെബ്സൈറ്റിൽ നിന്ന് ഡൗണ്ലോഡ് ചെയ്ത് പൂരിപ്പിച്ച അപേക്ഷ, നൂറ് രൂപ ചലാൻ, യോഗ്യതാ സർട്ടിഫിക്കറ്റുകൾ സഹിതം ദി ഹെഡ്, ഡിപ്പാർട്ടുമെന്റ് ഓഫ് ഹിന്ദി, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി കാന്പസ്, 673 635 എന്ന വിലാസത്തിൽ 30ന് അഞ്ചിനകം ലഭിക്കണം. ഫോണ് : 0494 2407252, 2407016.
പിജി രണ്ടാം വർഷ പുനഃപ്രവേശനം
പ്രൈവറ്റ് രജിസ്ട്രേഷൻ രണ്ടാം വർഷ എംഎ/എംഎസ്സി മാത്സ്/എംകോം കോഴ്സുകൾക്ക് പുനഃപ്രവേശനത്തിന് തിയതി നീട്ടി. ഒന്നാം വർഷ പരീക്ഷയ്ക്ക് രജിസ്റ്റർ ചെയ്ത് (2013 മുതൽ പ്രവേശനം) തുടർ പഠനം നടത്താനാവാത്തവർക്ക് രണ്ടാം വർഷത്തിൽ ചേർന്ന് പ്രൈവറ്റ് രജിസ്ട്രേഷൻ വഴി കോഴ്സ് പൂർത്തിയാക്കാം. അപേക്ഷ 500 രൂപ പിഴയോടെ ഡിസംബർ എട്ട് വരെ സ്വീകരിക്കും. എംഎ പൊളിറ്റിക്കൽ സയൻസിന് പുനഃപ്രവേശനത്തിന് അർഹത ഉണ്ടായിരിക്കുന്നതല്ല. എംകോം, എംഎ മലയാളം എന്നിവയ്ക്ക് 2015 വർഷത്തിൽ പ്രവേശനം എടുത്തവർക്കേ പുനഃപ്രവേശനത്തിന് അർഹതയുള്ളൂ.
പൂരിപ്പിച്ച അപേക്ഷ, ചലാൻ, ടിസി, അവസാന പരീക്ഷയുടെ ഹാൾടിക്കറ്റ്, മാർക്ക് ലിസ്റ്റിന്റെ അറ്റസ്റ്റഡ് കോപ്പി, മേൽവിലാസം എഴുതിയ കവർ സഹിതം എസ്ഡിഇയിൽ ലഭിക്കേണ്ട അവസാന തിയതി ഡിസംബർ 13. വിവരങ്ങൾ വെബ്സൈറ്റിൽ. ഫോണ് : 0494 2407356,
പരീക്ഷാഫലങ്ങൾ
രണ്ടാം സെമസ്റ്റർ എംഎ ഹിന്ദി, എംഎ ഫംഗ്ഷണൽ ഹിന്ദി (സിസിഎസ്എസ്) (ജൂണ് 2017) പരീക്ഷയുടെയും, ഫൈനൽ എംഎ ഹിന്ദി റഗുലർ/സപ്ലിമെന്ററി/ഇംപ്രൂവ്മെന്റ് (നോണ് സെമസ്റ്റർ) (ഏപ്രിൽ 2017) പരീക്ഷയുടെയും ഫലങ്ങൾ വെബ്സൈറ്റിൽ. ഫൈനൽ എംഎ ഹിന്ദി പുനർമൂല്യനിർണയത്തിന് ഡിസംബർ ഒന്ന് വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംഎ സോഷ്യോളജി (സിയുസിഎസ്എസ്) റഗുലർ/സപ്ലിമെന്ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഡിസംബർ നാല് വരെ അപേക്ഷിക്കാം.
ട്രെയ്ൻ ദി ബ്രെയിൻ: 26ന് സെമിനാർ
ഇസ്ലാമിക് ചെയറിന്റെ ആഭിമുഖ്യത്തിൽ 26ന് ട്രെയ്ൻ ദി ബ്രെയിൻ (ബുദ്ധിപരിശീലനത്തിലൂടെ വ്യക്തിത്വ വികാസം) എന്ന വിഷയത്തിൽ സെമിനാർ സംഘടിപ്പിക്കുന്നു. ഫോണ് . 9746904678.
ബിഎസ്സി/ബിസിഎ മൂല്യനിർണയ ക്യാന്പ്
ഒന്നും നാലും സെമസ്റ്റർ ബിഎസ്സി/ബിസിഎ (സിയുസിബിസിഎസ്എസ്) നവംബർ 2016/ഏപ്രിൽ 2017 പരീക്ഷകളുടെ മൂല്യനിർണയ ക്യാന്പ് 27 മുതൽ 30 വരെ വിവിധ കേന്ദ്രങ്ങളിൽ നടക്കും. അധ്യാപകർ നിർബന്ധമായും ക്യാന്പിൽ പങ്കെടുക്കണം. വിവരങ്ങൾ വെബ്സൈറ്റിൽ.