മൂന്നാം സെമസ്റ്റര് എസ്ഡിഇ-യുജി ഹാള്ടിക്കറ്റ്
വിദൂരവിദ്യാഭ്യാസം 20ന് ആരംഭിക്കുന്ന മൂന്നാം സെമസ്റ്റര് ബിഎ, ബിഎസ്സി, ബിഎംഎംസി, ബിഎ അഫ്സല് ഉല്ഉലമ (സിയുസിബി.സിഎസ്എസ്) നവംബര് 2017 പരീക്ഷകളുടെ ഹാള്ടിക്കറ്റ് വെബ്സൈറ്റില് .
പരീക്ഷാഫലം
2017 ഡിസംബറില് നടത്തിയ ആറാം സെമസ്റ്റര് എംസിഎ പരീക്ഷാഫലം പ്രസിദ്ധീകരിച്ചു. മാര്ക്ക് ലിസ്റ്റും പ്രൊവിഷണല് സര്ട്ടിഫിക്കറ്റും കോളജ്/കേന്ദ്രത്തില് നിന്ന് 20ന് ശേഷം വിതരണം ചെയ്യും.
പുനര്മൂല്യനിര്ണയ ഫലം
ഒന്നാം സെമസ്റ്റര് എംബിഎ റഗുലര് , ഈവനിംഗ് ഡിസംബര് 2016 പരീക്ഷകളുടെ പുനര്മൂല്യനിര്ണയ ഫലം വെബ്സൈറ്റില് . ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.
അഞ്ചാം സെമസ്റ്റര് എംസിഎ റഗുലര് , ഈവനിംഗ് ഏപ്രില് 2017 പരീക്ഷകളുടെ പുനര്മൂല്യനിര്ണയ ഫലം വെബ്സൈറ്റില് . ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.
വിദൂര വിദ്യാഭ്യാസ വിഭാഗം ബിരുദം അപേക്ഷ
വിദൂര വിദ്യാഭ്യാസ വിഭാഗം നടത്തുന്ന വിവിധ ബിരുദ പ്രോഗ്രാമുകളിലേക്ക് പ്രവേശനത്തിന് ആയിരം രൂപ സൂപ്പര്ഫൈനോടെ 16 വരെ ഓണ്ലൈനില് അപേക്ഷിക്കാം.18 നകം സമര്പ്പിക്കണം. വിവരങ്ങള് വെബ്സൈറ്റില് .
പ്രൊഫ.എന്.വി.പി.ഉണിത്തിരി എന്ഡോവ്മെന്റും ഓറിയന്റല് കോണ്ഫറന്സും
തേഞ്ഞിപ്പലം: കാലിക്കട്ട് സര്വകലാശാല സംസ്കൃത പഠനവിഭാഗത്തിന്റെ ആഭിമുഖ്യത്തില് നടത്തുന്ന പ്രഫ.എന്.വി.പി.ഉണിത്തിരി എന്ഡോവ്മെന്റ ഓറിയന്റല് കോണ്ഫറന്സ് വൈസ് ചാന്സലര് ഡോ.കെ. മുഹമ്മദ് ബഷീര് ഉദ്ഘാടനം ചെയ്തു. ഡോ.എന് .കെ.സുന്ദരേശ്വരന് അധ്യക്ഷനായിരുന്നു. വിഷ്ണുനാരായണന് നമ്പൂതിരിയുടെ സംസ്കൃത കവിതാ സമാഹാരം 'സുകൃത' ത്തിന്റെ പ്രകാശനം ചടങ്ങില് കേരള സാഹിത്യ അക്കാദമി വൈസ് പ്രസിഡന്റ് ഡോ.ഖദീജ മുംതാസ് നിര്വഹിച്ചു.
പ്രഫ.പി.സി വാസുദേവന് ഇളയത്, പണ്ഡിതര് ഇ.വി.രാമന് നമ്പൂതിരി, വി.കെ നാരായണഭട്ടതിരി, പ്രഫ.എം.എസ് മേനോന്, വാഗ്ഭടാനന്ദന് , പ്രഫ.കെ.കുഞ്ചുണ്ണിരാജ, വൈക്കം മുഹമ്മദ് ബഷീര് , ലളിതാംബിക അന്തർജനം, പ്രഫ.കെ.വി.ശര്മ്മ തുടങ്ങിയവരുടെ സ്മരണാര്ത്ഥം മികച്ച പ്രബന്ധങ്ങള്ക്ക് ഏര്പ്പെടുത്തിയ എന്ഡോവ്മെന്റ് സമ്മാനങ്ങളും വിതരണം ചെയ്തു. അക്കഡേമിക് സെഷനുകളില് ഡോ.കെ.എ.രവീന്ദ്രന്, പ്രഫ.പി.നാരായണന് നമ്പൂതിരി, ഡോ.കെ.എം.അനില് . ഡോ.ഇ.ജയന് തുടങ്ങിയവര് പങ്കെടുത്തു. ഇന്ന് സമാപിക്കും.
സെമിനാര് സമാപിച്ചു
തേഞ്ഞിപ്പലം: റഷ്യന് വിപ്ലവ ശതാബ്ദി ആഘോഷങ്ങളോടനുബന്ധിച്ച് കാലിക്കട്ട് സര്വകലാശാലാ റഷ്യന് ആന്ഡ് താരതമ്യ സാഹിത്യ പഠനവിഭാഗം സംഘടിപ്പിച്ച ത്രിദിന ദേശീയ സെമിനാറിന്റെ സമാപന സമ്മേളനം വൈസ് ചാന്സലര് ഡോ.കെ.മുഹമ്മദ് ബഷീര് ഉദ്ഘാടനം ചെയ്തു.
പഠന വകുപ്പ് തയാറാക്കിയ അന്താരാഷ്ട്ര ജേണലിന്റ പ്രകാശനവും വൈസ് ചാന്സലര് നിര്വഹിച്ചു. ചടങ്ങില് പഠന വകുപ്പ് മേധാവി ഡോ.വി.കെ.സുബ്രഹ്മണ്യന് , ഡോ.കെ.കെ.ഗീതാകുമാരി, എം.വി.സക്കറിയ, ഡോ.എം.ശ്രീകല, സമീര് കാവാട് തുടങ്ങിയവര് പങ്കെടുത്തു.