മലയാള കേരള പഠനവിഭാഗം, മൈസൂരു ദക്ഷിണ മേഖല റീജണൽ ലാംഗ്വേജ് സെന്ററിന്റെ സഹകരണത്തോടെ "ആഗോളീകരണകാലത്തെ ഭാഷയും സംസ്കാരവും’ എന്ന വിഷയത്തിൽ ഫെബ്രുവരി അഞ്ച് മുതൽ ഏഴ് വരെ സർവകലാശാലയിൽ വെച്ച് നടത്തുന്ന ദേശീയ സെമിനാറിലേക്ക് പേപ്പറുകൾ ക്ഷണിച്ചു. ഭാഷയോടുള്ള സമീപനം ആഗോളീകരണത്തിനുശേഷം, ഉത്തരാധുനികതയും ഭാഷയും, സാംസ്കാരികപഠനം ഭാഷയിൽ, കോളനിയാനന്തരഘട്ടവും ഭാഷയും, സിനിമയിലെ ഭാഷ, സാമൂഹികമാധ്യമ ഭാഷ, ദൃശ്യമാധ്യമ ഭാഷ, സാഹിത്യ ഭാഷ, കംപ്യൂട്ടർ പ്രയോഗങ്ങളും പ്രാദേശിക ഭാഷകളും, അച്ചടിമാധ്യമ ഭാഷ, പ്രബന്ധസംഗ്രഹം എന്നീ വിഷയങ്ങളിലാണ് പ്രബന്ധങ്ങൾ തയ്യാറാക്കേണ്ടത്. പ്രബന്ധത്തിന്റെ സംഗ്രഹം മൂന്നൂറ് വാക്കിൽ കവിയാതെ ഇംഗ്ലീഷിലോ, മലയാളത്തിലോ തയ്യാറാക്കി കോഓർഡിനേറ്റർക്ക് (
[email protected]) 20 നകം അയക്കണം. ഫോണ് : 8880834887.
പൂർണരൂപം എ ഫോർ സൈസ് പേജിൽ സിംഗിൾ ലൈൻ സ്പേസിൽ ടൈപ്പ് ചെയ്തതായിരിക്കണം. ഇംഗ്ളീഷിൽ തയ്യാറാക്കുന്നവർ ടൈംസ് ന്യൂറോമനിൽ 11 ഫോണ്ട് സൈസിലും, മലയാളത്തിൽ തയ്യാറാക്കുന്നവർ എംഎൽ രേവതിയിൽ 12 ഫോണ്ട് സൈസിലും തയ്യാറാക്കണം. പേപ്പറിന്റെ വിഷയം പ്രബന്ധത്തിൽ വ്യക്തമാക്കണം. പൂർണരൂപം (രണ്ട് ഹാർഡ് കോപ്പി, സിഡി അല്ലെങ്കിൽ ഇമെയിൽ) 26നകം ലോക്കൽ കോഓർഡിനേറ്റർക്ക് (
[email protected]) ലഭിക്കണം. വിവരങ്ങൾക്ക്: 9497304344.
ഭിന്നശേഷിക്കാരുടെ ടാലന്റ് ഷോയും പാരന്റ് മീറ്റും എട്ടിലേക്ക് മാറ്റി മനഃശാസ്ത്ര പഠനവിഭാഗത്തിലെ സിഡിഎംആർപി പദ്ധതിയുടെ രണ്ടാം വാർഷികത്തോടനുബന്ധിച്ച് ആറിന് നടത്താനിരുന്ന വാർഷിക പാരന്റ്സ് മീറ്റും കുട്ടികളുടെ ടാലന്റ് ഷോയും എട്ടിലേക്ക് മാറ്റി. രാവിലെ പത്ത് മുതൽ വൈകുന്നേരം അഞ്ച് വരെ സെമിനാർ കോംപ്ലക്സിൽ നടക്കും.
ബിഎഎംഎസ് പ്രാക്ടിക്കൽ തേർഡ് ബിഎഎംഎസ് ഓറൽ, പ്രാക്ടിക്കൽ സപ്ലിമെന്ററി പരീക്ഷ എട്ടിന് ആരംഭിക്കും. ഷെഡ്യൂൾ വെബ്സൈറ്റിൽ.
എംഎ അറബിക് കംപ്യൂട്ടർ പ്രാക്ടിക്കൽ വിദൂരവിദ്യാഭ്യാസം ഒന്ന്, രണ്ട് സെമസ്റ്റർ എംഎ അറബിക് ഏപ്രിൽ, മേയ് 2017 പരീക്ഷയുടെ കംപ്യൂട്ടർ പ്രാക്ടിക്കൽ (കംപ്യൂട്ടർ അപ്ലിക്കേഷൻ വിത്ത് അറബിക് സോഫ്റ്റ്വെയർ) പരീക്ഷ പെരിന്തൽമണ്ണ പിടിഎം ഗവണ്മെന്റ് കോളജിൽ 15 മുതൽ നടക്കും. ഷെഡ്യൂൾ വെബ്സൈറ്റിൽ.
പരീക്ഷാഫലം 2017 ജൂണിൽ നടത്തിയ നാലാം സെമസ്റ്റർ എംഎ മ്യൂസിക്, എംഎ വോകൽ (സിയുസിഎസ്എസ്) പരീക്ഷാഫലം വെബ്സൈറ്റിൽ.
2017 ജൂണിൽ നടത്തിയ നാലാം സെമസ്റ്റർ എംഎസ് സി ഹോം സയൻസ് (ടെക്സ്റ്റൈൽസ്, കോസ്റ്റ്യൂം സയൻസ്) (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 18 വരെ അപേക്ഷിക്കാം.
എംഎസ് സി കെമിസ്ട്രി മൂല്യനിർണയ ക്യാന്പ് ഒന്പത് മുതൽ നടത്താൻ തീരുമാനിച്ചിരുന്ന രണ്ടാം സെമസ്റ്റർ എംഎസ് സി കെമിസ്ട്രി (സിയുസിഎസ്എസ്.) ജൂണ് 2017 പരീക്ഷയുടെ മൂല്യനിർണയ ക്യാന്പ് 11 മുതൽ തിരൂരങ്ങാടി പിഎസ്എംഒ കോളജിൽ വെച്ച് നടത്തും. പിജി—ക്ലാസുകളിൽ ഒരു വർഷത്തിൽ കൂടുതൽ പരിചയമുളള അധ്യാപകർ പങ്കെടുക്കണം.
ഇസ്ലാമിക് ചെയർ കോഴ്സ് ഇസ്ലാമിക് ചെയറിന് കീഴിൽ ആരംഭിക്കുന്ന മൂന്ന് മാസത്തെ ബോഡി, മൈന്റ്, സ്പിരിറ്റ് പഠന കോഴ്സ് ഞായറാഴ്ചകളിൽ രാവിലെ പത്ത് മുതൽ രണ്ട് വരെ നടക്കും. രജിസ്ട്രേഷൻ 9746904678, 9847523464.
അഖിലേന്ത്യാ ബാസ്കറ്റ്ബോൾ ജേതാക്കൾക്ക് സ്വീകരണം തേഞ്ഞിപ്പലം: അഖിലേന്ത്യാ അന്തർ സർവകലാശാലാ ബാസ്കറ്റ്ബോൾ ചാന്പ്യൻമാരായ കാലിക്കട്ട് സർവകലാശാലാ വനിതാ ടീമിന് കോഴിക്കോട് റെയിൽവേ സ്റ്റേഷനിലും കാലിക്കട്ട് സർവകലാശാലാ കാന്പസിലും സ്വീകരണം നൽകി.
വൈസ് ചാൻസലർ ഡോ. കെ. മുഹമ്മദ് ബഷീർ, രജിസ്ട്രാർ ഡോ. ടി.എ. അബ്ദുൾ മജീദ്, കായിക പഠനവകുപ്പ് ഡയറക്ടർ ഡോ. വി.പി. സക്കീർ ഹുസൈൻ, അസി. ഡയറക്ടർ ഡോ. കെ.പി. മനോജ്, ഡോ. ഇ.ജെ. ജേക്കബ് തുടങ്ങിയവർ അനുമോദന ചടങ്ങിൽ പങ്കെടുത്തു. തുടർച്ചയായ മൂന്നാം തവണയാണ് കാലിക്കട്ട് അഖിലേന്ത്യാ ചാന്പ്യൻമാരാവുന്നത്.
പുരുളിയ ചൗ നൃത്തം വിസ്മയമായി തേഞ്ഞിപ്പലം: പശ്ചിമ ബംഗാളിലെ താരാപഥ് രഥകും 18 അംഗ സംഘവും കാലിക്കട്ട് സർവകലാശാലയിൽ അവതരിപ്പിച്ച പുരുളിയ ചൗ നൃത്തം വിസ്മയമായി. കാലിക്കട്ട് സർവകലാശാലാ വിദ്യാർഥി ക്ഷേമ വിഭാഗവും കായിക പഠനവകുപ്പും ചേർന്ന് സ്പിക് മാകെയുടെ സഹകരണത്തോടെയാണ് പരിപാടി അവതരിപ്പിച്ചത്.