സർവകലാശാലയിൽ ഫെബ്രുവരി ഒന്നിന് നാടകം "മരണമാച്ച്’
കാലിക്കട്ട് സർവകലാശാലയിൽ പ്രതിമാസ നാടകപ്രദർശനത്തിൽ ഫെബ്രുവരി ഒന്നിന് കാലിക്കട്ട് യൂണിവേഴ്സിറ്റി ലിറ്റിൽ തിയറ്റർ (കൾട്ട്) അവതരിപ്പിക്കുന്ന അമച്വർ നാടകം "മരണമാച്ച്’ അരങ്ങേറും. സർവകലാശാലാ കാന്പസിലെ ഓഡിറ്റോറിയത്തിൽ വൈകുന്നേരം 6.30നാണ് പ്രദർശനം. കേരള സംഗീത നാടക അക്കാദമിയുടെ സഹകരണത്തോടെ സർവകലാശാലാ പബ്ലിക് റിലേഷൻസ് വിഭാഗമാണ് നാടകം സംഘടിപ്പിക്കുന്നത്. പ്രവേശനം സൗജന്യമാണ്.
പ്രിൻസിപ്പൽമാരുടെ യോഗം ഫെബ്രുവരി ആറിന്
കാലിക്കട്ട് സർവകലാശാലയ്ക്ക് കീഴിലെ ആർട്സ് ആൻഡ് സയൻസ്, ഓറിയന്റൽ ടൈറ്റിൽ (അറബിക്) കോളജ് പ്രിൻസിപ്പൽമാരുടെ സന്പൂർണ യോഗം ഫെബ്രുവരി ആറിന് രാവിലെ പത്തിന് സർവകലാശാലാ സെമിനാർ കോംപ്ലക്സിൽ ചേരും. ആറാം സെമസ്റ്റർ ബിരുദ പരീക്ഷകൾ, പരീക്ഷാ നടത്തിപ്പ്, മേയ് 31ന് മുന്പായി ഫലപ്രഖ്യാപനം നടത്തുന്നതിനുള്ള ക്രമീകരണം, കേന്ദ്രീകൃത മൂല്യനിർണയത്തിൽ അധ്യാപകരുടെ പങ്കാളിത്തം, മൂല്യനിർണയ നിലവാരമുയർത്തൽ തുടങ്ങിയവയാണ് യോഗത്തിന്റെ സുപ്രധാന വിഷയങ്ങൾ.
ആന്ത്രോത്ത്, കടമത്ത് കേന്ദ്രങ്ങളിൽ പ്രിൻസിപ്പൽ: അപേക്ഷ ക്ഷണിച്ചു
ആന്ത്രോത്ത്, കടമത്ത് കാലിക്കട്ട് സർവകലാശാലാ കേന്ദ്രങ്ങളിൽ പ്രിൻസിപ്പൽ കരാർ നിയമനത്തിന് പാനൽ തയ്യാറാക്കുന്നതിന് ഓണ്ലൈൻ അപേക്ഷ ക്ഷണിച്ചു. അവസാന തിയതി ഫെബ്രുവരി 17. പ്രതിമാസ മൊത്തവേതനം: 86,900 രൂപ. പ്രായപരിധി: 2018 ജനുവരി ഒന്നിന് 65 വയസ് കവിയരുത്. വിവരങ്ങൾ www.universityofcalicut.info എന്ന വെബ്സൈറ്റിൽ.
എംഎ ഹിന്ദി മാർക്ക് ലിസ്റ്റ് വിതരണം
2017 ഏപ്രിലിൽ നടത്തിയ വിദൂരവിദ്യാഭ്യാസം ഫൈനൽ എംഎ ഹിന്ദി പരീക്ഷയുടെ മാർക്ക് ലിസ്റ്റുകളും പ്രൊവിഷണൽ സർട്ടിഫിക്കറ്റുകളും പരീക്ഷ എഴുതിയ കേന്ദ്രങ്ങളിൽ ഇന്നു മുതൽ വിതരണം ചെയ്യും. പുതുക്കാട് പ്രജ്യോതി നികേതൻ കോളേജിൽ പരീക്ഷ എഴുതിയവർ തൃശൂർ ശ്രീ കേരളവർമ്മ കോളജിൽ നിന്നും കൈപ്പറ്റണം.
പരീക്ഷ
എംഎസ് സി ബയോടെക്നോളജി (നാഷണൽ സ്ട്രീം) മൂന്ന്, ഒന്ന് സെമസ്റ്റർ പരീക്ഷ ഫെബ്രുവരി രണ്ടിന് ആരംഭിക്കും.
വിദേശ, കേരളത്തിന് പുറത്തെ കേന്ദ്രങ്ങളിലെ പരീക്ഷാഫലം
വിദേശത്തും കേരളത്തിന് പുറത്തുമുള്ള കേന്ദ്രങ്ങളിലെ ബിഎ, ബികോം ആറാം സെമസ്റ്റർ ജൂണ് 2017, അഞ്ചാം സെമസ്റ്റർ ഫെബ്രുവരി 2017 പരീക്ഷാഫലങ്ങൾ വെബ്സൈറ്റിൽ. പുനർമൂല്യനിർണയത്തിന് ഫെബ്രുവരി മൂന്ന് വരെ അപേക്ഷിക്കാം. പ്രിന്റൗട്ട് ചലാൻ സഹിതം ഫെബ്രുവരി 14നകം ലഭിക്കണം.
എൽഎൽബി പരീക്ഷകളിൽ മാറ്റം
ഇന്നും നാളെയും നടത്താനിരുന്ന എട്ടാം സെമസ്റ്റർ ബിബിഎഎൽഎൽബി (പഞ്ചവത്സരം, 2011 സ്കീം) റഗുലർ, സപ്ളിമെന്ററി, നാലാം സെമസ്റ്റർ എൽഎൽബി യൂണിറ്ററി (ത്രിവത്സരം, 2015 സ്കീം) റഗുലർ പരീക്ഷകൾ ഫെബ്രുവരി 16ന് ആരംഭിക്കും. മറ്റ് പരീക്ഷകൾക്ക് മാറ്റമില്ല.