പ്രിൻസിപ്പൽമാരുടെ യോഗം ഇന്ന്
സർവകലാശാലയ്ക്ക് കീഴിലെ ആർട്സ് ആൻഡ് സയൻസ്, ഓറിയന്റൽ ടൈറ്റിൽ (അറബിക്) കോളജ് പ്രിൻസിപ്പൽമാരുടെ സന്പൂർണ യോഗം ഇന്ന് രാവിലെ പത്തിന് സർവകലാശാലാ സെമിനാർ കോംപ്ലക്സിൽ ചേരും. ആറാം സെമസ്റ്റർ ബിരുദ പരീക്ഷകൾ, പരീക്ഷാ നടത്തിപ്പ്, മേയ് 31ന് മുന്പായി ഫലപ്രഖ്യാപനം നടത്തുന്നതിനുള്ള ക്രമീകരണം, കേന്ദ്രീകൃത മൂല്യനിർണയത്തിൽ അധ്യാപകരുടെ പങ്കാളിത്തം, മൂല്യനിർണയ നിലവാരമുയർത്തൽ തുടങ്ങിയവയാണ് യോഗത്തിന്റെ സുപ്രധാന വിഷയങ്ങൾ.
ഫിസിക്സ് പഠനവിഭാഗത്തിൽ ദേശീയ സെമിനാർ
സുസ്ഥിര ഭാവിക്കായി ശാസ്ത്ര സാങ്കേതിക മേഖലകളിലെ നൂതന പദാർഥങ്ങൾ എന്ന വിഷയത്തിൽ കാലിക്കട്ട് സർവകലാശാലാ ഫിസിക്സ് പഠനവിഭാഗം സുവർണ ജൂബിലി ദേശീയ സെമിനാർ സംഘടിപ്പിക്കുന്നു. നാളെ മുതൽ ഒന്പത് വരെ ആര്യഭട്ട ഹാളിലാണ് പരിപാടി.
എംസിഎ സപ്ലിമെന്ററി പരീക്ഷാ കേന്ദ്രങ്ങൾ
14ന് ആരംഭിക്കുന്ന അഞ്ചാം സെമസ്റ്റർ എംസിഎ (2011 മുതൽ പ്രവേശനം) സപ്ലിമെന്ററി പരീക്ഷയ്ക്ക് താഴെ കൊടുത്ത ജില്ലകളിലെ കോളജുകളിൽ അപേക്ഷിച്ചവർ ബ്രാക്കറ്റിൽ കാണുന്ന കേന്ദ്രത്തിൽ പരീക്ഷക്ക് ഹാജരാകണം. പാലക്കാട് ജില്ല (സിസിഎസ്ഐടി പിഎംഎ ബിൽഡിംഗ്സ് മാനേജ്മെന്റ് ഹൗസ്, മരുത റോഡ്, പാലക്കാട്), മലപ്പുറം ജില്ല (സിസിഎസ്ഐടി കാലിക്കട്ട് സർവകലാശാലാ കാന്പസ്), തൃശൂർ ജില്ല (തൃശൂർ ഗവണ്മെന്റ് എൻജിനിയറിംഗ് കോളജ്), കോഴിക്കോട്, വയനാട് ജില്ലകൾ (കോളജ് ഓഫ് അപ്ലൈഡ് സയൻസ്, കിളിയനാട്, കോഴിക്കോട്).
പരീക്ഷ
ആറാം സെമസ്റ്റർ ബിബിഎഎൽഎൽബി (പഞ്ചവത്സരം, 2011 സ്കീം) റഗുലർ/സപ്ലിമെന്ററി പരീക്ഷ 26ന് ആരംഭിക്കും.
രണ്ടാം സെമസ്റ്റർ എൽഎൽബി യൂണിറ്ററി ഡിഗ്രി (ത്രിവത്സരം, 2015 സ്കീം) റഗുലർ/സപ്ലിമെന്ററി പരീക്ഷ 26ന് ആരംഭിക്കും.
ബിഎഡ് ഇന്റേണൽ മാർക്ക്
മൂന്നാം സെമസ്റ്റർ ബിഎഡ് (2016 പ്രവേശനം) റഗുലർ പരീക്ഷയുടെ ഇന്റേണൽ മാർക്ക് അപ്ലോഡ് ചെയ്യാനുള്ള ലിങ്ക് 14 വരെ ലഭ്യമാവും.