പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് ഇൻ ഹിന്ദി പരീക്ഷ
പിജി ഡിപ്ലോമ ഇൻ ട്രാൻസ്ലേഷൻ ആൻഡ് സെക്രട്ടേറിയൽ പ്രാക്ടീസ് ഇൻ ഹിന്ദി പരീക്ഷ 26 ന് തുടങ്ങും. നാലാം വർഷ ബിഎസ് സി മെഡിക്കൽ ബയോകെമിസ്ട്രി, മെഡിക്കൽ മൈക്രോബയോളജി, മെഡിക്കൽ ലബോറട്ടറി ടെക്നോളജി പരീക്ഷ ഏപ്രിൽ നാലിനാരംഭിക്കും. വിശദമായ ടൈംടേബിൾ വെബ്സൈറ്റിൽ.
പുനർമൂല്യനിർണയ അപേക്ഷ
മാർച്ചിൽ ഫലം പ്രസിദ്ധീകരിച്ച നാലാം സെമസ്റ്റർ ബിഎസ് സി, ബിസിഎ സിയുസിബിസിഎസ്എസ് റഗുലർ/സപ്ലിമെന്ററി/ഇംപ്രൂവ്മെന്റ് ഏപ്രിൽ 2017 പരീക്ഷയുടെ പുനർമൂല്യനിർണയത്തിന് ഏപ്രിൽ അഞ്ച് വരെ അപേക്ഷിക്കാം.പ്രിന്റൗട്ട് ചെലാൻ സഹിതം ഏപ്രിൽ പത്തിനകം ലഭിക്കണം.
പുനർമൂല്യനിർണയഫലം
2017 ജൂണിൽ നടത്തിയ നാലാം സെമസ്റ്റർ എംബിഎ റഗുലർ/ഈവനിംഗ് പരീക്ഷാപുനർമൂല്യനിർണയഫലം വെബ്സൈറ്റിൽ. 2017 ഏപ്രിലിൽ നടത്തിയ വിദൂര വിദ്യാഭ്യാസം ആറാം സെമസ്റ്റർ ബിഎ, ബിഎസ് സി, ബികോം, ബിബിഎ സിസിഎസ്എസ് സപ്ലിമെന്ററി/ഇംപ്രൂവ്മെന്റ് പുനർമൂല്യനിർണയഫലം വെബ്സൈറ്റിൽ.
എംബിഎ പ്രവേശനം
കോമേഴ്സ് ആൻഡ് മാനേജ്മെന്റ് സ്റ്റഡീസിലും സർവകലാശാല നേരിട്ട് നടത്തുന്ന വടകര, കോഴിക്കോട്, കുറ്റിപ്പുറം, തിരൂർതൃശൂർ, ജോണ് മത്തായി സെന്റർതൃശൂർ, പാലക്കാട് എന്നീ സെന്ററുകളിലും അഫിലിയേറ്റഡ് മാനേജ്മെന്റ് ഇൻസ്റ്റിറ്റ്യൂട്ടുകളിലും എംബിഎ പ്രവേശനത്തിന് കാറ്റ്/സിമാറ്റ്/കെമാറ്റ് പരീക്ഷകൾ പാസായവർക്ക് 31 വരെ സർവകലാശാലാ വെബ്സൈറ്റ് വഴി അപേക്ഷിക്കാം. ഫോണ് 04942407363. കാറ്റ്/സിമാറ്റ്/കെ.മാറ്റ് സ്കോറും, ജനറൽ വിഭാഗത്തിന് 500 രൂപ, പട്ടിക ജാതി ആൻഡ് പട്ടിക വർഗ വിഭാഗങ്ങൾക്ക് 167 രൂപ ചെലാനും സഹിതം അപേക്ഷിക്കണം. കാറ്റ്/സിമാറ്റ്/കെമാറ്റ് പരീക്ഷയ്ക്ക് 15 ശതമാനം, 10 ശതമാനം, 7.5ശതമാനം സ്കോർ (യഥാക്രമം ജനറൽ വിഭാഗം, മറ്റു പിന്നോക്ക വിഭാഗം, പട്ടിക ജാതി ആൻഡ് പട്ടിക വർഗം) നേടിയിരിക്കേണ്ടതാണ്. അപേക്ഷയുടെ പ്രിന്റ് ഔട്ട്, ചലാൻ രശീതി (എസ് സി/എസ്റ്റി വിഭാഗങ്ങൾ കമ്മ്യൂണിറ്റി സർട്ടിഫിക്കറ്റിന്റെ പകർപ്പും ഹാജരാക്കണം.) എന്നിവ സഹിതം 31 ന് വൈകിട്ട് അഞ്ചിന് മുന്പായി ഹെഡ് ഓഫ് ദ ഡിപ്പാർട്മെന്റ്, കൊമേഴ്സ് ആന്റ് മാനേജ്മെന്റ് സ്റ്റഡീസ്, കാലിക്കട്ട് സർവകലാശാല പിഒ. 673635 എന്ന വിലാസത്തിൽ സമർപ്പിക്കണം.
പരീക്ഷാഫലം
2017 നവംബറിൽ നടത്തിയ എട്ടാം സെമസ്റ്റർ ബിടെക്, പാർട് ടൈം ബിടെക് സപ്ലിമെന്ററി/ ഇംപ്രൂവ്മെന്റ് 09 സ്കീം പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ അപേക്ഷിക്കാം. ചെലാൻ സഹിതം പ്രിന്റൗട്ട് ഏപ്രിൽ അഞ്ചിനകം ലഭിക്കണം.
പ്രോജക്ട് സമർപ്പണം: തിയതി മാറ്റി
വിദൂര വിദ്യാഭ്യാസം ആറാം സെമസ്റ്റർ ബിരുദ വിദ്യാർഥികളുടെ പ്രോജക്ടുകൾ സമർപ്പിക്കേണ്ട തിയതി മാറ്റി. പുതുക്കിയ തിയതി പിന്നീടറിയിക്കും.
വിദൂര വിദ്യാഭ്യാസം ബിരുദ പരീക്ഷാ അപേക്ഷ
വിദൂരവിദ്യാഭ്യാസം ആറാം സെമസ്റ്റർ ബിഎ/ ബിഎസ് സി/ ബികോം/ ബിബിഎ/ ബിഎംഎംസി/ ബിഎ അഫ്സലുൽ ഉലമ സിസിഎസ്എസ് 2012, 2013 പ്രവേശനം സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് സൂപ്പർഫൈൻ സഹിതം 26 വരെ അപേക്ഷിക്കാം.
പരീക്ഷാ അപേക്ഷ
വിദൂരവിദ്യാഭ്യാസം വഴി യുഎഇ, കുവൈറ്റ്, ഹൈദ്രബാദ്, ബംഗലൂരു, മുംബൈ, ചെന്നൈ കേന്ദ്രങ്ങളിലെ നാലാം സെമസ്റ്റർ ബിഎ, ബികോം, ബിബിഎ സിയുസിബിസിഎസ്എസ് സപ്ലിമെന്ററി പരീക്ഷയ്ക്ക് 19 മുതൽ പിഴ കൂടാതെ മാർച്ച് 28 വരെയും 150 രൂപ പിഴയോടെ ഏപ്രിൽ മൂന്ന് വരെയും അപേക്ഷിക്കാം. സർവകലാശാലാ കാന്പസാണ് പരീക്ഷാ കേന്ദ്രം.
മനസും യന്ത്രങ്ങളും: ഇൻസൈറ്റ് 2കെ 18 ഓപ്പണ് ഫോറം
തേഞ്ഞിപ്പലം: കാലിക്കട്ട് സർവകലാശാലയിൽ കംപ്യൂട്ടർ സയൻസ് പഠനവകുപ്പും, കംപ്യൂട്ടർ സയൻസ്ഐടി പഠനകേന്ദ്രങ്ങളും സംയുക്തമായി സംഘടിപ്പിച്ച " ഇൻസൈറ്റ് 2കെ18’ ടെക്നിക്കൽ കലോത്സവത്തിന്റെ ഭാഗമായി മനസും യന്ത്രങ്ങളും എന്ന വിഷയത്തിൽ ഓപ്പണ്ഫോറം സംഘടിപ്പിച്ചു.
വൈസ്ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്തു. ടി.ഡി. രാമകൃഷ്ണൻ, ഡോ. അച്യുത് ശങ്കർ എസ്. നായർ, സി.എസ്. മീനാക്ഷി, ഡോ. ടി.ടി. സുനിൽ, ഡോ. കെ.എം. അനിൽ, ദാമോദർ പ്രസാദ്, ഡോ. ടി.വി. മധു തുടങ്ങിയവർ പങ്കെടുത്തു. ഡോ. വി.എൽ ലജീഷ് മോഡറേറ്ററായിരുന്നു.
ബോട്ടണി പൂർവ വിദ്യാർഥി സുവർണജൂബിലി സംഗമം നടത്തി
തേഞ്ഞിപ്പലം: കാലിക്കട്ട് സർവകലാശാലാ സുവർണജൂബിലി ആഘോഷങ്ങളുടെ ഭാഗമായി ബോട്ടണി പഠന വകുപ്പിലെ പൂർവ വിദ്യാർഥികളുടെയും അധ്യാപകരുടെയും സംഗമം സംഘടിപ്പിച്ചു. കെഎഫ്ആർഐ മുൻ ഡയരക്ടർ ഡോ. കെ.വി. ശങ്കരൻ, സിഡബ്ല്യുആർഡിഎം മുൻ ശാസ്ത്രജ്ഞൻ ഡോ. നാരായണൻ ഉണ്ണി, മലബാർ ബൊട്ടാണിക്കൽ ഗാർഡനിലെ ശാസ്ത്രജ്ഞൻ ഡോ. പി.വി. മധുസൂദനൻ, ഡോ. കെ. പവിത്രൻ, ഡോ. ഫിലിപ്പ് മാത്യു, ഡോ. നീലകണ്ഠൻ, ഡോ. എം. ലീലാവതി, ഡോ. ഏലിയാമ്മ തോമസ് തുടങ്ങിയവർ പങ്കെടുത്തു.
എംഎസ് സി അപ്ലൈഡ് പ്ലാന്റ് സയൻസിൽ ഏറ്റവും കൂടുതൽ മാർക്ക് നേടുന്ന വിദ്യാർഥിക്കായി ഡോ. കെ. പവിത്രന്റെ പേരിൽ ഏർപ്പെടുത്തിയ ഒരു ലക്ഷം രൂപയുടെ എൻഡോവ്മെന്റ് തുക പഠനവകുപ്പ് മേധാവി ഡോ.സന്തോഷ് നന്പി ഏറ്റുവാങ്ങി.
പൈ ദിനാഘോഷം
തേഞ്ഞിപ്പലം: കാലിക്കട്ട് സർവകലാശാലാ മാത്തമാറ്റിക്സ് പഠന വകുപ്പിന്റെ ആഭിമുഖ്യത്തിൽ പൈ ദിനാഘോഷം സംഘടിപ്പിച്ചു. പഠന വകുപ്പ് മേധാവി ഡോ. പി.ടി. രാമചന്ദ്രൻ ഉൽഘാടനം ചെയ്തു. പ്രഫ. അനിൽ കുമാർ, ഡോ. പ്രീതി കുറ്റിപ്പുലാക്കൽ എന്നിവർ പ്രസംഗിച്ചു.
ഇതോടനുബന്ധിച്ച് നടത്തിയ ക്വിസ് മൽസരത്തിൽ എസ്. മുബഷിറ, ദിൽഷാന എന്നിവർ ഒന്നും രണ്ടും സ്ഥാനങ്ങൾ നേടി.