ലക്ഷദ്വീപ് കേന്ദ്രങ്ങളില് പ്രിന്സിപ്പല്
ആന്ദ്രോത്ത്, കടമത്ത്, കവരത്തി ലക്ഷദ്വീപ് കേന്ദ്രങ്ങളില് പ്രിൻസിപ്പൽ കരാര് നിയമനത്തിന് ഓൺലൈനായി അപേക്ഷിച്ചവരില് യോഗ്യരായവർക്കുള്ള അഭിമുഖം ഏപ്രില് മൂന്നിന് സർവകലാശാലാ ഭരണവിഭാഗത്തില് നടക്കും. വിവരങ്ങള് വെബ്സൈറ്റില്. ഫോണ്: 0494 2407106.
എന്എസ്എസ് ഗ്രേസ് മാർക്ക്
മാർച്ചിലെ ആറാം സെമസ്റ്റര് ബിഎസ്സി/ബിസിഎ (സിയുസിബിസിഎസ്എസ്) വിദ്യാർഥി കളില് എന്എസ്എസ് ഗ്രേസ് മാർക്കിന് അർഹരായവരുടെ പൂരിപ്പിച്ച അപേക്ഷ ബന്ധപ്പെട്ട സർട്ടിഫിക്കറ്റുകള് സഹിതം 31നകം പ്രൻസിപ്പൽമാർ പരീക്ഷാഭവന് ബിഎസ്സി വിഭാഗത്തില് സമർപ്പിക്കണം. ഒന്ന് മുതല് നാല് വരെ സെമസ്റ്റര് ഫലങ്ങള് വെബ്സൈറ്റില് ലഭ്യമാണ്. സെമസ്റ്റര് ഫലങ്ങൾക്ക് വിദ്യാർഥികള് സർവകലാശാലയില് വരേണ്ടതില്ല.
പരീക്ഷാ അപേക്ഷ
ആറാം സെമസ്റ്റര് ബിടെക്/ പാർട്ട് ടൈം ബിടെക്/ബിആർക്ക് പരീക്ഷയ്ക്ക് പിഴകൂടാതെ ഏപ്രില് അഞ്ച് വരെയും 150 രൂപ പിഴയോടെ ഏപ്രില് ഒമ്പത് വരെയും അപേക്ഷിക്കാം. വെബ്സൈറ്റിലെ വിജ്ഞാപനം പരിശോധിച്ച് മാത്രം അപേക്ഷിക്കുക. ബിആർക് സപ്ലിമെന്ററി പരീക്ഷയ്ക്ക് അപേക്ഷിക്കാനുള്ള ലിങ്ക് ആറാം സെമസ്റ്റര് ഏപ്രില് 2017 ഫലം വന്നതിന് ശേഷം ലഭ്യമാവും.
നാലാം സെമസ്റ്റര് എംആർക് റഗുലര്/സപ്ലിമെന്ററി പരീക്ഷയ്ക്ക് പിഴകൂടാതെ 24 വരെയും 150 രൂപ പിഴയോടെ 27 വരെയും അപേക്ഷിക്കാം.
പരീക്ഷ
വിദൂരവിദ്യാഭ്യാസം എംഎ/എംഎസ് സി/എംകോം അവസാന വർഷ/മൂന്ന്നാല് സെമസ്റ്റര് (ഫസ്റ്റ് അപ്പിയറൻസ്/സപ്ലിമെന്ററി/ഇംപ്രൂവ്മെന്റ്) പരീക്ഷ ഏപ്രില് 24ന് ആരംഭിക്കും.
ഡിപ്ലോമ ഇന് മൾട്ടിമീഡിയ ആൻഡ് ആനിമേഷന് (2015 പ്രവേശനം) ഇന്റേണല് പരീക്ഷ 23ന് സർവകലാശാലാ കാമ്പസിലെ അക്കാഡമിക് സ്റ്റാഫ് കോളജില് നടക്കും.
ഒന്നാം സെമസ്റ്റര് എംടെക് (2013 മുതല് പ്രവേശനം) സപ്ലിമെന്ററി പരീക്ഷ ഏപ്രില് 13ന് ആരംഭിക്കും.
എല്എല്ബി (2000 മുതല് 2007 വരെ പ്രവേശനം) ആറാം സെമസ്റ്റര് (പഞ്ചവത്സരം), രണ്ടാം സെമസ്റ്റര് (ത്രിവത്സരം) സപ്ലിമെന്ററി പരീക്ഷ ഏപ്രില് 11നും, രണ്ടാം സെമസ്റ്റര് (പഞ്ചവത്സരം) സപ്ലിമെന്ററി പരീക്ഷ ഏപ്രില് 13നും ആരംഭിക്കും.
വൈവാ വോസി
എട്ടാം സെമസ്റ്റര് ബിബിഎഎല്എല്ബി വൈവാ വോസി ഷെഡ്യൂള് വെബ്സൈറ്റില് .
സ്പെഷല് സപ്ലിമെന്ററി പരീക്ഷ
കുട്ടനെല്ലൂര് അച്യുതമേനോന് ഗവൺമെന്റ് കോളജിലെ രണ്ടാം സെമസ്റ്റര് യുജി (സിയുസിബിസിഎസ്എസ്) കോമണ് കോഴ്സ് ഹിന്ദി എ.08(1)ഗ്രാമർ, കറസ്പോണ്ടൻസി, ട്രാൻസ്ലേഷന് സ്പെഷല് സപ്ലിമെന്ററി പരീക്ഷ 27ന് പരീക്ഷാഭവനില് നടക്കും.
പുനർമൂല്യനിർണയ ഫലം
തടഞ്ഞുവയ്ക്കപ്പെട്ട മൂന്നാം സെമസ്റ്റര് എംബിഎ ഡിസംബര് 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റില്. ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.
എക്സാമിനേഴ്സ് മീറ്റിംഗ്
ആറാം സെമസ്റ്റര് ബിഎസ്സി മാത്തമാറ്റിക്സ് പ്രോജക്ട്/വൈവ പരീക്ഷയുടെ എക്സാമിനേഴ്സ് മീറ്റിംഗ് ഏപ്രില് രണ്ടിന് രാവിലെ 10.30ന് നടക്കും. കോഴിക്കോട്/വയനാട് ജില്ലകളിലെ കോളജുകളിലെ അധ്യാപകര് കോഴിക്കോട് ചേളന്നൂര് ശ്രീനാരായണ ഗുരു കോളജിലും മലപ്പുറം ജില്ലയിലെ കോളജുകളിലെ അധ്യാപകര് കൊളത്തൂര് , മങ്കട ഗവൺമെന്റ് ആർട്സ് ആൻഡ് സയൻസ് കോളജിലും ഹാജരാകണം.
ആറാം സെമസ്റ്റര് ബിഎസ് സി കെമിസ്ട്രി പ്രാക്ടിക്കല് പരീക്ഷയുടെ എക്സാമിനേഴ്സ് മീറ്റിംഗ് 23ന് രാവിലെ 10.30ന് നടക്കും. മലപ്പുറം ജില്ലയിലെ കോളജുകളിലെ അധ്യാപകര് മഞ്ചേരി കെഎഎച്ച്എം യൂണിറ്റി വിമൻസ് കോളജില് ഹാജരാകണം.
മാറുന്ന ഇന്ത്യന് മാധ്യമരംഗം: ദേശീയ സെമിനാര് ആരംഭിച്ചു
തേഞ്ഞിപ്പലം: ചാനലുകളുടെ പ്രൈംടൈം ചർച്ചകള് ചെലവ് ചുരുക്കലിന്റെ കൂടി ഭാഗമാണെന്ന് പ്രശസ്ത ജേർണലിസ്റ്റും ദി ഹിന്ദു റീഡേഴ്സ് എഡിറ്ററുമായ എ.എസ്. പനീര്ശെൽവം. 'മാറുന്ന ഇന്ത്യന് മാധ്യമരംഗം: പ്രധാന പ്രവണതകള് ' എന്ന വിഷയത്തില് കാലിക്കട്ട് സർവകലാശാലാ ജേർണലിസം വിഭാഗം സംഘടിപ്പിക്കുന്ന ത്രിദിന ദേശീയ ഗവേഷണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
1994ല് നാല് രൂപ വിലയുണ്ടായിരുന്ന പ്രസിദ്ധീകരണം 2018ല് അഞ്ച് രൂപയ്ക്ക് വിൽപന നടത്തേണ്ട അവസ്ഥയാണുള്ളത്. പണപ്പെരുപ്പ തോത് പരിഗണിക്കുമ്പോള് 25 രൂപയെങ്കിലും ഇതിന് വിലനിശ്ചയിക്കേണ്ടതായിരുന്നുവെന്ന് അദ്ദേഹം ചൂണ്ടിക്കാട്ടി.
വ്യജ വാർത്തകൾക്ക് വർധിച്ച പ്രചാരം ലഭിക്കുന്നുണ്ടെന്ന് 'വ്യാജ വാർത്തകളും പ്രചാരണങ്ങളും' എന്ന വിഷയത്തില് മുഖ്യപ്രഭാഷണം നടത്തിയ ഫ്രണ്ട്ലൈൻ മാഗസിന് അസോസിയേറ്റ് എഡിറ്റര് ആര്.കെ.രാധാകൃഷ്ണന് പറഞ്ഞു. ജേർണലിസം പഠനവകുപ്പ് മേധാവി ഡോ.എന്. മുഹമ്മദലി അധ്യക്ഷത വഹിച്ചു.
വിവിധ സംസ്ഥാനങ്ങളില് നിന്നുള്ള പ്രതിനിധികള് 60 പ്രബന്ധങ്ങള് അവതരിപ്പിക്കുന്നുണ്ട്. ഇന്ന് 'ഉടലും മാധ്യമങ്ങളും' എന്ന വിഷയത്തിലെ ഓപ്പണ് ഫോറത്തില് നടിയും ആക്ടിവിസ്റ്റുമായ ടി.പാർവതി, എഴുത്തുകാരി എസ്. സിതാര, നടി ജിലു ജോസഫ് എന്നിവര് പങ്കെടുക്കും. ശ്രീകല മുല്ലശേരി മോഡറേറ്ററായിരിക്കും. സമ്മേളനം 22ന് സമാപിക്കും.
പ്രഭാഷണം സംഘടിപ്പിച്ചു
തേഞ്ഞിപ്പലം: കാലിക്കട്ട് സർവകലാശാലയും തൃശൂര് സെന്റ് തോമസ് കോളജും സംയുക്തമായി ജൈവ കീടനിയന്ത്രണ മാർഗങ്ങളെക്കുറിച്ച് പ്രഭാഷണം സംഘടിപ്പിച്ചു. കേരള ശാസ്ത്ര സാങ്കേതിക പരിസ്ഥിതി കൗൺസിലല് എക്സിക്യൂട്ടീവ് വൈസ് പ്രസിഡന്റ് ഡോ.സുരേഷ്ദാസ് ഉദ്ഘാടനം ചെയ്തു. സർവകലാശാല രജിസ്ട്രാര് ഡോ.ടി.എ.അബ്ദുല് മജീദ് അധ്യക്ഷനായിരുന്നു. ബ്രസീലിയന് ശാസ്ത്രജ്ഞന് ഗിൽബര്ട്ടോ ജോസ് ദി മോറസ് മുഖ്യപ്രഭാഷണം നടത്തി. ഡോ.എം.എ.ഹഖ്, തൃശൂർ അതിരൂപത സഹായമെത്രാൻ മാര് ടോണി നീലംകാവില് തുടങ്ങിയവര് പങ്കെടുത്തു.
അന്തര് ദേശീയ നാടക സമ്മേളനം
തേഞ്ഞിപ്പലം: 'നാടകപ്രയോഗം മാറുന്ന രീതികള്' എന്ന വിഷയത്തില് കാലിക്കട്ട് സർവകലാശാല നാടക പഠനവിഭാഗം സുവർണ ജൂബിലി അന്തർദേശീയ സമ്മേളനം സംഘടിപ്പിച്ചു. ചലച്ചിത്ര സംവിധായകന് ശ്യാമപ്രസാദ് ഉദ്ഘാടനം ചെയ്തു. മറാത്തി നാടകകൃത്ത് സതീഷ് അലേക്കര്, അസ്താദ് ദേബു, ഫിൻലൻഡിലെ നാടകപ്രർത്തക സ്റ്റൈന ഓഹ്മാന്, ശരണ്യ റാം പ്രകാശ്, സുമന് മുഖോപാദ്ധ്യായ, ശ്രീറാം പരശുറാം, സ്കൂള് ഓഫ് ഡ്രാമ പഠനവകുപ്പ് മേധാവി ഡോ.എസ്.സുനില് കുമാര്, വിനോദ് വി. നാരായണന് തുടങ്ങിയവര് പങ്കെടുത്തു.