പഠനവകുപ്പുകളിലെ പിജി പ്രവേശന പരീക്ഷയ്ക്കും സ്വാശ്രയ കേന്ദ്രങ്ങള്‍ അഫിലിയേറ്റഡ് കോളജുകള്‍ എന്നിവയിലെ പ്രവേശന പരീക്ഷ മുഖേന നടത്തുന്ന കോഴ്‌സുകളിലേക്കും അപേക്ഷ ക്ഷണിച്ചു. സര്‍വകലാശാലാ പഠനവകുപ്പുകളില്‍ എംഎഡ് ഒഴികെയുള്ള കോഴ്‌സുകളിലേക്ക് പ്രവേശന പരീക്ഷ മുഖേനയാണ് പ്രവേശനം നടത്തുന്നത്. ഇന്ന് ഉച്ചയ്ക്ക് 12 മുതല്‍ രജിസ്റ്റര്‍ ചെയ്യാം. വിജ്ഞാപന പ്രകാരം വിവിധ കോഴ്‌സുകള്‍ക്ക് നിഷ്‌കര്‍ഷിച്ചിട്ടുള്ള യോഗ്യതയുള്ളവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. അപേക്ഷാ ഫീ ജനറല്‍ 350 രൂപ, എസ് സി/എസ്ടി 150 രൂപ. 28 വരെ ഫീസടച്ച് 30 വരെ രജിസ്‌ട്രേഷന്‍ നടത്താം. വിവരങ്ങള്‍ www.cuonline.ac.in വെബ്‌സൈറ്റില്‍. ഫോണ്‍ 2047016, 2407017.
പ്രവേശന പരീക്ഷകളുള്ള ബിരുദ കോഴ്‌സുകളിലേക്ക് അപേക്ഷ ക്ഷണിച്ചു
സ്വാശ്രയ കേന്ദ്രങ്ങള്‍ , അഫിലിയേറ്റഡ് കോളജുകള്‍ എന്നിവയിലെ ബാച്ചലര്‍ ഓഫ് ഹോട്ടല്‍ മാനേജ്‌മെന്‍റ് (ബിഎച്ച്എം, നാല് വര്‍ഷം), ബിപിഎഡ് ഇന്‍റഗ്രേറ്റഡ് (നാല് വര്‍ഷം), ബിപിഎഡ് (രണ്ട് വര്‍ഷം), ബികോം ഓണേഴ്‌സ് (ത്രിവത്സരം) പ്രവേശന പരീക്ഷകളുള്ള ബിരുദ കോഴ്‌സുകള്‍ക്ക് അപേക്ഷ ക്ഷണിച്ചു. ഇന്ന് ഉച്ചയ്ക്ക് 12 മുതല്‍ രജിസ്റ്റര്‍ ചെയ്യാം. 28 വരെ ഫീസടച്ച് 30 വരെ രജിസ്‌ട്രേഷന്‍ നടത്താം. വിജ്ഞാപന പ്രകാരം വിവിധ കോഴ്‌സുകള്‍ക്ക് നിഷ്‌കര്‍ഷിച്ചിട്ടുള്ള യോഗ്യതയുള്ളവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം. അപേക്ഷാ ഫീ ജനറല്‍ 350 രൂപ, എസ് സി/എസ്ടി 150 രൂപ. വിവരങ്ങള്‍ www.cuonline.ac.in വെബ്‌സൈറ്റില്‍. ഫോണ്‍ 2047016, 2407017.
അഡീഷണല്‍ ചീഫ് സൂപ്രണ്ട് നിയമനം
അഡീഷണല്‍ ചീഫ് സൂപ്രണ്ടിനെ നിയമിച്ചിട്ടില്ലാത്ത കോളജുകളില്‍ (ലിസ്റ്റ് വെബ്‌സൈറ്റില്‍ ) 2018 ഏപ്രില്‍ /മെയ് മാസങ്ങളില്‍ കാലിക്കട്ട് സര്‍വകലാശാല നടത്തുന്ന പരീക്ഷയ്ക്ക് അഡീഷണല്‍ ചീഫ് സൂപ്രണ്ടിനെ നിയമിക്കുന്നതിന് കോളജ് അധ്യാപകരില്‍ നിന്ന് അപേക്ഷ ക്ഷണിച്ചു. പ്രിന്‍സിപ്പല്‍ മുഖേന സമര്‍പ്പിക്കണം.
17ലെ ടെക്‌നീഷന്‍ കരാര്‍ നിയമനം അഭിമുഖം മാറ്റി
സെന്‍ട്രല്‍ സോഫിസ്റ്റിക്കേറ്റഡ് ഇന്‍സ്ട്രുമെന്‍റേഷന്‍ ഫെസിലിറ്റി ടെക്‌നീഷന്‍ കരാര്‍ നിയമനത്തിന് അപേക്ഷിച്ച യോഗ്യരായവര്‍ക്ക് 17ന് നടത്താനിരുന്ന അഭിമുഖം 25 ലേക്ക് മാറ്റി. അഭിമുഖം രാവിലെ പത്തിന് ഭരണവിഭാഗത്തില്‍ നടക്കും. വിവരങ്ങള്‍ വെബ്‌സൈറ്റില്‍ . ഫോണ്‍ 0494 2407106.
എസ്ഡിഇഫൈനല്‍ എംഎ/എംഎസ് സി ഹാള്‍ടിക്കറ്റ്
24ന് ആരംഭിക്കുന്ന വിദൂരവിദ്യാഭ്യാസം ഫൈനല്‍ എംഎ/എംഎസ് സി പരീക്ഷകള്‍ക്ക് അപേക്ഷിച്ചവര്‍ ഹാള്‍ടിക്കറ്റ് വെബ്‌സൈറ്റില്‍ നിന്ന് ഡൗണ്‍ലോഡ് ചെയ്ത് അതില്‍ കാണുന്ന പരീക്ഷാ കേന്ദ്രത്തില്‍ ഹാജരാകണം. പരീക്ഷാ കേന്ദ്രം ഉറുപ്പുവരുത്താന്‍ വെബ്‌സൈറ്റില്‍ കൊടുത്ത വിവരങ്ങളുമായി ഒത്തുനോക്കണം. ഫോണ്‍ നമ്പര്‍ വെബ്‌സൈറ്റില്‍ . മാന്വലായി അപേക്ഷിച്ചവര്‍ ഹാള്‍ടിക്കറ്റ് അനുവദിക്കപ്പെട്ട കേന്ദ്രങ്ങളില്‍ നിന്ന് കൈപ്പറ്റണം.
2016 ലെ ബിടെക് സര്‍ട്ടിഫിക്കറ്റ് ഓഫ് എക്‌സലന്‍സിന് അപേക്ഷ ക്ഷണിച്ചു
ബിടെകിന് 2012 ല് പ്രവേശനം നേടിയ വിദ്യാർഥികളില്‍ അര്‍ഹരായവര്‍ക്ക് 2016 വര്‍ഷത്തെ സര്‍ട്ടിഫിക്കറ്റ് ഓഫ് എക്‌സലന്‍സ് ലഭിക്കുന്നതിന് അപേക്ഷ ക്ഷണിച്ചു. പൊസിഷന്‍ ലിസ്റ്റ് വെബ്‌സൈറ്റില്‍ ലഭ്യമാണ്. നിര്‍ദ്ദിഷ്ട മാതൃകയിലുള്ള അപേക്ഷാ ഫോം വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച്, ചലാന്‍ (225 രൂപ) സഹിതം ബിടെക് വിഭാഗത്തില്‍ സമര്‍പ്പിക്കണം. സര്‍ട്ടിഫിക്കറ്റ് തപാലില്‍ ലഭിക്കാന്‍ പോസ്റ്റല്‍ ചാർജായി 50 രൂപയുടെ ചലാന്‍ കൂടി ഉള്‍പ്പെടുത്തണം.
പരീക്ഷാ അപേക്ഷ
ബിബിഎ എല്‍എല്‍ബി (പഞ്ചവത്സരം, 2011 സ്‌കീം) ഒന്ന്, മൂന്ന്, അഞ്ച്, ഏഴ്, ഒമ്പത് സെമസ്റ്റര്‍ റഗുലര്‍ /സപ്ലിമെന്‍ററി പരീക്ഷക്കും, എല്‍എല്‍ബി യൂണിറ്ററി (ത്രിവത്സരം, 2015 സ്‌കീം) ഒന്ന്, മൂന്ന് സെമസ്റ്റര്‍ റഗുലര്‍ /സപ്ലിമെന്‍ററി, അഞ്ചാം സെമസ്റ്റര്‍ റഗുലര്‍ പരീക്ഷക്കും അപേക്ഷിക്കാനുള്ള തിയതി പിഴകൂടാതെ 23 വരെയും 150 രൂപ പിഴയോടെ 25 വരെയും നീട്ടി.
ഒന്ന്, രണ്ട്, നാല്, ആറ്, എട്ട് സെമസ്റ്റര്‍ ബിടെക്/പാര്‍ട്ട്‌ടൈം ബിടെക് (2009 സ്‌കീം2009 പ്രവേശനം) സപ്ലിമെന്‍ററി പരീക്ഷക്ക് 25 വരെ അപേക്ഷിക്കാം. എട്ടാം സെമസ്റ്ററിന് അവസാന തിയതി 19. എട്ടാം സെമസ്റ്റര്‍ പരീക്ഷ 27ന് ആരംഭിക്കും. മറ്റുള്ളവയുടെ തിയതി പിന്നീട് അറിയിക്കും. 2009 പ്രവേശനക്കാര്‍ക്ക് ഇത് അവസാന അവസരമായിരിക്കും.
പരീക്ഷ
മൂന്നാം സെമസ്റ്റര്‍ ബിടിഎഫ്പി (സിയുസിബിസിഎസ്എസ്, 2016 പ്രവേശനം) റഗുലര്‍ /സപ്ലിമെന്‍ററി പരീക്ഷ 24ന് ആരംഭിക്കും.
പരീക്ഷാഫലം
വിദൂരവിദ്യാഭ്യാസം അഞ്ചാം സെമസ്റ്റര്‍ ബികോം/ബിബിഎ/ബികോം അഡീഷണല്‍ സ്‌പെഷലൈസേഷന്‍ റഗുലര്‍/ഇംപ്രൂവ്‌മെന്‍റ്/സപ്ലിമെന്‍ററി (സിയുസിബിസിഎസ്എസ്) നവംബര്‍ 2017 പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് അപേക്ഷിക്കാനുള്ള തിയതി പിന്നീട് അറിയിക്കും.
ഇന്‍റര്‍സോണ്‍ കലോത്സവത്തിന് ഇന്ന് തുടക്കം
തേഞ്ഞിപ്പലം: അഞ്ച് ജില്ലകളിലും ലക്ഷദ്വീപിലും നിന്നായി 5500 വിദ്യാർഥികള്‍ പങ്കെടുക്കുന്ന കാലിക്കട്ട് സര്‍വകലാശാലാ ഇന്‍റര്‍സോണ്‍ കലോത്സത്തിന്‍റെ സ്റ്റേജിതര ഇനങ്ങള്‍ക്ക് ഇന്ന് ഗുരുവായൂര്‍ ശ്രീകൃഷ്ണ കോളജില്‍ തുടക്കമാകും. 19 മുതല്‍ 21 വരെയാണ് സ്റ്റേജ് ഇനങ്ങള്‍ . ചെണ്ട, മദ്ദളം, തുടി, കൊമ്പ്, കുറുംകുഴല്‍ , മിഴാവ് തുടങ്ങിയ പേരുകളിലെ വേദികളില്‍ നടത്തുന്ന മത്സരങ്ങള്‍ രാവിലെ പത്തിനാരംഭിച്ച് രാത്രി ഒമ്പതിന് അവസാനിക്കും. കോളജ് യൂണിയന്‍ ചെയര്‍മാന്‍ , യൂണിവേഴ്‌സിറ്റി യൂണിയന്‍ കൗണ്‍സിലര്‍മാര്‍ , സ്റ്റാഫ് അഡ്വൈസര്‍ എന്നിവരുടെ യോഗം ഇന്ന് രാവിലെ പത്തിന് കോളജില്‍ ചേരുമെന്ന് ചെയര്‍മാന്‍ അറിയിച്ചു.
കഥാരചന (മലയാളം, അറബി, സംസ്‌കൃതം, ഇംഗ്ലീഷ്, ഹിന്ദി, തമിഴ്, ഉറുദു), കവിതാരചന (മലയാളം, അറബി, ഉറുദു, തമിഴ്, ഹിന്ദി, ഇംഗ്ലീഷ്, സംസ്‌കൃതം), പ്രബന്ധ രചന (സംസ്‌കൃതം, ഉറുദു, ഇംഗ്ലീഷ്, ഹിന്ദി, മലയാളം, അറബി, തമിഴ്), പെന്‍സില്‍ ഡ്രോയിംഗ്, കാര്‍ട്ടൂണ്‍ , പോസ്റ്റര്‍ മേക്കിംഗ്, കൊളാഷ് എന്നിവയാണ് ഇന്നത്തെ ഇനങ്ങള്‍ .
മാത്തമാറ്റിക്‌സ് പഠനവകുപ്പില്‍ ജനകീയ പ്രഭാഷണ പരമ്പര
തേഞ്ഞിപ്പലം: കാലിക്കട്ട് സര്‍വകലാശാല മാത്തമാറ്റിക്‌സ് പഠനവിഭാഗം സംഘടിപ്പിക്കുന്ന ജനകീയ പ്രഭാഷണ പരമ്പര നാളെ ആരംഭിക്കും. തുടര്‍ന്നുള്ള ബുധനാഴ്ചകളിലും രാവിലെ പത്ത് മുതല്‍ ഒന്ന് വരെ മാത്തമാറ്റിക്‌സ് വിഭാഗം ഹാളിലായിരിക്കും പ്രഭാഷണങ്ങള്‍ .
സ്‌കൂള്‍ വിദ്യാർഥികള്‍ക്കും അധ്യാപകര്‍ക്കും പൊതുജനങ്ങള്‍ക്കും പ്രയോജനപ്രദമാകുന്ന രീതിയില്‍ മലയാളത്തില്‍ ലളിതമായാണ് പ്രഭാഷണങ്ങള്‍ അവതരിപ്പിക്കുക. മധ്യകാലം മുതല്‍ ഉള്ള കേരളത്തിന്‍റെ ഗണിത ചരിത്രം പ്രധാന നേട്ടങ്ങള്‍ , കണ്ടുപിടുത്തങ്ങള്‍ , ലോക നിലവാരമായുള്ള താരതമ്യം തുടങ്ങിയവയും ഉള്‍പ്പെടുന്നു.
ഫോണ്‍ : 9447791504.