ടീച്ചർ എഡ്യുക്കേഷൻ കേന്ദ്രങ്ങളിലെ അസിസ്റ്റന്റ് പ്രഫസർ അഭിമുഖം
ടീച്ചർ എഡ്യുക്കേഷൻ കേന്ദ്രങ്ങളിലെ വിവിധ വിഷയങ്ങളിൽ അസിസ്റ്റന്റ് പ്രഫസർ കരാർ നിയമനത്തിന് ഓണ്ലൈനായി അപേക്ഷിച്ച യോഗ്യരായവർക്കുള്ള അഭിമുഖം മേയ് മൂന്ന് മുതൽ പത്ത് വരെ സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ. ഫോണ് : 0494 2407106.
എസ്ഡിഇ മോഡിലേക്ക് മാറാത്തവർക്ക് രണ്ടാം സെമസ്റ്റർ പരീക്ഷക്ക് അപേക്ഷിക്കാനാവില്ല
201718 അധ്യയന വർഷത്തിൽ പ്രൈവറ്റ് രജിസ്ട്രേഷൻ വഴി വിവിധ ബിരുദ പ്രോഗ്രാമുകൾക്ക് (ബിഎ ഉറുദു, ബിഎ മൾട്ടീമീഡിയ ഒഴികെ) പ്രവേശനം നേടിയവർ രണ്ടാം സെമസ്റ്റർ പരീക്ഷക്ക് രജിസ്റ്റർ ചെയ്യുന്നതിന് മുന്പായി നിർബന്ധമായും വിദൂരവിദ്യാഭ്യാസ മോഡിലേക്ക് മാറേണ്ടതാണ്. 100 രൂപ പിഴയോടെ 30 വരെ അപേക്ഷിക്കാം. 30ന് ശേഷവും പ്രൈവറ്റ് രജിസ്ട്രേഷനിൽ തുടരുന്നവരെ രണ്ടാം സെമസ്റ്റർ പരീക്ഷക്ക് രജിസ്റ്റർ ചെയ്യാൻ അനുവദിക്കുന്നതല്ല. വിവരങ്ങൾ www.sdeuoc.ac.in വെബ്സൈറ്റിൽ. ഫോണ്: 0494 2400288, 2407494.
ഇസ്ലാമിക് സൈക്കോളജി കോഴ്സ് പ്രവേശനം
ഇസ്ലാമിക് ചെയർ നടത്തുന്ന ഇസ്ലാമിക് സൈക്കോളജി കോഴ്സിലേക്ക് പ്രവേശനമാഗ്രഹിക്കുന്നവർ മെയ് അഞ്ചിന് രാവിലെ 10.30ന് ചെയർ ഓഫീസിൽ നേരിട്ട് ഹാജരാവണം. വിവരങ്ങൾക്ക്: 9746904678, 9847325244.
പരീക്ഷാ അപേക്ഷ
ആറാം സെമസ്റ്റർ ബിആർക് (2009 മുതൽ 2011 വരെ പ്രവേശനം04 സ്കീം, 2012 മുതൽ പ്രവേശനം2012 സ്കീം) സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഏപ്രിൽ 30 വരെയും 150 രൂപ പിഴയോടെ മേയ് നാല് വരെയും അപേക്ഷിക്കാം.
പരീക്ഷാഫലം
അഞ്ചാം സെമസ്റ്റർ ബിഐഡി (2014 പ്രവേശനം) നവംബർ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് ആറ് വരെ അപേക്ഷിക്കാം.
ബിവോക് പ്രാക്ടിക്കൽ/ വൈവ
ആറാം സെമസ്റ്റർ ബി.വോക് പ്രാക്ടിക്കൽ/ വൈവാ വോസി മൾട്ടീമീഡിയ (2015 പ്രവേശനം) മെയ് അഞ്ചിന് തൃശൂർ സെന്റ് മേരീസ്, മാള കാർമൽ കോളജ് എന്നിവിടങ്ങളിലും ബ്രോഡ്കാസ്റ്റിംഗ് ജേർണലിസം മേയ് ഏഴിന് അരീക്കോട് സുല്ലമുസ്സലാം കോളേജിലും നടക്കും.
പുനർമൂല്യനിർണയ ഫലം
രണ്ടാം സെമസ്റ്റർ എംബിഎ ഇന്റർനാഷണൽ ഫിനാൻസ് ആൻഡ് ഹെൽത്ത് കെയർ മാനേജ്മെന്റ് ജൂണ് 2017 പരീക്ഷയുടെയും, നാലാം സെമസ്റ്റർ എംപിഎഡ് ജൂലൈ 2017 പരീക്ഷയുടെയും പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
ബികോം, ബിബിഎ മൂല്യനിർണയ ക്യാന്പ് മേയ് മൂന്ന് മുതൽ
ബികോം, ബിബിഎ, ബിടിഎച്ച്എം, ബിഎച്ച്എ (സിയുസിബിസിഎസ്എസ്) രണ്ടും ആറും സെമസ്റ്റർ മൂല്യനിർണയ ക്യാന്പുകൾ മേയ് മൂന്ന് മുതൽ താഴെ കൊടുത്ത കേന്ദ്രങ്ങളിൽ നടക്കും. ബിടിഎച്ച്എം/ ബിഎച്ച്എ ക്യാന്പ് നിലന്പൂർ അമൽ കോളജ് ഓഫ് അഡ്വാൻസ്ഡ് സ്റ്റഡീസിലാണ് നടക്കുക. കോഴിക്കോട് ഗവണ്മെന്റ് ആർട്സ് ആൻഡ് സയൻസ് കോളജിലെ ക്യാന്പ് കൊയിലാണ്ടി ആർഎസ്എംഎസ്എൻഡിപി യോഗം കോളജിലേക്ക് മാറ്റി. കോഴിക്കോട് (വടകര, മടപ്പള്ളി ഗവണ്മെന്റ് കോളജ്, കൊയിലാണ്ടി ആർഎസ്എംഎസ്എൻഡിപി യോഗം കോളജ്), വയനാട് (കൽപ്പറ്റ എൻഎംഎസ്എം ഗവണ്മെന്റ് കോളജ്), മലപ്പുറം (മലപ്പുറം ഗവണ്മെന്റ് കോളജ്, തിരൂരങ്ങാടി പിഎസ്എംഒ കോളജ്), പാലക്കാട് (മണ്ണാർക്കാട് എംഇഎസ് കല്ലടി കോളജ്, പട്ടാന്പി എസ്എൻജിഎസ് കോളജ്, പാലക്കാട് ഗവണ്മെന്റ് വിക്ടോറിയ കോളജ്), തൃശൂർ (കുട്ടനെല്ലൂർ ഗവണ്മെന്റ് കോളജ്, ചാലക്കുടി പിഎംജി കോളജ്). നിയമന ഉത്തരവ് പ്രിൻസിപ്പലിൽ നിന്ന് കൈപ്പറ്റണം. എല്ലാ അധ്യാപകരും നിർബന്ധമായും ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു. വിവരങ്ങൾ വെബ്സൈറ്റിൽ.
ഇന്ത്യയിലെ സൗദി അറേബ്യ അംബാസഡർ കാലിക്കട്ട് സർവകലാശാല സന്ദർശിച്ചു
തേഞ്ഞിപ്പലം: ഇന്ത്യയിലെ സൗദി അറേബ്യ അംബാസഡർ ഡോ. സൗദ് മുഹമ്മദ് അൽശാത്തിയും ഉന്നത സംഘവും കാലിക്കട്ട് സർവകലാശാല സന്ദർശിച്ചു. വൈസ് ചാൻസലർ ഡോ. കെ. മുഹമ്മദ് ബഷീർ, പ്രോവൈസ് ചാൻസലർ ഡോ. പി. മോഹൻ, രജിസ്ട്രാർ ഡോ. ടി.എ. അബ്ദുൽ മജീദ് എന്നിവർ ചേർന്ന് സ്വീകരിച്ചു.
സൗദി എംബസിയിലെ കൾച്ചറൽ അറ്റാഷെ ഡോ. അബ്ദുള്ള ശത്വി, ഫസ്റ്റ് സെക്രട്ടറി മാജിദ് അൽ ഹർബി, മുൻ അറ്റാഷെ അഹ്മദ് അലി അൽ റൂമി, സൗദിയിലെ ഇസ്ലാമികകാര്യ മന്ത്രാലയത്തിലെ ഉപദേശകൻ സുലൈമാൻ അൽ ബാത്ത്ലി, ഡോ. ഹുസൈൻ മടവൂർ എന്നിവരും സംഘത്തിലുണ്ടായിരുന്നു. സെനറ്റ് ഹാളിൽ നടന്ന ചടങ്ങിൽ സിൻഡിക്കറ്റ് അംഗങ്ങൾ, പഠനവകുപ്പ് മേധാവികൾ, ഡീൻമാർ, ഡയറക്ടർമാർ, കോളജ് പ്രിൻസിപ്പൽമാർ തുടങ്ങിയവർമാരുമായി അംബാസഡർ ആശയവിനിമയം നടത്തി. കാലിക്കട്ട് സർവകലാശാലയുമായി വിദ്യാഭ്യാസ രംഗത്ത് സഹകരണത്തിന് വിലയ സാധ്യതകളുണ്ടെന്ന് അദ്ദേഹം അറിയിച്ചു.
ഇന്ത്യയിലെ വിവിധ വിദ്യാഭ്യാസ സ്ഥാപനങ്ങളുമായി നിലവിൽ സൗദിയിലെ സർവകലാശാലകൾ അക്കഡേമിക് രംഗത്ത് സഹകരിക്കുന്നുണ്ട്. ഇത് സംബന്ധിച്ച് ലഭിക്കുന്ന നിർദ്ദേശങ്ങൾ പരിഗണിക്കുമെന്നും അദ്ദേഹം പറഞ്ഞു.
റോഡ് സുരക്ഷാവാരത്തിന്റെ ഭാഗമായി ക്വിസ് മത്സരം സംഘടിപ്പിച്ചു
തേഞ്ഞിപ്പലം: കാലിക്കട്ട് സർവകലാശാലാ കാന്പസിൽ റോഡ് സുരക്ഷാവാരത്തിന്റെ ഭാഗമായി ക്വിസ് മത്സരം സംഘടിപ്പിച്ചു. മോട്ടോർ വെഹിക്കിൾ ഇൻസ്പെക്ടർമാരായ അനുമോദ്കുമാർ, അജിൽകുമാർ, പബ്ലിക് റിലേഷൻസ് ഓഫീസർ എം.വി. സക്കറിയ എന്നിവർ ക്വിസ് നയിച്ചു.
വിജയികൾക്ക് വൈസ് ചാൻസലർ ഡോ.കെ. മുഹമ്മദ് ബഷീർ സമ്മാനദാനം നടത്തി. റോഡ് സുരക്ഷാവാരത്തിന്റെ ഭാഗമായി നേത്രപരിശോധനാ ക്യാന്പ് 26ന് കാലത്ത് പത്ത് മുതൽ നാല് വരെ സെമിനാർ കോംപ്ലക്സിൽ നടക്കും. 28ന് ഉച്ചക്ക് മൂന്നിന് ഡോക്യൂമെന്ററി പ്രദർശനവും റോഡ് ദുരന്തങ്ങൾ അതിജീവിച്ചവരുടെ അനുഭവവിവരണങ്ങളും ഉണ്ടാവും. 30ന് സമാപിക്കും. കാന്പസ് സമൂഹത്തിന് പുറമെ പൊതുജനങ്ങൾക്കും പ്രയോജനപ്രദമാകുന്ന വിധത്തിലാണ് പരിപാടി സംഘടിപ്പിക്കുന്നത്.
ഗോത്രവർഗ വിദ്യാർഥികൾക്ക് ഫിനിഷിംഗ് സ്കൂൾ ആരംഭിച്ചു
തേഞ്ഞിപ്പലം: വയനാട് ജില്ലയിലെ ചെതലയത്ത് പ്രവർത്തിക്കുന്ന കാലിക്കട്ട് സർവകലാശാലാ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ നിന്നും ബിരുദം പൂർത്തിയാക്കിയ ഗോത്രവർഗ വിദ്യാർഥികൾക്ക് കേരള സർക്കാരിന്റെ കീഴിലുള്ള സ്വയംഭരണ സ്ഥാപനമായ സെന്റർ ഫോർ റിസർച്ച് ആൻഡ് എഡ്യുക്കേഷൻ ഫോർ സോഷ്യൽ ട്രാൻസ്ഫർമേഷൻ നടത്തുന്ന 45 ദിവസത്തെ ഫിനിഷിംഗ് സ്കൂൾ വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്തു.
പ്രോഗ്രാം കോർഡിനേറ്റർ ടി.വൈ. വിനോദ് കൃഷ്ണൻ, ക്രസ്റ്റ് അഡ്മിനിസ്ട്രേറ്റീവ് ഓഫീസർ കെ.പി. ശശികുമാർ, ഐ.ടി.എസ്.ആർ. ഡയറക്ടർ ഡോ.ഇ. പുഷ്പലത, മുജീബ്, അനൂപ്, ജയപ്രകാശ്, രഞ്ജിത് തുടങ്ങിയവർ പ്രസംഗിച്ചു.