എംബിഎ പ്രവേശന പരീക്ഷയ്ക്ക് അപേക്ഷിക്കാം
എംബിഎ പ്രവേശനത്തിന് കെ മാറ്റ് കേരള പരീക്ഷയ്ക്ക് http://kmatkerala.in/ വെബ്സൈറ്റ് വഴി ജൂണ് ഏഴ് വരെ അപേക്ഷിക്കാം. കെ മാറ്റ് കേരള, സി മാറ്റ്, ക്യാറ്റ് എന്നീ പ്രവേശന പരീക്ഷകൾ വഴി മാത്രമെ കാലിക്കട്ട് സർവകലാശാലയിൽ എംബിഎക്ക് പ്രവേശനം ലഭിക്കൂ. അവസാന വർഷ ബിരുദ വിദ്യാർഥികൾക്കും ഫലം കാത്തിരിക്കുന്നവർക്കും കെ മാറ്റ് കേരള പ്രവേശന പരീക്ഷയ്ക്ക് അപേക്ഷിക്കാം. വിവരങ്ങൾക്ക് പ്രവേശന മേൽനോട്ട സമിതി തിരുവനന്തപുരം ഓഫീസുമായി (8547255133) ബന്ധപ്പെടണം.
യുജി രണ്ടാം സെമസ്റ്റർ കോണ്ടാക്ട് ക്ലാസ്/പഠനസാമഗ്രി വിതരണം
വിദൂരവിദ്യാഭ്യാസം യുജി (സിയുസിബിസിഎസ്എസ്) രണ്ടാം സെമസ്റ്റർ (2017 പ്രവേശനം) പഠനസാമഗ്രി വിതരണം 28ന് നടക്കും. കോണ്ടാക്ട് ക്ലാസ് 29ന് ആരംഭിക്കും. (ബിഎസ് സി മാത്തമാറ്റിക്സ് കോണ്ടാക്ട് ക്ലാസ് 28ന് ഉച്ചയ്ക്ക് ശേഷം നടക്കും.) ക്യൂടെക് കേന്ദ്രങ്ങളിൽ കോണ്ടാക്ട് ക്ലാസും പഠനസാമഗ്രി വിതരണവും ഉണ്ടാവില്ല. വിവരങ്ങൾ വെബ്സൈറ്റിൽ. ഫോൺ: 0494 2407494, 2407288.
പരീക്ഷ
അദീബെ ഫാസിൽ ഫൈനൽ (2007 മുതൽ പ്രവേശനം) റഗുലർ/സപ്ലിമെന്ററി പരീക്ഷ മേയ് 21ന് ആരംഭിക്കും.
പരീക്ഷാഫലം
2017 ഡിസംബറിൽ നടത്തിയ ഒന്നാം സെമസ്റ്റർ എംഎ ഹിന്ദി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് ഏഴുവരെ അപേക്ഷിക്കാം.
ബിഎസ്സി/ ബിസിഎ മൂല്യനിർണയ ക്യാന്പ്
രണ്ടും ആറും സെമസ്റ്റർ ബിഎസ്സി/ബിസിഎ (സിയുസിബിസിഎസ്എസ്) ഏപ്രിൽ 2017/2018 പരീക്ഷകളുടെ മൂല്യനിർണയ ക്യാന്പുകൾ വിവിധ കേന്ദ്രങ്ങളിൽ മേയ് മൂന്നുമുതൽ നടക്കും. അഫിലിയേറ്റഡ്/ഓട്ടോണമസ് കോളജുകളിലെ ബന്ധപ്പെട്ട അധ്യാപകർ പങ്കെടുക്കണം.ക്യാന്പിൽ നിന്ന് വിട്ടുനിൽക്കുന്നത് ഗുരുതര കൃത്യവിലോപമായി കണക്കാക്കി നടപടി സ്വീകരിക്കുമെന്ന് പരീക്ഷാ കണ്ട്രോളർ അറിയിച്ചു.