ഒക്യുപേഷണൽ തെറാപിസ്റ്റ് നിയമനം
സൈക്കോളജി പഠനവകുപ്പിലെ കമ്മ്യൂണിറ്റി ഡിസെബിലിറ്റി മാനേജ്മെന്റ് ആൻഡ് റീഹാബിലിറ്റേഷൻ പ്രോഗ്രാമിൽ (സിഡിഎംആർപി) ഒക്യുപേഷണൽ തെറാപിസ്റ്റ് (രണ്ട്) തസ്തികയിൽ കരാർ നിയമനത്തിന് അപേക്ഷ ക്ഷണിച്ചു. യോഗ്യത: അംഗീകൃത സർവകലാശാലകളിൽ നിന്നുള്ള ബിഒടി ബിരുദം. പ്രതിമാസ മൊത്ത വേതനം: 32,250 രൂപ. വെള്ള പേപ്പറിൽ തയ്യാറാക്കിയ അപേക്ഷ, ബയോഡാറ്റ, ഫോട്ടോ, യോഗ്യതയും പ്രവൃത്തി പരിചയവും തെളിയിക്കുന്ന സർട്ടിഫിക്കറ്റുകളുടെ ഗസറ്റഡ് ഓഫീസർ സാക്ഷ്യപ്പെടുത്തിയ പകർപ്പുകൾ എന്നിവ സഹിതം മേയ് പത്തിനകം ലഭിക്കണം. വിലാസം: ഡയറക്ടർസിഡിഎംആർപി, ഡിപ്പാർട്ടുമെന്റ് ഓഫ് സൈക്കോളജി, കാലിക്കട്ട് യൂണിവേഴ്സിറ്റി പിഒ, 673635. വിവരങ്ങൾ സർവകലാശാലാ വെബ്സൈറ്റിൽ (www.universityofcalicut.info).
ബിആർക് പരീക്ഷാകേന്ദ്രത്തിൽ മാറ്റം
ബിആർക് ഒന്ന്, രണ്ട് സെമസ്റ്റർ (2012, 2017 സ്കീം) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് കളൻതോട് കെഎംസിടി എൻജിനിയറിംഗ് കോളജിൽ രജിസ്റ്റർ ചെയ്തവർ ചേലേന്പ്ര ദേവകി അമ്മാസ് ഗുരുവായൂരപ്പൻ കോളജ് ഓഫ് ആർക്കിടെക്ചറിലാണ് പരീക്ഷയ്ക്ക് ഹാജരാകേണ്ടത്. ഹാൾടിക്കറ്റ് രണ്ട് കേന്ദ്രങ്ങളിൽ നിന്നും ലഭിക്കും.
സ്പെഷൽ സപ്ലിമെന്ററി പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ ഒന്ന്, രണ്ട്, മൂന്ന്, നാല് സെമസ്റ്റർ എംഎസ് സി ഫിസിക്സ് (സിയുസിഎസ്എസ്, 2010, 2011 പ്രവേശനം2010 സ്കീം) വിദ്യാർഥികൾക്ക് സ്പെഷൽ സപ്ലിമെന്ററി പരീക്ഷയ്ക്ക് മേയ് പത്ത് വരെ ഓണ്ലൈനായി അപേക്ഷിക്കാം. പരീക്ഷാ ഫീ: പേപ്പറൊന്നിന് 2500 രൂപ. പരീക്ഷാ കേന്ദ്രം: കാലിക്കട്ട് സർവകലാശാലാ കാന്പസ്. അപേക്ഷ, ചലാൻ സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്ററി എക്സാം യൂണിറ്റ്, പരീക്ഷാഭവൻ, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ മേയ് 12നകം ലഭിക്കണം.
പരീക്ഷ
ബിപിഎഡ് ഇന്റഗ്രേറ്റഡ് നാലാം വർഷ റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ മേയ് 15ന് ആരംഭിക്കും.
പരീക്ഷാഫലം
2017 നവംബറിൽ നടത്തിയ ഒന്നാം സെമസ്റ്റർ എംഎ ഇംഗ്ളീഷ് (സിസിഎസ്എസ്) പരീക്ഷാഫലം വെബ്സൈറ്റിൽ. 2017 ഡിസംബറിൽ നടത്തിയ മൂന്നാം സെമസ്റ്റർ എംഎസ് സി ഫാഷൻ ആൻഡ് ടെക്സ്റ്റൈൽ ഡിസൈനിംഗ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് പത്ത് വരെ അപേക്ഷിക്കാം.
പുനർമൂല്യനിർണയ ഫലം
ഏഴാം സെമസ്റ്റർ ബിബിഎ എൽഎൽബി, മൂന്നാം സെമസ്റ്റർ എൽഎൽബി (യൂണിറ്ററി) 2017 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
മൂല്യനിർണയ ക്യാന്പ്
ആറാം സെമസ്റ്റർ (ഏപ്രിൽ 2018), രണ്ടാം സെമസ്റ്റർ (മേയ് 2017) ബിഎ/ ബിഎസ്ഡബ്ല്യൂ/ ബിവിസി/ ബിടിടിഎം/ ബിടിഎഫ്പി/ ബിഎ അഫ്സൽഉൽഉലമ (സിയുസിബിസിഎസ്എസ്) പരീക്ഷകളുടെ മൂല്യനിർണയ ക്യാന്പ് മേയ് മൂന്നിന് വിവിധ കേന്ദ്രങ്ങളിൽ ആരംഭിക്കും. വെബ്സൈറ്റിൽ നൽകിയിട്ടുള്ള ലിസ്റ്റ് പരിശോധിച്ച് ക്യാന്പിൽ ഹാജരാകണം. നിയമന ഉത്തരവ് പ്രിൻസിപ്പൽ/ കോളജിൽ നിന്ന് കൈപ്പറ്റി എല്ലാ അധ്യാപകരും നിർബന്ധമായും ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.