പിജി ഡിപ്ലോമ ഇന്‍ ഹിന്ദി വൈവാവോസി
പിജി ഡിപ്ലോമ ഇന്‍ ട്രാന്‍സ്‌ലേഷന്‍ ആൻഡ് സെക്രട്ടേറിയല്‍ പ്രാക്ടീസ് ഇന്‍ ഹിന്ദി (2016 പ്രവേശനം) വൈവാവോസി 18ന് രാവിലെ 10ന് ഹിന്ദി പഠന വകുപ്പില്‍ നടക്കും.
പരീക്ഷാ ഫലം
2017 ഏപ്രിലില്‍ നടത്തിയ നാലാം സെമസ്റ്റര്‍ ബിആര്‍ക്ക് (04 സ്‌കീം)2009,2010, 2011 പ്രവേശനം സപ്ലിമെന്‍ററി, 12 സ്‌കീം റഗുലര്‍, ഇംപ്രൂവ്‌മെന്‍റ്, സപ്ലിമെന്‍ററി പരീക്ഷാ ഫലം വെബ്‌സൈറ്റില്‍. പുനര്‍ മൂല്യനിര്‍ണയത്തിന് 30 വരെ അപേക്ഷിക്കാം.
2017 ഡിസംബറില്‍ നടത്തിയ മൂന്നാം സെമസ്റ്റര്‍ എംഎസ്‌സി ബോട്ടണിസിയുസിഎസ്എസ് പരീക്ഷാ ഫലം വെബ്‌സൈറ്റില്‍. പുനര്‍ മൂല്യനിര്‍ണയത്തിന് 26 വരെ അപേക്ഷിക്കാം.
സമ്മര്‍ കോച്ചിംഗ് ക്യാന്പ് ഇന്ന് സമാപിക്കും
തേഞ്ഞിപ്പലം: അവധിക്കാല കോച്ചിംഗ് ക്യാമ്പ് ഇന്ന് സമാപിക്കും. അത്‌ലറ്റിക്‌സ്, ഫുട്‌ബോള്‍, ബാഡ്മിന്‍റണ്‍, ചെസ്, ഹാന്‍ഡ്ബോള്‍, ഖോഖോ, ക്രിക്കറ്റ്, ജൂഡോ, സോഫ്റ്റ്‌ബോള്‍, തായ്ക്വോണ്ടോ, ബോക്‌സിംഗ്, വോളിബോള്‍, ബാസ്‌കറ്റ്ബോള്‍ എന്നീ ഇനങ്ങളിലായി 400 കുട്ടികള്‍ പങ്കെടുത്തു. ഇവര്‍ക്കുള്ള സര്‍ട്ടിഫിക്കറ്റും ജഴ്‌സിയും രാവിലെ 10.30ന് വൈസ്ചാന്‍സലര്‍ ഡോ. കെ. മുഹമ്മദ് ബഷീര്‍ വിതരണം ചെയ്യും.
കാലിക്കട്ട് സർവകലാശാലയിൽ ഭിന്നശേഷിക്കാര്‍ക്ക് പ്രത്യേക കേന്ദ്രം സ്ഥാപിക്കുമെന്ന്
തേഞ്ഞിപ്പലം: മാനസിക വെല്ലുവിളികള്‍ നേരിടുന്നവര്‍ക്കായി കാലിക്കട്ട് സര്‍വകലാശാലയില്‍ പ്രത്യേക കേന്ദ്രം സ്ഥാപിക്കുമെന്ന് വൈസ്ചാന്‍സലര്‍ ഡോ.കെ.മുഹമ്മദ് ബഷീര്‍. സംസ്ഥാന സാമൂഹിക നീതി വകുപ്പും സര്‍വകലാശാലാ സൈക്കോളജി പഠനവകുപ്പും സംയുക്തമായി നടപ്പാക്കുന്ന കമ്യൂണിറ്റി ഡിസെബിലിറ്റി മാനേജ്‌മെന്‍റ് ആൻഡ് റീഹാബിലിറ്റേഷന്‍ പ്രോഗ്രാമും ഫിസിയോതെറാപ്പി അധ്യാപക കൂട്ടായ്മയായ സിഎസ്പിടിയും ചേര്‍ന്ന് സംഘടിപ്പിച്ച ദേശീയ ശില്‍പ്പശാല ഉദ്ഘാടനം ചെയ്യുകയായിരുന്നു അദ്ദേഹം.
സൈക്കോളജി പഠനവകുപ്പിന്‍റെ ഭാഗമായി നടപ്പാക്കിക്കൊണ്ടിരിക്കുന്ന പദ്ധതി വിപുലപ്പെടുത്തിയാണ് പ്രത്യേക കേന്ദ്രം സ്ഥാപിക്കുക. കാമ്പസില്‍ മാത്രമായിരുന്ന സിഡിഎംആര്‍പി യുടെ പ്രവര്‍ത്തനം ഇപ്പോള്‍ കണ്ണൂര്‍, കോഴിക്കോട്, മലപ്പുറം ജില്ലകളിലേക്കും വ്യാപിപ്പിച്ചിട്ടുണ്ട്.
സെറിബ്രല്‍ പാള്‍സി, ഓട്ടിസം, പഠന വൈകല്യം, ബഹുവിധ വൈകല്യം, ബുദ്ധിമാന്ദ്യം എന്നിവ മൂലം പ്രയാസപ്പെടുന്ന കുട്ടികള്‍ക്കും രക്ഷിതാക്കള്‍ക്കും ചികിത്സാ പുനരധിവാസ പ്രവര്‍ത്തനങ്ങളും വിദഗ്ധ പരിശീനവും സൗജന്യമായി നൽകുന്നുണ്ട്. ക്ലിനിക്കല്‍ സൈക്കോളജിസ്റ്റ്, ഒക്കുപ്പേഷണല്‍ തെറപ്പിസ്റ്റ്, ഫിസിയോതെറപ്പിസ്റ്റ്, സ്പീച്ച് ലാംഗ്വേജ് പത്തോളജിസ്റ്റ് ആൻഡ് ഓഡിയോളജിസ്റ്റ്, സ്‌പെഷൽ എഡ്യുക്കേറ്റര്‍ എന്നീ വിഭാഗങ്ങള്‍ ചേര്‍ന്നാണ് പ്രവര്‍ത്തിക്കുന്നത്. കമ്യൂണിറ്റി ബേസ്ഡ് ഏര്‍ളി ഇന്‍റര്‍വെന്‍ഷന്‍ ക്ലിനിക്ക്, പ്രാഗ്മാറ്റിക് സോഷ്യല്‍ സ്‌കില്‍ ട്രെയ്‌നിംഗ്, അഡ്വാന്‍സ്ഡ് ഓട്ടിസം ക്ലിനിക്ക്, അഡ്വാന്‍സ്ഡ് ലേണിംഗ് ക്ലിനിക്, പാരന്‍റ്സ് മീഡിയേറ്റഡ് ഫിസിയോതെറപ്പി, പാരന്‍റ്സ് മീഡിയേറ്റഡ് എഡിഎല്‍ ട്രെയ്‌നിംഗ് തുടങ്ങിയ സേവനങ്ങള്‍ ലഭിക്കും.
സൈക്കോളജി പഠന വകുപ്പ് മേധാവി പ്രഫ. കെ.മണികണ്ഠന്‍ അധ്യക്ഷത വഹിച്ചു. ന്യൂഡല്‍ഹി എയിംസിലെ ന്യൂറോ ഫിസിയോതെറപ്പി വിഭാഗം മേധാവി പ്രഭാത് രഞ്ജന്‍, പഞ്ചാബ് ലൗലി പ്രഫഷണല്‍ യൂണിവേഴ്‌സിറ്റി ഗവേഷണ ഗൈഡ് ഡോ.ഉമാശങ്കര്‍ മൊഹന്ദി, ഹാരിഷ് എസ്. കൃഷ്ണ, ജെ. ആന്‍ഡ്രൂസ് മില്‍ട്ടണ്‍, ഡെന്നീ ഡേവിസ്, നിസി മറിയം വര്‍ഗീസ് തുടങ്ങിയവര്‍ പങ്കെടുത്തു.