ബിരുദ പ്രവേശനം: ഒന്നാം അലോട്ട്മെന്റ് പ്രസിദ്ധീകരിച്ചു
ബിരുദ പ്രവേശനം ഒന്നാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവർ മാൻഡേറ്ററി ഫീസ് (ജനറൽ വിഭാഗം 450 രൂപ, എസ് സി/ എസ്ടി 105 രൂപ) അടച്ച് അലോട്ട്മെന്റ് ഉറപ്പാക്കണം. ഫീസ് അടക്കുന്നതിനുളള ലിങ്ക് 13 മുതൽ 16 വരെ ലഭ്യമാകും. അലോട്ട്മെന്റ് ലഭിച്ചിട്ടും മാൻഡേറ്ററി ഫീസ് അടക്കാത്തവർക്ക് നിലവിൽ ലഭിച്ച അലോട്ട്മെന്റ് നഷ്ടമാവുന്നതും തുടർന്നുളള അലോട്ട്മെന്റ് പ്രക്രിയയിൽ നിന്ന് പുറത്താകുന്നതുമാണ്. പിന്നീട് അലോട്ട്മെന്റ് പ്രക്രിയിൽ തിരികെ പ്രവേശിക്കാനാവില്ല. ലഭിച്ച ഓപ്ഷനിൽ തൃപ്തരായവർ ഹയർ ഓപ്ഷനുകൾക്ക് പരിഗണിക്കേണ്ടതില്ലെങ്കിൽ നിർബന്ധമായും ഹയർ ഓപ്ഷൻ റദ്ദ് ചെയ്യണം. ഹയർ ഓപ്ഷനുകൾ നിലനിർത്തുന്ന പക്ഷം അവയിൽ ഏതെങ്കിലും ഒന്നിലേക്ക് തുടർന്ന് അലോട്ട്മെന്റ് ലഭിച്ചാൽ അത് നിർബന്ധമായും സ്വീകരിക്കേണ്ടതാണ്. ഇതോടെ മുന്പ് ലഭിച്ചിരുന്ന അലോട്ട്മെന്റ് നഷ്ടപ്പെടും. അത് യാതൊരു കാരണവശാലും പുനഃസ്ഥാപിച്ചു നൽകുന്നതല്ല. ഹയർ ഓപ്ഷനുകൾ ഭാഗികമായി റദ്ദാക്കുന്നതിന് വിദ്യാർഥികൾ സ്വന്തം ലോഗിൻ വിവരങ്ങൾ ഉപയോഗിച്ച് ലോഗിൻ ചെയ്തതിന് ശേഷം ആവശ്യമില്ലാത്ത ഓപ്ഷനുകൾ റദ്ദാക്കണം.
എല്ലാ ഹയർ ഓപ്ഷനുകളും റദ്ദാക്കാൻ നോഡൽ സെന്ററുകൾ മുഖാന്തരം മാത്രമേ സാധ്യമാവുകയുള്ളൂ. ഒന്നാമത്തെ ഓപ്ഷൻ ലഭിച്ചവർക്കും ലഭിച്ച ഓപ്ഷനിൽ തൃപ്തരായവർക്കും അഡ്മിറ്റ് കാർഡ് ലഭ്യമാവും. ലഭിച്ച ഓപ്ഷനിൽ തൃപ്തരായവർക്ക് അഡ്മിറ്റ് കാർഡ് ലഭിക്കുന്നതിന് എല്ലാ ഹയർ ഓപ്ഷനുകളും റദ്ദ് ചെയ്യണം. അഡ്മിറ്റ് കാർഡ് എടുത്തവർ സ്ഥിരം പ്രവേശനത്തിനായി 19 മുതൽ 22ന് ഉച്ചയ്ക്ക് രണ്ടിനകം അലോട്ട്മെന്റ് ലഭിച്ച കോളജിൽ റിപ്പോർട്ട് ചെയ്യണം.
യുജി/പിജി പ്രവേശന പരീക്ഷകളുടെ പുതുക്കിയ സമയക്രമം
മാറ്റിവെച്ച എല്ലാ യുജി/പിജി പ്രവേശന പരീക്ഷകളുടെയും പുതുക്കിയ സമയക്രമം www.cuonline.ac.in വെബ്സൈറ്റിൽ ലഭ്യമാണ്. 13ന് എംഎസ് സി അപ്ലൈഡ് കെമിസ്ട്രി (10.30 മുതൽ 12.30 വരെ), ബികോം ഓണേഴ്സ്, എംഎ അറബിക് (രണ്ട് മുതൽ നാല് വരെ) എന്നീ പ്രവേശന പരീക്ഷകൾ നടക്കും. മുന്പ് ഡൗണ്ലോഡ് ചെയ്ത ഹാൾടിക്കറ്റുള്ളവർ അതുതന്നെ പരീക്ഷയ്ക്ക് ഉപയോഗിക്കേണ്ടതാണ്. ഹാൾടിക്കറ്റിൽ നൽകിയ പരീക്ഷാ സെന്റർ, തിയതി, സമയം എന്നിവയിലെ മാറ്റം വെബ്സൈറ്റ് നോക്കി ഉറപ്പു വരുത്തണം. ഫോണ് : 0494 2407016, 2407017.
പുനർമൂല്യനിർണയ ഫലം
എൽഎൽബി ഒന്നാം സെമസ്റ്റർ (ത്രിവത്സരം), അഞ്ചാം സെമസ്റ്റർ (പഞ്ചവത്സരം) മെയ് 2017, ആറാം സെമസ്റ്റർ (ത്രിവത്സരം), പത്താം സെമസ്റ്റർ (പഞ്ചവത്സരം) നവംബർ 2017, പത്താം സെമസ്റ്റർ ബി.ബി.എഎൽ.എൽ.ബി നവംബർ 2017, രണ്ടാം സെമസ്റ്റർ എൽഎൽഎം മാർച്ച് 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
സ്പെഷൽ പരീക്ഷ
കൊടുവള്ളി സിഎച്ച്എംകെഎം ഗവണ്മെന്റ് ആർട്സ് ആൻഡ് സയൻസ് കോളജിലെയും മലപ്പുറം ഡൗണ്ഹിൽ ഗവണ്മെന്റ് ആർട്സ് ആന്റ് സയൻസ് കോളജിലെയും നാലാം സെമസ്റ്റർ യുജി കോമണ് കോഴ്സ് യുആർഡി 4എ 10 (1)തഹ്സീബ് ഒ തമദ്ദും സ്പെഷൽ പരീക്ഷ 13ന് സർവകലാശാലാ കാന്പസിൽ നടക്കും.
പരീക്ഷാഫലം
2017 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎസ് സി പോളിമർ കെമിസ്ട്രി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
പാലക്കാട് ജില്ല: ബിഎസ് സി ബോട്ടണി/ ഫിസിക്സ് എക്സാമിനേഴ്സ് മീറ്റിംഗ്
നാലാം സെമസ്റ്റർ ബി.എസ്.സി ബോട്ടണി (സിയുസിബിസിഎസ്എസ്) പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ ബോട്ടണി അധ്യാപകർ പാലക്കാട് ഗവണ്മെന്റ് വിക്ടോറിയ കോളജിലും, നാലാം സെമസ്റ്റർ ബിഎസ് സി ഫിസിക്സ് (സിയുസിബിസിഎസ്എസ്) എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ ഫിസിക്സ് അധ്യാപകർ ഒറ്റപ്പാലം എൻഎസ്എസ് കോളജിലും 18ന് രാവിലെ 10.30ന് ഹാജരാകണം.