ബിഎഡ് പ്രവേശന റാങ്ക് ലിസ്റ്റ് ഇന്ന് പ്രസിദ്ധീകരിക്കും
ബിഎഡ് പ്രവേശനത്തിന് ഓണ്ലൈനായി അപേക്ഷിച്ചവരുടെ റാങ്ക് ലിസ്റ്റ് ഇന്ന് വൈകുന്നേരം മൂന്നിന് പ്രസിദ്ധീകരിക്കും. വെബ്സൈറ്റ് www.cuonline.ac.in. ക്യാപ് ഐഡിയും പാസ്വേർഡും ഉപയോഗിച്ച് റാങ്ക് വിവരം പരിശോധിക്കാം. ഫോണ്: 0494 2407016, 2407017.
മാർക്ക് ലിസ്റ്റ് വിതരണം
വിദൂരവിദ്യാഭ്യാസം എംഎ ഇംഗ്ളീഷ് അവസാന വർഷ (നോണ് സെമസ്റ്റർ) ഏപ്രിൽ 2017 പരീക്ഷയുടെ മാർക്ക് ലിസ്റ്റുകളും പ്രൊവിഷണൽ സർട്ടിഫിക്കറ്റുകളും പരീക്ഷാ കേന്ദ്രങ്ങളിൽ ലഭ്യമാണ്. താഴെ കൊടുത്ത കോളജുകളിൽ പരീക്ഷയ്ക്ക് ഹാജരായവർ ബ്രാക്കറ്റിൽ കാണുന്ന കേന്ദ്രങ്ങളിൽ നിന്ന് കൈപ്പറ്റണം. ഗുരുവായൂർ ശ്രീ കൃഷ്ണ കോളജ്, തൃശൂർ ഗവ. കോളജ് (തൃശൂർ സെന്റ് തോമസ് കോളജ്), മുക്കം എംഎഎംഒ കോളജ് (ദേവഗിരി സെന്റ് ജോസഫ്സ് കോളജ്), വളാഞ്ചേരി കെഎംസിടി കോളജ് (തിരൂരങ്ങാടി പിഎസ്എംഒ കോളജ്), മൊകേരി ഗവണ്മെന്റ് കോളജ് (മടപ്പള്ളി ഗവണ്മെന്റ് കോളജ്).
ഹാൾടിക്കറ്റ്
27ന് ആരംഭിക്കുന്ന രണ്ടാം വർഷ ബിഎസ് സി (പാർട്ട് മൂന്ന് സബ്സിഡിയറി) സപ്ലിമെന്ററി/ ഇംപ്രൂവ്മെന്റ് പരീക്ഷയുടെ ഹാൾടിക്കറ്റ് ഇന്നു മുതൽ ലഭിക്കും. താഴെ കൊടുത്ത ജില്ലകളിലെ കോളജുകളിൽ അപേക്ഷിച്ചവർ ബ്രാക്കറ്റിൽ കാണുന്ന കേന്ദ്രത്തിൽ നിന്നും ഹാൾടിക്കറ്റ് കൈപ്പറ്റി അവിടെതന്നെ പരീക്ഷ എഴുതണം. പാലക്കാട് (പാലക്കാട് ഗവണ്മെന്റ് വിക്ടോറിയ കോളജ്), മലപ്പുറം (തിരൂരങ്ങാടി പിഎസ്എംഒ കോളജ്), തൃശൂർ (തൃശൂർ ശ്രീ കേരളവർമ്മ കോളജ്), വയനാട് (സുൽത്താൻ ബത്തേരി സെന്റ് മേരീസ് കോളജ്), കോഴിക്കോട്, കണ്ണൂർ (കോഴിക്കോട് ഗവണ്മെന്റ് ആർട്സ് ആന്ഡ് സയൻസ് കോളജ്). വിവരങ്ങൾ വെബ്സൈറ്റിൽ.
പിജി സംസ്കൃതം പ്രവേശനം
സംസ്കൃത പഠനവിഭാഗത്തിലെ പിജി (ജനറൽ) പ്രവേശനം ജൂലൈ നാലിന് രാവിലെ 10.30ന് പഠനവിഭാഗത്തിൽ നടക്കും. യോഗ്യരായവരുടെ വിവരം വെബ്സൈറ്റിൽ.
വൈവാ വോസി
വിദൂരവിദ്യാഭ്യാസം ഫൈനൽ എംഎ മലയാളം വൈവാ വോസി ജൂലൈ മൂന്ന് മുതൽ പരീക്ഷാഭവൻ കോണ്ഫറൻസ് ഹാളിലും (നോർത്ത് സോണ്), തൃശൂർ ശ്രീ കേരളവർമ്മ കോളജിലും (സൗത്ത് സോണ്) നടക്കും. ഷെഡ്യൂൾ വെബ്സൈറ്റിൽ.
റഷ്യൻ ലാംഗ്വേജ് പിജി ഡിപ്ലോമ, സർട്ടിഫിക്കറ്റ് കോഴ്സുകളുടെ വൈവാ വോസി 23ന് പഠനവകുപ്പിൽ നടക്കും.
പരീക്ഷ
ഒന്നാം വർഷ ബിഎസ് സി മെഡിക്കൽ ബയോകെമിസ്ട്രി, മെഡിക്കൽ മൈക്രോബയോളജി, മെഡിക്കൽ ലബോറട്ടറി ടെക്നോളജി പരീക്ഷ 28ന് ആരംഭിക്കും.
എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ് സി കെമിസ്ട്രി (സിയുസിബിസിഎസ്എസ്) എക്സാമിനേഴ്സ് മീറ്റിംഗിന് കോഴിക്കോട്, വയനാട് ജില്ലകളിലെ കോളജുകളിലെ അധ്യാപകർ ഇന്ന് രാവിലെ 11ന് കോഴിക്കോട് മലബാർ ക്രിസ്ത്യൻ കോളജിൽ ഹാജരാകണം.