ബിരുദ പ്രവേശനം മൂന്നാം അലോട്ട്മെൻറ് പ്രസിദ്ധീകരിച്ചു
കണ്ണൂർ സർവകലാശാല ബിരുദ ഏകജാലക പ്രവേശനത്തിനുള്ള മൂന്നാം അലോട്ട്മെൻറ് പ്രസിദ്ധീകരിച്ചു. അലോട്ട്മെൻറ് ലഭിച്ച അപേക്ഷകർ സർവകലാശാലാ ഫീസ് എസ്ബിഐ കളക്‌ട് മുഖാന്തിരം മാത്രം അടച്ച് ഫീസടച്ച വിവരങ്ങൾ വെബ്സൈറ്റിൽ ലോഗിൻ ചെയ്ത് അപ് ലോഡ് ചെയ്യേണ്ടതാണ്. അല്ലാത്തപക്ഷം ലഭിച്ച അലോട്ട്മെൻറ് റദ്ദാകുന്നതായിരിക്കും. ഒന്ന്, രണ്ട് അലോട്ട്മെൻറുകളിൽ അലോട്ട്മെൻറ് ലഭിച്ച് ഫീസ് അടച്ച് ഫീസ് ഒടുക്കിയ വിവരങ്ങൾ അപ് ലോഡ് ചെയ്ത വിദ്യാർഥികൾ വീണ്ടും ഫീസ് അടയ്ക്കേണ്ടതില്ല. അലോട്ട്മെൻറ് മെമ്മോ വെബ്സൈറ്റിൽ നിന്നും ഡൗണ്ലോഡ് ചെയ്ത് ആവശ്യമായ രേഖകൾ സഹിതം അതതു കോളജിൽ പ്രവേശനം നേടേണ്ടതാണ്. സയൻസ് വിഷയങ്ങൾക്ക് ജൂണ്‍ 26,27 തീയ്യതികളിലും, കൊമേഴ്സ് വിഷയങ്ങൾക്ക് 28നും,ആർട്സ്, ലാൻഗ്വേജ് വിഷയങ്ങൾക്ക് 29,30 തീയതികളിലുമാണ് പ്രവേശനത്തിനായി കോളജുകളിൽ ഹാജരാകേണ്ടത്. ഫോൺ: 0497 2715261, 04972715284, 9446382340.
എംസിഎ ഒഴിവ്
മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഐടി ഡിപ്പാർട്ട്മെന്‍റിൽ എംസിഎ (റഗുലർ ത്രിവത്സര കോഴ്സ്), എംസിഎ (ലാറ്ററൽ എൻട്രി ദ്വിവത്സര കോഴ്സ്) കോഴ്സുകളിൽ എസ്‌സി/എസ്ടി, എൻആർഐ ക്വാട്ടകളിൽ ഏതാനും സീറ്റുകൾ ഒഴിവുണ്ട്. വിശദവിവരങ്ങൾക്ക് മാങ്ങാട്ടുപറന്പ് കാന്പസിലെ ഐടി വിഭാഗവുമായി ബന്ധപ്പെടുക. ഫോൺ: 0497 2784535.
എംഎസ് സി ജ്യോഗ്രഫി പ്രവേശനം
ഭൂമിശാസത്രവിഭാഗത്തിൽ എംഎസ് സി ഭൂമിശാസ്ത്രത്തിൽ എസ് സി വിഭാഗക്കാർക്ക് സീറ്റ് ഒഴിവുണ്ട്. യോഗ്യരായവർ അസൽ പ്രമാണങ്ങൾ സഹിതം പയ്യന്നൂർ സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഭൂമിശാസ്ത്ര വകുപ്പിൽ ജൂലൈ രണ്ടിന് രാവിലെ 11 ന് ഹാജരാകണം.
ബിടെക് ഹാൾടിക്കറ്റ്
ജൂലായ് 27ന് ആരംഭിക്കുന്ന ബിടെക് ആറാം സെമസ്റ്റർ (സപ്ലിമെന്‍ററി/ഇംപ്രൂവ്മെന്‍റ് പാർട്ട്ടൈം ഉൾപ്പെടെ), മേയ് 2018 പരീക്ഷയുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
ബിസിഎ പരീക്ഷാഫലം
വിദൂരവിദ്യഭ്യാസം അവസാനവർഷ ബിസിഎ (റഗുലർ/സപ്ലിമെന്‍ററി/ഇംപ്രൂവ്മെന്‍റ്), മാർച്ച് 2018 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള ഓണ്‍ലൈൻ അപേക്ഷകൾ ജൂലായ് 11 വരെ സ്വീകരിക്കും. ഗ്രേഡ്കാർഡുകൾ പ്രൊവഷണൽ സർട്ടിഫിക്കറ്റുകൾ എന്നിവ വിതരണം ചെയ്യുന്ന തീയതി പിന്നീട് അറിയിക്കുന്ന
താണ്.
എംഎസ് സി എൻവയോണ്‍മെന്‍റൽ സയൻസ് പരീക്ഷാഫലം
മാങ്ങാട്ട്പറന്പ് കാന്പസ് പഠന വകുപ്പിലെ ഒന്നാം സെമസ്റ്റർ എംഎസ് സി എൻവയോ
ണ്‍മെന്‍റൽ സയൻസ് (സിസിഎസ്എസ് നവംബർ 2017) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുന:പരിശോധന/ സൂക്ഷ്മ പരിശോധന/ ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ജൂലൈ ആറാണ്.
പ്രായോഗിക പരീക്ഷകൾ
നാലാം സെമസ്റ്റർ ബിഎസ് സി ജിയോഗ്രഫി (റെഗുലർ/സപ്ലിമെന്‍ററി മേയ് 2018) ഡിഗ്രി കോർ പ്രായോഗിക പരീക്ഷ 27ന് പെർള നളന്ദ കോളജിലും 28 ന് മുന്നാട് പീപൾസ് കോഓപ്പറേറ്റിവ് കോളജിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാ കേന്ദ്രവുമായി ബന്ധപ്പെടേണ്ടതാണ്.
രണ്ടും നാലും സെമസ്റ്റർ എംഎസ് സി കെമിസ്ട്രി ഡിഗ്രി പ്രായോഗിക പരീക്ഷകൾ/പ്രോജക്ട് മൂല്യനിർണയം/വാചാ പരീക്ഷ
എംഎസ് സി കെമിസ്ട്രി ഡിഗ്രി (റെഗുലർ/സപ്ലിമെന്‍ററി മാർച്ച് 2018) യുടെ നാലാം സെമസ്റ്ററിന്‍റെ പ്രായോഗിക പരീക്ഷകൾ/ പ്രോജക്ട് മൂല്യനിർണയം/വാചാ പരീക്ഷകൾ 28 മുതലും രണ്ടാം സെമസ്റ്ററിന്‍റേത് ജൂലൈ 17 മുതലും വിവിധ കേന്ദ്രങ്ങളിൽ ആരംഭിക്കുന്നതാണ്. വിശദ വിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
പാർട് രണ്ട് സെമസ്റ്റർ എംഎസ് സി മെഡിക്കൽ മൈക്രോബയോളജി/ ബയോകെമിസ്ട്രി ഡിഗ്രി പ്രായോഗിക/വാചാ പരീക്ഷകൾ പാർട്ട് രണ്ട് സെമസ്റ്റർ എംഎസി സി മെഡിക്കൽ ബയോകെമിസ്ട്രി/ മൈക്രോബയോളജി ഡിഗ്രി (റെഗുലർ/സപ്ലിമെന്‍ററി നവംബർ 2017) യുടെ പ്രായോഗിക/വാചാ പരീക്ഷകൾ ജൂലൈ 5,6,7,9,11,12 തീയതികളിൽ പാലയാട് സ്കൂൾ ഓഫ് ഹെൽത്ത് സയൻസസിൽ നടക്കും. രജിസ്റ്റർ ചെയ്ത വിദ്യാർഥികൾ പഠന വകുപ്പുമായി ബന്ധപ്പെടുക.
ഇന്‍റേണൽ മാർക്ക് സമർപ്പണം തീയതി നീട്ടി
നാലാം സെമസ്റ്റർ (സിബിസിഎസ്എസ്2016 അഡ്മിഷൻ) ബിരുദ വിദ്യാർഥികളുടെ ഇന്‍റേണൽ അസ്സസ്മെന്‍റ് മാർക്കുകൾ ഓണ്‍ലൈനായി സമർപ്പിക്കേണ്ട തീയതി ജൂണ്‍ 30 വരെ നീട്ടിയിരിക്കുന്നു. സാക്ഷ്യപ്പെടുത്തിയ പ്രിന്‍റൗട്ടുകൾ ജൂലായ് നാലിനകം സർവകലാശാലയിൽ എത്തിക്കേണ്ടതാണ്.
എംസിഎ പരീക്ഷ
അഫിലിയേറ്റഡ് കോളജുകളിലെ ആറാം സെമസ്റ്റർ എംസിഎ പരീക്ഷകൾ ജൂലായ് 18 ന് ആരംഭിക്കും. ഓണ്‍ലൈൻ രജിസ്ട്രേഷൻ ജൂണ്‍ 27ന് ആരംഭിക്കും. പിഴ കൂടാതെ ജൂണ്‍ 30 വരേയും 160 രൂപ പിഴ സഹിതം ജൂലായ് മൂന്നു വരേയും സമർപ്പിക്കാം. അപേക്ഷകളുടെ പ്രിന്‍റൗട്ട്, ചലാൻ സഹിതം ജൂലായ് നാലു വരെ സർവകലാശാലയിൽ സ്വീകരിക്കും. 2013 അഡ്മിഷനും അതിൻ മുൻപും ഉള്ള വിദ്യാർഥികൾക്ക് റിരജിസ്റ്റ്രേഷൻ വഴി അപേക്ഷിക്കാം.