ബിരുദ സർട്ടിഫിക്കറ്റുകൾക്ക് അപേക്ഷിക്കാനുള്ള തിയതി ജൂലൈ അഞ്ച് വരെ നീട്ടി
ഏപ്രിൽ 2018 ഡിഗ്രി ആറാം സെമസ്റ്റർ സിയുസിബിസിഎസ്എസ് (എപി സീരീസ്) പരീക്ഷയിലെ വിജയികൾക്ക് ഒറിജിനൽ ഡിഗ്രി സർട്ടിഫിക്കറ്റുകൾ വേഗത്തിൽ ലഭ്യമാക്കുന്നു. ഗോൾഡൻ ജൂബിലി ബിരുദദാനം എന്ന പേരിൽ സർവകലാശാലാ തലത്തിൽ സംഘടിപ്പിക്കുന്ന പ്രത്യേക ചടങ്ങിൽ സർട്ടിഫിക്കറ്റ് വിതരണം ആരംഭിക്കും. ആറാം സെമസ്റ്റർ (സിയുസിബിസിഎസ്എസ്) ഏപ്രിൽ 2018 (എപി സീരീസ്) പരീക്ഷ പാസായ അഫിലിയേറ്റഡ് കോളജുകളിലെ വിദ്യാർഥികൾക്ക് ഒറിജിനൽ ഡിഗ്രി സർട്ടിഫിക്കറ്റിനായി ഓണ്ലൈനിൽ അപേക്ഷിക്കാനുള്ള തിയതി ജൂലൈ അഞ്ച് വരെ നീട്ടി. അപേക്ഷയിൽ, സർട്ടിഫിക്കറ്റ് ലഭിക്കുന്നതിനുള്ള മേൽവിലാസമായി, പഠിച്ച കോളജിന്റെ വിലാസമാണ് നൽകേണ്ടത്. ഓണ്ലൈൻ അപേക്ഷയുടെ പ്രിന്റൗട്ട് നിശ്ചിത രേഖകൾ സഹിതം ജൂലൈ അഞ്ചിനകം അതത് കോളേജ് പ്രിൻസിപ്പൽമാർക്ക് സമർപ്പിക്കണം. ഓണ്ലൈനായി അപേക്ഷിക്കുന്നതിനുള്ള ലിങ്ക് സർവകലാശാലാ വെബ്സൈറ്റിൽ ലഭിക്കും. ആയിരം രൂപയാണ് ഫീസടക്കേണ്ടത്. സപ്ലിമെന്ററിയായി പാസായവർ ഈ രീതിയിൽ അപേക്ഷിക്കരുത്.
വിദൂര/പ്രൈവറ്റ് വിഭാഗം ഏപ്രിൽ 2018 ഡിഗ്രി ആറാം സെമസ്റ്റർ സിയുസിബിസിഎസ്എസ് (എപി സീരീസ്) പരീക്ഷ പാസായ വിദ്യാർഥികൾക്കും ഗോൾഡൻ ജൂബിലി ബിരുദദാന രീതിയിൽ ഒറിജിനൽ സർട്ടിഫിക്കറ്റിന് ഓണ്ലൈനിൽ ജൂലൈ അഞ്ച് വരെ അപേക്ഷിക്കാം. അവർ പ്രിന്റൗട്ടും രേഖകളും ജോയന്റ് കണ്ട്രോളർ ഓഫ് എക്സാമിനേഷൻസ്8, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, മലപ്പുറം673635 എന്ന വിലാസത്തിൽ ജൂലൈ ആറിനകം സമർപ്പിക്കണം. പുനർമൂല്യനിർണയത്തിന് അപേക്ഷിച്ചവരും സപ്ലിമെന്ററി/ ഇംപ്രൂവ്മെന്റ് ഫലം ലഭിക്കാനുള്ളവരും ഈ രീതിയിൽ ഒറിജനൽ ഡിഗ്രി സർട്ടിഫിക്കറ്റിന് അപേക്ഷിക്കാൻ അർഹരല്ല.
ഒന്നാം വർഷ ബിരുദ ക്ലാസുകൾ ഇന്ന് ആരംഭിക്കും
അഫിലിയേറ്റഡ് കോളജുകളിൽ ഒന്നാം വർഷ ബിരുദ ക്ലാസുകൾ ഇന്ന് ആരംഭിക്കും. മുൻ വർഷത്തെക്കാൾ രണ്ടാഴ്ചയിലേറെ നേരത്തെയാണ് ഈ വർഷം ക്ലാസുകൾ ആരംഭിക്കുന്നത്. 30ന് മുന്പ് ക്ലാസ് തുടങ്ങണമെന്ന ഗവണ്മെന്റിന്റെ നിർദ്ദേശത്തെ തുടർന്നാണിത്.
പരീക്ഷാഫലം
2017 ഡിസംബറിൽ നടത്തിയ ഒന്നാം സെമസ്റ്റർ എംഎസ് സി ഫിസിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ 11 വരെ അപേക്ഷിക്കാം.
2017 നവംബറിൽ നടത്തിയ ഒന്ന്, മൂന്ന് സെമസ്റ്റർ എംഎസ് സി അപ്ലൈഡ് ജിയോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
വിദൂരവിദ്യാഭ്യാസം ഒന്നാം സെമസ്റ്റർ ബിഎ/ ബിഎ അഫ്സൽഉൽഉലമ/ ബിഎസ് സി/ബികോം/ ബിബിഎ (സിയുസിബിസിഎസ്എസ്) നവംബർ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.