പിജി ഒന്നാം അലോട്ട്മെന്റ്: 13ന് മൂന്ന് വരെ
കാലിക്കട്ട് സര്വകലാശാലയുടെ ഏകജാലക പിജി പ്രവേശനം ഒന്നാമത്തെ അലോട്ട്മെന്റ് ലഭിച്ചവര്ക്ക് മാന്ഡേറ്ററി ഫീസ് അടച്ച് മൂന്ന് വരെ അതത് കോളജുകളില് പ്രവേശനം എടുക്കാം. അലോട്ട്മെന്റ് ലഭിച്ച് താത്ക്കാലിക/സ്ഥിര പ്രവേശനം എടുക്കാത്തവര്ക്ക് ലഭിച്ച അലോട്ട്മെന്റ് നഷ്ടപ്പെടുകയും തുടര്ന്നുള്ള പ്രവേശന പ്രക്രിയയില് നിന്ന് പുറത്താവുകയും ചെയ്യും.
പ്രവേശന പരീക്ഷ മുഖേനയുള്ള പിജി അലോട്ട്മെന്റ് പ്രസിദ്ധീകരിച്ചു
പ്രവേശന പരീക്ഷ മുഖേന പ്രവേശനം നടത്തുന്ന എംഎസ്സി കംപ്യൂട്ടര് സയന്സ്, എംഎസ്സി ക്ലിനിക്കല് സൈക്കോളജി, എംഎസ്സി സൈക്കോളജി, എംഎ ജേര്ണലിസം ആൻഡ് മാസ് കമ്യൂണിക്കേഷന്, എംഎസ്സി ജനറല് ബയോടെക്നോളജി എന്നീ കോഴ്സുകള്ക്ക് അഫിലിയേറ്റഡ് കോളജുകളിലേക്കുള്ള ഓണ്ലൈന് അലോട്ട്മെന്റ് പ്രസിദ്ധീകരിച്ചു. ചലാന് നമ്പറും പാസ്വേര്ഡും ഉപയോഗിച്ച് ലോഗിന് ചെയ്താല് ലഭിച്ച അലോട്ട്മെന്റ്കാണാം. അലോട്ട്മെന്റ് ലഭിച്ചവര് മാന്ഡേറ്ററി ഫീസ് അടച്ച് താല്ക്കാലിക അലോട്ട്മെന്റ് കാര്ഡ് ഡൗണ്ലോഡ് ചെയ്ത് ജൂലൈ 16ന് മൂന്ന് മണിക്കകം കോളേജില് അഡ്മിഷന് നേടണം. മാന്ഡേറ്ററി ഫീസ് എസ്സി/എസ്ടി 105 രൂപ, മറ്റുള്ളവര് 450 രൂപ.
ഐഇടിയില് അലോട്ട്മെന്റ് ലഭിച്ചവരുടെ ശ്രദ്ധക്ക്
കേരള എന്ട്രന്സ് പരീക്ഷാ അലോട്ട്മെന്റ് പ്രകാരം 201819 അധ്യയന വര്ഷത്തേക്ക് എന്ജിനിയറിംഗ് കോളജിലേക്ക് (സിയുഐഇടി) അലോട്ട്മെന്റ് ലഭിച്ചവര് കോളജില് അടക്കേണ്ട ഫീസ് ഡിമാന്റ് ഡ്രാഫ്റ്റായി ഇന്ന് എടുക്കണം.
എംഎസ്സി മൈക്രോബയോളജിക്ക് ബിപിഎല് സീറ്റ് ഒഴിവ്
ലൈഫ് സയന്സ് പഠനവകുപ്പില് എംഎസ്സി മൈക്രോബയോളജിക്ക് മുന്നാക്ക വിഭാഗത്തിലെ ബിപിഎല് സംവരണ വിഭാഗത്തില് ഒരൊഴിവുണ്ട്. പ്രവേശന പരീക്ഷ എഴുതിയ ഈ വിഭാഗക്കാര് 16ന് 11 ന് എല്ലാ രേഖകളും സഹിതം പഠനവകുപ്പില് ഹാജരാകണം.
എംഎ കംപാരറ്റീവ് ലിറ്ററേച്ചര് പ്രവേശനം
റഷ്യന് ആൻഡ് കംപാരറ്റീവ് ലിറ്ററേച്ചര് പഠനവകുപ്പിലെ എംഎ കംപാരറ്റീവ് ലിറ്ററേച്ചര് പ്രവേശന രണ്ടാംഘട്ട അഭിമുഖം 16ന് രാവിലെ 10.30ന് പഠനവകുപ്പില് നടക്കും. റാങ്ക് 22 മുതല് 107 വരെയുള്ളവര് എല്ലാ രേഖകളും സഹിതം ഹാജരാകണം. ഫോണ് : 0494 2407250. പ
പിജി പ്രാക്ടിക്കല് /വൈവാ
നാലാം സെമസ്റ്റര് എംകോം (സിയുസിഎസ്എസ്) ജൂലൈ 2018 പരീക്ഷയുടെ ഡെസര്ട്ടേഷന് മൂല്യനിര്ണയവും വൈവാ വോസിയും 17 മുതല് അതത് കോളജുകളില് നടക്കും.
എംഎസ്സി ഫിസിക്സ്, ബോട്ടണി നാലാം സെമസ്റ്റര് പ്രാക്ടിക്കല് പരീക്ഷകളും, നാലാം സെമസ്റ്റര് എംഎസ്സി മാത്തമാറ്റിക്സ്, എംഎസ്ഡബ്ല്യൂ വൈവയും, കംപ്യൂട്ടര് സയന്സ് പ്രാക്ടിക്കലും 16 മുതലും, സുവോളജി പ്രാക്ടിക്കല് 17 മുതലും എംഎസ്സി കെമിസ്ട്രി പ്രാക്ടിക്കല് 18 മുതലും വിവിധ പരീക്ഷാ കേന്ദ്രങ്ങളില് നടക്കും. ഷെഡ്യൂള് വെബ്സൈറ്റില് .
പരീക്ഷ
രണ്ടാം സെമസ്റ്റര് എംഎ/എംഎസ്സി/എംകോം/എംബിഇ/എംസിജെ/എംടിഎച്ച്എം/എംടിടിഎം/എംഎസ്ഡബ്ല്യൂ (സിയുസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ് പരീക്ഷ ഓഗസ്റ്റ് ഒമ്പതിന് ആരംഭിക്കും.
മൂന്നാം വര്ഷ ബിഎസ്സി മെഡിക്കല് ബയോകെമിസ്ട്രി, മെഡിക്കല് മൈക്രോബയോളജി, മെഡിക്കല് ലബോറട്ടറി ടെക്നോളജി പരീക്ഷ 20ന് ആരംഭിക്കും.
പരീക്ഷാഫലം
ഒന്ന്, മൂന്ന് സെമസ്റ്റര് എല്എല്എം നവംബര് 2017 പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 26 വരെ അപേക്ഷിക്കാം.
രണ്ടാം സെമസ്റ്റര് ബിഎംഎംസി (സിയുസിബിസിഎസ്എസ്) ഏപ്രില് 2017 റഗുലര്/സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് 24 വരെ അപേക്ഷിക്കാം.
ജനുവരിയില് നടത്തിയ ഒന്നാം സെമസ്റ്റര് എടെക് കംപ്യൂട്ടര് സയന്സ് ആൻഡ് എൻജിനിയറിംഗ് (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 26 വരെ അപേക്ഷിക്കാം.
പിജി സ്പെഷല് സപ്ലിമെന്ററി പരീക്ഷ
പഠനവകുപ്പിലെ (സിസിഎസ്എസ്) രണ്ടാം സെമസ്റ്റര് എംഎ ഇംഗ്ലീഷ് (201112 പ്രവേശനം) എംഎസ്സി മാത്തമാറ്റിക്സ്/എംകോം (20082012 പ്രവേശനം) സ്പെഷല് സപ്ലിമെന്ററി പരീക്ഷയ്ക്ക് 23 വരെ അപേക്ഷിക്കാം. പ്രിന്റൗട്ട്, ചലാന് സഹിതം ദി കണ്ട്രോളര് ഓഫ് എക്സാമിനേഷന്സ്, സ്പെഷല് സപ്ലിമെന്ററി എക്സാമിനേഷന് യൂണിറ്റ്, പരീക്ഷാഭവന് , യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തില് 26നകം ലഭിക്കണം.
വിദൂരവിദ്യാഭ്യാസം ഐഡി കാര്ഡ് ഡ്യൂപ്ലിക്കറ്റായി ലഭിക്കാന്
വിദൂരവിദ്യാഭ്യാസം വിദ്യാർഥികള്ക്ക് നല്കുന്ന തിരിച്ചറിയല് കാര്ഡ് നഷ്ടപ്പെട്ടവര്ക്ക് ഡ്യൂപ്ലിക്കേറ്റ് ഐഡി കാര്ഡ് ലഭിക്കാന് 105 രൂപ ഇചലാന് വഴി അടച്ച് വെബ്സൈറ്റില് നിന്നും ഡൗണ്ലോഡ് ചെയ്യാം. ഫോണ് : 0494 2400288, 2407356.
അദീബെ ഫാസില് പുനര്മൂല്യനിര്ണയ ഫലം
അദീബെ ഫാസില് പ്രിലിമിനറി, ഫൈനല് ഏപ്രില് 2017 പരീക്ഷകളുടെ പുനര്മൂല്യനിര്ണയ ഫലം വെബ്സൈറ്റില്