ഡപ്യൂട്ടേഷന്‍ നിയമനം
അറബിക് പഠനവകുപ്പില്‍ അസോസിയേറ്റ് പ്രഫസര്‍ , അസി. പ്രഫസര്‍ ഒഴിവുകളിലേക്ക് ഡെപ്യൂട്ടേഷനില്‍ നിയമിക്കുന്നതിന് സര്‍വകലാശാലാ/സര്‍ക്കാര്‍ /എയ്ഡഡ് കോളജ് അധ്യാപകരില്‍ നിന്ന് അപേക്ഷ ക്ഷണിച്ചു. ബയോഡാറ്റയും സ്ഥാപന മേധാവിയുടെ സമ്മതപത്രവും സഹിതം രജിസ്ട്രാര്‍ , കാലിക്കട്ട്സര്‍വകലാശാല, കാലിക്കട്ട് യൂണിവേഴ്സിറ്റി പി.ഒ, 673635 എന്ന വിലാസത്തില്‍ ഓഗസ്റ്റ് എട്ടിനകം ലഭിക്കണം. വിവരങ്ങള്‍ വെബ്സൈറ്റില്‍ .
ബോക്സിംഗ് പ്രോമിസിംഗ് യംഗ്സ്റ്റേഴ്സ് ക്യാമ്പ്
കായിക പഠനവിഭാഗത്തിന്‍റെ കീഴില്‍ നടത്തുന്ന ബോക്സിംഗ് പുരുഷ പ്രോമിസിംഗ് യംഗ്സ്റ്റേഴ്സ് കോച്ചിംഗ് ക്യാമ്പ് ഓഗസ്റ്റ് ഒന്ന് മുതല്‍ ഏഴ് വരെ സര്‍വകലാശാലാ സ്റ്റേഡിയത്തില്‍ നടക്കും. പ്ലസ്ടു കഴിഞ്ഞ് ഡിഗ്രി പ്രവേശനം കാത്തിരിക്കുന്നവര്‍ക്കും സെലക്ഷന്‍ ട്രയലില്‍ പങ്കെടുക്കാം. രാവിലെ 8.30ന് സര്‍വകലാശാലാ സ്റ്റേഡിയത്തില്‍ സ്പോര്‍ട്സ് കിറ്റ് സഹിതം ഹാജരാകണം.
എംഎസ്‌സി ഫുഡ് സയന്‍സ് പ്രവേശനം
സ്‌കൂള്‍ ഓഫ് ഹെല്‍ത്ത് സയന്‍സസില്‍ സ്വാശ്രയ എംഎസ്‌സി ഫുഡ് സയന്‍സ് ആൻഡ് ടെക്നോളജി കോഴ്സില്‍ ഏതാനും സീറ്റുകള്‍ ഒഴിവുണ്ട്. എന്‍ട്രന്‍സ്/നോണ്‍ എന്‍ട്രന്‍സ് വിഭാഗത്തില്‍ റാങ്ക് ലിസ്റ്റില്‍ ഉള്‍പ്പെട്ടവര്‍ക്ക് 30ന് രാവിലെ 10.30ന് കൗണ്‍സലിംഗ് നടത്തും. ഫോണ്‍ : 0494 2407345.
സര്‍വകലാശാലാ പെന്‍ഷന്‍കാര്‍ക്ക് ആരോഗ്യ ഇന്‍ഷൂറന്‍സ്
ജീവനക്കാര്‍ക്കും പെന്‍ഷന്‍കാര്‍ക്കുമായി സംസ്ഥാന ഗവണ്‍മെന്‍റിന്‍റെ ആരോഗ്യ ഇന്‍ഷൂറന്‍സ് പദ്ധതി പ്രകാരം അപേക്ഷ സമര്‍പ്പിച്ചിട്ടില്ലാത്ത പെന്‍ഷന്‍കാരും ജീവനക്കാരും ഓഗസ്റ്റ് 14നകം എത്തിക്കണം. അല്ലാത്ത പക്ഷം ഇൻഷ്വറന്‍സ് പദ്ധതിയുടെ ഗുണഭോക്താക്കളാകാന്‍ കഴിഞ്ഞേക്കില്ലന്ന് അധികൃതര്‍ അറിയിച്ചു.കെ.വി.അരുണ്‍ , നോഡല്‍ ഓഫീസര്‍, ഫിനാന്‍സ് കമ്പ്യൂട്ടര്‍ സെല്‍ , കാലിക്കട്ട്സര്‍വകലാശാല, 673635. എന്ന വിലാസത്തില്‍ അയക്കണം
പരീക്ഷാഫലം
2018 ജൂണില്‍ നടത്തിയ നാലാം സെമസ്റ്റര്‍ എംഎ തമിഴ് (സിയുസിഎസ്എസ്) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് ഓഗസ്റ്റ് ഏഴ് വരെ അപേക്ഷിക്കാം.
ബിബിഎഎല്‍എല്‍ബി പുനര്‍മൂല്യനിര്‍ണയ ഫലം കാലിക്കട്ട് സര്‍വകലാശാല ബിബിഎഎല്‍എല്‍ബി ഒന്നാം സെമസ്റ്റര്‍ ഏപ്രില്‍ 2017 പരീക്ഷയുടെ പുനര്‍മൂല്യനിര്‍ണയ ഫലം വെബ്സൈറ്റില്‍ .
ബിഎഡ്, ബിഎഡ് ഹിയറിംഗ് ഇംപയേര്‍ഡ്
ബിഎഡ്, ബിഎഡ് സ്പെഷല്‍ എഡ്യുക്കേഷന്‍ (ഹിയറിംഗ് ഇംപയേര്‍ഡ്) പ്രോഗ്രാമുകള്ക്ക് ഒഴിവുള്ള സീറ്റുകളിലേക്ക് പിഴയോടെ ഓണ്‍ലൈനായി ജൂലൈ 31വരെ അപേക്ഷിക്കാം. വിവിരങ്ങള്‍ വെബ്സൈറ്റില്‍ . ഫോണ്‍ : 0494 2407016, 2407017.
മൂന്നാം സെമസ്റ്ററില്‍ പുനഃപ്രവേശനം
വിദൂരവിദ്യാഭ്യാസം ബിഎ/ബികോം/ബിഎസ്‌സി (മാത്തമാറ്റിക്സ്)/ബിബിഎ (സിയുസിബിസിഎസ്എസ്) പ്രോഗ്രാമുകള്ക്ക് 2014 മുതല്‍ 2016 വരെയുള്ള വര്‍ഷങ്ങളില്‍ പ്രവേശനം നേടി ഒന്ന്, രണ്ട് സെമസ്റ്റര്‍ പരീക്ഷകള്‍ക്ക് അപേക്ഷിച്ച ശേഷം തുടര്‍പഠനം നടത്താനാവാത്ത വിദൂരവിദ്യാഭ്യാസം വിദ്യാര്‍ഥികള്‍ക്ക് മൂന്നാം സെമസ്റ്ററിലേക്ക് പുനഃപ്രവേശനത്തിന് ഓണ്‍ലൈനായി ഓഗസ്റ്റ് 31 വരെ അപേക്ഷിക്കാം. ഗസറ്റഡ് ഓഫീസര്‍ സാക്ഷ്യപ്പെടുത്തിയ അപേക്ഷയുടെ പ്രിന്‍റൗട്ട്, ചലാന്‍ , രണ്ടാം സെമസ്റ്റര്‍ പരീക്ഷയുടെ ഹാള്‍ടിക്കറ്റിന്‍റെ പകര്‍പ്പ്, എസ്ഡിഇഐഡി/ ടിസി. സഹിതം വിദൂരവിദ്യാഭ്യാസ വിഭാഗത്തില്‍ സെപ്റ്റംബര്‍ ഏഴിനകം ലഭിക്കണം. വിവരങ്ങള്‍ സര്‍വകലാശാലാ വെബ്സൈറ്റില്‍ .
ക്വട്ടേഷന്‍
വാഹനങ്ങളുടെ ഉപയോഗ ശൂന്യമായ ടയറുകള്‍ വില്‍ക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഓഗസ്റ്റ് ഒമ്പതിന് നാലിനകം ഇന്‍സ്ട്രുമെന്‍റെഷന്‍ വിഭാഗത്തില്‍ ലഭിക്കണം. പരസ്യ ലേലം ഓഗസ്റ്റ് 14ന് രാവിലെ 11 ന് നടക്കും. വിവരങ്ങള്‍ സര്‍വകലാശാലാ വെബ്സൈറ്റില്‍ .
എംഫില്‍ പൊളിറ്റിക്കല്‍ സയന്‍സ് വൈവാ വോസി
പൊളിറ്റിക്കല്‍ സയന്‍സ് പഠനവകുപ്പിലെ രണ്ടാം സെമസ്റ്റര്‍ എംഫില്‍ പൊളിറ്റിക്കല്‍ സയന്‍സ് വൈവാ വോസി ഓഗസ്റ്റ് മൂന്നിന് രാവിലെ പത്തിന് പഠനവകുപ്പില്‍ നടക്കും.
ബിഎസ്‌സി മൈക്രോബയോളജി എക്സാമിനേഴ്സ് മീറ്റിംഗ്
നാലാം സെമസ്റ്റര്‍ ബിഎസ്‌സി മൈക്രോബയോളജി (സിയുസിബിസിഎസ്എസ്) പ്രാക്ടിക്കല്‍ പരീക്ഷയുടെ എക്സാമിനേഴ്സ് മീറ്റിംഗില്‍ എല്ലാ ജില്ലകളിലേയും മൈക്രോബയോളജി അധ്യാപകര്‍ 30ന് രാവിലെ 10.30ന് പരീക്ഷാഭവനില്‍ ഹാജരാകണം.
കാലിക്കട്ടിൽ പാരാമെഡിക്കൽ കോഴ്സുകൾക്ക് അനുമതി നല്കിയതിൽ ആശങ്ക
തേഞ്ഞിപ്പലം: കാലിക്കട്ട് സർവകലാശാല സിൻഡിക്കറ്റ് പാരാമെഡിക്കൽ കോഴ്സുകൾ പുനഃരാരംഭിക്കാൻ അനുമതി നൽകിയത് സംബന്ധിച്ച് ആശങ്ക. ആരോഗ്യ സർവകലാശാല സ്ഥാപിതമായതിന് ശേഷം കാലിക്കട്ട് അടക്കമുള്ള യൂണിവേഴ്സിറ്റികളിൽ പാരാമെഡിക്കൽ കോഴ്സുകൾ നടത്തരുതെന്ന് വ്യക്തമാക്കി സംസ്ഥാന സർക്കാർ രണ്ട് വർഷം മുന്പ് ഉത്തരവിറക്കിയിരുന്നു.
സർക്കാർ നിർദേശം നിലനിൽക്കെയാണ് കാലിക്കട്ട്സർവകലാശാല ഹെൽത്ത് സയൻസ് വിഭാഗത്തിൽ മെഡിക്കൽ മൈക്രോ ബയോളജി, മെഡിക്കൽ ബയോകെമിസ്ട്രി കോഴ്സുകൾ തുടങ്ങാൻ ഈ മാസം 21ന് ചേർന്ന സിൻഡിക്കറ്റ് അനുമതി നൽകിയത്. സർക്കാർ ഉത്തരവ് നിലനിൽക്കെ സിൻഡിക്കേറ്റ് ഇത്തരമൊരു തീരുമാനം എന്ത് അടിസ്ഥാനത്തിൽ കൈക്കൊണ്ടുവെന്നതാണ് ചോദ്യം ഉയർന്നിരിക്കുന്നത്. പാരാമെഡിക്കൽ കോഴ്സുകൾക്ക് എലിജിബിലിറ്റിയും തുല്യതയും നൽകാൻ പാടില്ലെന്നിരിക്കെയാണ് കാലിക്കട്ടിൽ ഇത്തരമൊരു തീരുമാനമെടുത്തിരിക്കുന്നത്. സിൻഡിക്കറ്റ് തീരുമാനം നടപ്പാക്കാൻ ബന്ധപ്പെട്ട സെക്ഷനുകൾക്ക് ഇതിനകം രേഖാമൂലം നിർദേശവും നൽകിയിട്ടുണ്ട്. സർക്കാർ ഉത്തരവിനു വിരുദ്ധമായി കോഴ്സ് നടത്തിയാൽ കോഴ്സിൽ ചേർന്ന് പഠിക്കുന്നവരുടെ അക്കഡേമിക് ഭാവിയും അവതാളത്തിലാവുമെന്ന് ആശങ്കയുണ്ട്.