സെനറ്റ് തെരഞ്ഞെടുപ്പ്
കാലിക്കട്ട് സര്വകലാശാലാ സെനറ്റിലേക്ക് അധ്യാപകേതര ജീവനക്കാരുടെ വിഭാഗത്തില് നിന്നും വിനോദ് .എന് നീക്കാമ്പുറത്തിനെ തെരഞ്ഞെടുത്തു.
അത്ലറ്റിക്സ് പ്രോമിസിംഗ് യംഗ്സ്റ്റേഴ്സ് ക്യാമ്പ്
കാലിക്കട്ട് സര്വകലാശാലാ കായിക പഠനവിഭാഗത്തിന്റെ കീഴില് നടത്തുന്ന അത്ലറ്റിക്സ് പുരുഷ പ്രോമിസിംഗ് യംഗ്സ്റ്റേഴ്സ് കോച്ചിംഗ് ക്യാമ്പ് ആഗസ്റ്റ് എട്ട് മുതല് 14 വരെ സര്വകലാശാലാ സ്റ്റേഡിയത്തില് നടക്കും. പ്ലസ്ടു കഴിഞ്ഞ് ഡിഗ്രി പ്രവേശനം കാത്തിരിക്കുന്നവര്ക്കും സെലക്ഷന് ട്രയലില് പങ്കെടുക്കാം. സര്വകലാശാലാ സ്റ്റേഡിയത്തില് സ്പോര്ട്സ് കിറ്റ് സഹിതം ഹാജരാകണം.
ഫുട്ബോള് കോച്ചിംഗ് ക്യാമ്പ് മാറ്റി
കായിക പഠനവകുപ്പിന് കീഴില് ജൂലൈ 30 മുതല് നടത്താനിരുന്ന പുരുഷ ഫുട്ബോള് പ്രോമിസിംഗ് യംഗ്സ്റ്റേഴ്സ് കോച്ചിംഗ് ക്യാമ്പ് മാറ്റി. പുതുക്കിയ തിയതി പിന്നീട് അറിയിക്കും.
പിജി പ്രവേശനം
പിജി പ്രവേശനത്തിനു നിലവിലുള്ള ഒഴിവുകളിലേക്കും തുടര്ന്ന് വരുന്ന ഒഴിവുകളിലേക്കും പ്രവേശനം കോളജുകള് നേരിട്ട് നടത്തും. കോളജുകള് നല്കുന്ന പത്രപരസ്യത്തിന്റെ അടിസ്ഥാനത്തില് വിദ്യാര്ഥികള് ഹാജരാവണം. ഹാജരാകുന്നവരില് നിന്നും മെറിറ്റ് അടിസ്ഥാനത്തില് കോളജുകള് റാങ്ക് ലിസ്റ്റ് തയാറാക്കും. ഇംപ്രൂവ്മെന്റ്, റിസര്വേഷന്, വെയിറ്റേജ് എന്നിവ പുതുതായി ഉള്പ്പെടുത്താനുള്ളവര്ക്ക് ഒറിജിനല് രേഖകള് ഹാജരാക്കുന്നപക്ഷം മാറ്റം വരുത്താന് കോളജുകളില് സൗകര്യമുണ്ടായിരിക്കും. ആഗസ്റ്റ് മൂന്നിന് വൈകിട്ട് മൂന്നുവരെയാണ് പ്രവേശനം അനുവദിച്ച സമയം.
എംഎ ഇംഗ്ലീഷ് ബിപിഎല് സീറ്റ് ഒഴിവ്
ഇംഗ്ലീഷ് പഠനവകുപ്പിലെ എംഎ ഇംഗ്ലീഷ് കോഴ്സിന് മൂന്നാക്ക വിഭാഗത്തിലെ ബിപിഎല് സംവരണ സീറ്റില് ഒരൊഴിവുണ്ട്. പ്രവേശന പരീക്ഷ എഴുതിയവർ ജാതി തെളിയിക്കുന്ന സര്ട്ടിഫിക്കറ്റും തദ്ദേശ സ്വയംഭരണ വിഭാഗ വകുപ്പില് നിന്നും ലഭിക്കുന്ന ബിപിഎല് സര്ട്ടിഫിക്കറ്റും മറ്റ് രേഖകളും സഹിതം ആഗസ്റ്റ് ഒന്നിന് രാവിലെ പത്ത് മണിക്ക് പഠനവകുപ്പില് ഹാജരാകണം. രജിസ്ട്രേഷന് സമയത്ത് കാറ്റഗറിയിനത്തില് ബിപിഎല് ചേര്ക്കാന് വിട്ടുപോയവര്ക്കും അവസരം നല്കും. ഫോണ് : 0494 2407259.
എസ്ടി സീറ്റ് അപേക്ഷ
മാധ്യമ പഠനവകുപ്പില് എസ്ടി വിഭാഗം ഒഴിവുള്ള സീറ്റിലേക്ക് കൗണ്സലിംഗിന് ഹാജരായ എസ്ടി വിഭാഗം വിദ്യാര്ഥികളില് അര്ഹരായവര് തഹസില്ദാരില് നിന്നും ലഭിച്ച ജാതി സര്ട്ടിഫിക്കറ്റ് ഉള്പ്പെടെ രേഖകള് സഹിതം 31ന് വൈകുന്നേരം നാലിനകം പഠനവകുപ്പില് ഹാജരാകണം.
എംഎ ഹിസ്റ്ററി മാര്ക്ക് ലിസ്റ്റ്
2017 ഏപ്രിൽ/മേയ് മാസങ്ങളില് നടത്തിയ വിദൂരവിദ്യാഭ്യാസം എംഎ ഹിസ്റ്ററി പരീക്ഷയുടെ മാര്ക്ക് ലിസ്റ്റുകള് അതത് മെയിന് കേന്ദ്രങ്ങളില് നിന്നും കൈപ്പറ്റണം. കാലിക്കട്ട് സര്വകലാശാല മെയിന് കേന്ദ്രമായി അപേക്ഷിച്ചവര് തിരൂരങ്ങാടി പിഎസ്എംഒ കോളജില് നിന്നും കൈപ്പറ്റണം.
എംഎ ഇംഗ്ലീഷ് മാര്ക്ക് ലിസ്റ്റ്
2017 മെയില് നടത്തിയ വിദൂരവിദ്യാഭ്യാസം എംഎ ഇംഗ്ലീഷ് പ്രീവിയസ് (നോണ് സെമസ്റ്റര് ) മാര്ക്ക് ലിസ്റ്റുകള് അതത് കേന്ദ്രങ്ങളില് നിന്നും 30 മുതല് വിതരണം ചെയ്യും. ചങ്കുവെട്ടി ഫാറൂഖ് ആര്ട്സ് ആൻഡ് സയന്സ് കോളജില് പരീക്ഷ എഴുതിയവര് തിരൂരങ്ങാടി പിഎസ്എംഒ കോളജില് നിന്നും, മുക്കം എംഎഎംഒ കോളജ്, കോഴിക്കോട് മലബാര് ക്രിസ്റ്റ്യന് കോളജ് എന്നിവിടങ്ങളില് പരീക്ഷ എഴുതിയവര് ദേവഗിരി സെന്റ് ജോസഫ്സ് കോളജില് നിന്നും കൈപ്പറ്റണം.
ബികോം അഡീലഷണല് സ്പെഷലൈസേഷന് അപേക്ഷിക്കാം
വിദൂരവിദ്യാഭ്യാസ വിഭാഗത്തിന് കീഴില് അഡീഷണല് സ്പെഷലൈസേഷന് (ഫിനാന്സ്, ബാങ്കിംഗ് ആൻഡ് ഇൻഷ്വറൻസ്, കോഓപറേഷര്, കംപ്യൂട്ടര് അപ്ലിക്കേഷന് എന്നിവയില് ഒന്ന്) ചെയ്യുന്നതിന് ബികോം ബിരുദധാരികളില് നിന്നും അപേക്ഷ ക്ഷണിച്ചു. ബികോം ഡിഗ്രി കഴിഞ്ഞു ഒരു വര്ഷമെങ്കിലും കഴിഞ്ഞവര്ക്ക് മാത്രമേ അപേക്ഷിക്കാനാവൂ. ഓണ്ലൈന് രജിസ്ട്രേഷന് സൗകര്യം ആഗസ്റ്റ് ഒന്ന് മുതല് 30 വരെ. ഫോണ് : 0494 2407356, 2407494.
പരീക്ഷാ അപേക്ഷ
നാലാം സെമസ്റ്റര് എംഎസ്സി ഹെല്ത്ത് ആൻഡ് യോഗ തെറാപ്പി റഗുലര് /സപ്ലിമെന്ററി പരീക്ഷയ്ക്ക് പിഴകൂടാതെ ജൂലൈ 31 വരെ അപേക്ഷിക്കാം.
പരീക്ഷ
കാലിക്കട്ട് സര്വകലാശാല നാലാം സെമസ്റ്റര് ബിഎഡ് സ്പെഷല് എഡ്യുക്കേഷന് (ഹിയറിംഗ് ഇംപയേര്ഡ്) 2015 പ്രവേശനം മുതല് റഗുലര്/സപ്ലിമെന്ററി പരീക്ഷ ആഗസ്റ്റ് 13ന് ആരംഭിക്കും.
പുനഃപരീക്ഷ
2017 ഡിസംബര് 21ന് കോഴിക്കോട് മലബാര് ക്രിസ്റ്റ്യന് കോളജ്, തൃശൂര് സഹൃദയ കോളജ് എന്നിവിടങ്ങളില് നടത്തിയ മൂന്നാം സെമസ്റ്റര് യുജി കോമണ് കോഴ്സ് പേപ്പര് ജിഇആര് 3എ 09ലിറ്ററേച്ചര് ഇന് ജര്മ്മന് (സിയുസിബിസിഎസ്എസ്) റഗുലര് /സപ്ലിമെന്ററി/ഇംപ്രൂവ്മെന്റ പരീക്ഷ റദ്ദ് ചെയ്തു. പുനഃപരീക്ഷ ആഗസ്റ്റ് ഏഴിന് അതത് കേന്ദ്രങ്ങളില് ഉച്ചക്ക് 1.30ന് നടക്കും.
പരീക്ഷാഫലം
2018 ജൂണില് നടത്തിയ നാലാം സെമസ്റ്റര് എംഎസ്സി കംപ്യൂട്ടര് സയന്സ് (സിയുസിഎസ്എസ്) പരീക്ഷാഫലം വെബ്സൈറ്റില്.
പുനര്മൂല്യനിര്ണയ ഫലം
ഒന്നാം വര്ഷ ബിഎസ്സി എംഎല്ടി മാര്ച്ച് 2017 പരീക്ഷയുടെ പുനര്മൂല്യനിര്ണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.