പരീക്ഷാഭവന് പുതിയ കെട്ടിടോദ്ഘാടനവും ബിരുദ സര്ട്ടിഫിക്കറ്റുകളുടെ റിലീസും
പരീക്ഷാഭവന് പുതുതായി നിർമിച്ച ബഹുനില കെട്ടിടോദ്ഘാടനം 13ന് രാവിലെ പത്തിന് മന്ത്രി പ്രഫ.സി.രവീന്ദ്രനാഥ് നിര്വഹിക്കും. 2018ല് ബിരുദം പൂര്ത്തിയാക്കി സുവർണജൂബിലി ബിരുദദാന സ്കീമില് ബിരുദ സര്ട്ടിഫിക്കറ്റിന് അപേക്ഷിച്ച എല്ലാ വിദ്യാര്ഥികള്ക്കുമുള്ള ബിരുദ സര്ട്ടിഫിക്കറ്റുകളും അന്ന് റിലീസ് ചെയ്യും. 14ന് അതത് കോളജുകളില് നിന്ന് സര്ട്ടിഫിക്കറ്റുകള് അപേക്ഷകര്ക്ക് ലഭ്യമാകും.
സര്വകലാശാലയില് ഒമ്പതിന് നാടകം 'വേറിട്ട കാഴ്ചകള് '
കേരള സംഗീത നാടക അക്കാദമിയുടെ സഹകരണത്തോടെ പബ്ലിക് റിലേഷന്സ് വിഭാഗം സംഘടിപ്പിക്കുന്ന പ്രതിമാസ നാടക പരിപാടിയില് ഒമ്പതിന് അക്ഷരജ്വാല അവതരിപ്പിക്കുന്ന 'വേറിട്ട കാഴ്ചകള് ''അരങ്ങേറും. സര്വകലാശാലാ ഓഡിറ്റോറിയത്തില് വൈകുന്നേരം 6.30നാണ് അവതരണം. പ്രവേശനം സൗജന്യമാണ്.
രാമാനുജന് സെമിനാര്
ദേശീയ ഗണിത ശാസ്ത്ര ദിനാഘോഷത്തിന്റ ഭാഗമായി ഒമ്പത് മുതല് പ്ലസ്ടു വരെയുള്ള സ്കൂള് വിദ്യാര്ഥികള്ക്കായി കാലിക്കട്ട് സര്വകലാശാലാ മാത്തമാറ്റിക്സ് പഠനവകുപ്പിന്റെ ആഭിമുഖ്യത്തില് രാമാനുജന് സെമിനാര് സംഘടിപ്പിക്കുന്നു. 18ന് സര്വകലാശാല ആര്യഭട്ട ഹാളിലാണ് പരിപാടി. ഫോണ് : 0494 2407428
ഐഇടി അധ്യാപക അഭിമുഖം
എന്ജിനിയറിംഗ് കോളജില് (ഐഇടി) പ്രഫസര് , അസോസിയേറ്റ് പ്രഫസര്, അസിസ്റ്റന്റ് പ്രഫസര് തസ്തികയില് കരാര് നിയമനത്തിന് ജൂണ് നാലിലെ വിജ്ഞാപന പ്രകാരം അപേക്ഷിച്ച യോഗ്യരായവര്ക്കുള്ള അഭിമുഖം 20ന് സര്വകലാശാലാ ഭരണവിഭാഗത്തില് നടക്കും. വിവരങ്ങള് സര്വകലാശാലാ വെബ്സൈറ്റില് . ഫോണ് : 0494 2407106.
ഏഴിലെ മാറ്റിവെച്ച പരീക്ഷകളുടെ പുതുക്കിയ തിയതി
ഓഗസ്റ്റ് ഏഴിന് നടത്താനിരുന്ന പരീക്ഷകളുടെ പുതുക്കിയ തിയതികള് . വിദൂരവിദ്യാഭ്യാസം എംഎ അറബിക് ഒന്ന്, രണ്ട് സെമസ്റ്റര് /പ്രീവിയസ് റഗുലര് /സപ്ലിമെന്ററി/ഇംപ്രൂവ്മെന്റ് പരീക്ഷ 20നും, വിദൂരവിദ്യാഭ്യാസം എംഎ ഹിസ്റ്ററി മൂന്ന്, നാല് സെമസ്റ്റര് പേപ്പര് എസ്.4ഇ3വിമണ്സ് ഹിസ്റ്ററി റഗുലര് സപ്ലിമെന്ററി/ഇംപ്രൂവ്മെന്റ്പരീക്ഷ 20നും, മൂന്നാം സെമസ്റ്റര് ബിഎസ്.സി ജര്മന് പേപ്പര് ജിഇആര് 3എ09ലിറ്ററേച്ചര് ഇന് ജര്മന് റഗുലര്/സപ്ലിമെന്ററി പരീക്ഷ 14നും, എല്എല്ബി (പഞ്ചവത്സരം2009 മുതല് പ്രവേശനം, 2008 സ്കീം) മൂന്നാം സെമസ്റ്റര് പരീക്ഷ 20നും നടക്കും. മറ്റ് തിയതികളിലെ പരീക്ഷകളിലോ സമയത്തിലോ മാറ്റമില്ല.
എംഎസ്സി കംപ്യൂട്ടർ സയന്സ്, എംസിഎ പ്രവേശന പരീക്ഷ
സ്വാശ്രയ കേന്ദ്രങ്ങള് , അഫിലിയേറ്റഡ് കോളജുകള് എന്നിവയില് പ്രവേശന പരീക്ഷ മുഖേന പ്രവേശനം നടത്തുന്ന എംഎസ്സി കംപ്യൂട്ടര് സയന്സ് പ്രവേശന പരീക്ഷ ഇന്ന് രാവിലെ 11.15നും, എംസിഎ ഇന്ന് ഉച്ചയ്ക്ക് രണ്ടിനും സയന്സ് ബ്ലോക്കിലെ ആര്യഭട്ട ഹാളില് നടക്കും. രജിസ്ട്രേഷന് പ്രിന്റൗട്ട്, ഐഡി സഹിതം എത്തണം. ഹാള്ടിക്കറ്റ് ഉണ്ടാവില്ല. ഫോണ് : 0494 2407016, 2407017.
സ്പോട്ട് അഡ്മിഷന്
അറബിക് പഠനവകുപ്പിലെ പിജി ഡിപ്ലോമ ഇന് ട്രാന്സ്ലേഷന് ആൻഡ് സെക്രട്ടേറിയല് പ്രാക്റ്റീസ് ഇന് അറബിക് കോഴ്സിലേക്ക് സ്പോട്ട് അഡ്മിഷന് എട്ടിന് പത്തിന് പഠനവിഭാഗത്തില് നടക്കും. താല്പര്യമുള്ളവര് എസ്എസ്എല്സി, ഡിഗ്രി ഒറിജിനല് /പ്രൊവിഷനല് , മാര്ക്ക് ലിസ്റ്റ്, ടിസി എന്നിവ സഹിതം എത്തണം.
എസ്സി സീറ്റ് ഒഴിവ്
മാധ്യമ പഠനവിഭാഗത്തില് എംഎ ജേര്ണലിസം ആൻഡ് മാസ് കമ്യൂണിക്കേഷന് കോഴ്സില് എസ്സി വിഭാഗത്തില് ഒഴിവുള്ള ഒരു സീറ്റിലേക്ക് പ്രവേശനത്തിന് കൗണ്സലിംഗിന് ഹാജരായ അര്ഹരായവര് ഉണ്ടെങ്കില് തഹസില്ദാരില് നിന്ന് ലഭിച്ച ജാതി തെളിയിക്കുന്ന സര്ട്ടിഫിക്കറ്റ് ഉള്പ്പെടെ എല്ലാ സര്ട്ടിഫിക്കറ്റുകളും സഹിതം നാളെ 11നകം പഠനവകുപ്പില് ഹാജരാകണം.
എംബിഎ വൈവാ വോസി പത്തിന്
ഏഴിന് തൃശൂര് ജോണ് മത്തായി സെന്ററില് നടത്താനിരുന്ന നാലാം സെമസ്റ്റര് എംബിഎ (സിയുസിഎസ്എസ്) വൈവാ വോസി പത്തിന് നടക്കും.
പൊസിഷന് സര്ട്ടിഫിക്കറ്റിന് അപേക്ഷിക്കാം
2017 വര്ഷത്തെ ബികോം/ബിബിഎ/ബിടിഎച്ച്എം/ബികോം വൊകേഷണല് /ബികോം ഓണേഴ്സ് (സിയുസിബിസിഎസ്എസ്, 'എഒ' സീരീസ്2014 പ്രവേശനം) പൊസിഷന് ലിസ്റ്റ് വെബ്സൈറ്റില് . അര്ഹരായവര് പൊസിഷന് സര്ട്ടിഫിക്കറ്റ് ലഭിക്കുന്നതിന് ഫീസടച്ച ചലാന് സഹിതം ബികോം വിഭാഗത്തില് അപേക്ഷിക്കണം. തപാലില് ലഭിക്കേണ്ടവര് തപാല് ചാര്ജ്ജ് സഹിതം അപേക്ഷിക്കണം.
പരീക്ഷ
നാലാം സെമസ്റ്റര് എംഎസ്സി ഫുഡ് സയന്സ് ആൻഡ് ടെക്നോളജി റഗുലര്/സപ്ലിമെന്ററി പരീക്ഷ 14ന് ആരംഭിക്കും.
പരീക്ഷാഫലം
2018 ജൂണില് നടത്തിയ നാലാം സെമസ്റ്റര് എംഎസ്സി പോളിമര് കെമിസ്ട്രി (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 20 വരെ അപേക്ഷിക്കാം.
2017 നവംബറില് നടത്തിയ മൂന്നാം സെമസ്റ്റര് എംഎസ്സി അപ്ലൈഡ് കെമിസ്ട്രി പരീക്ഷാഫലം വെബ്സൈറ്റില് .